بٷگٸن قازاقستان مەن حالىقارالىق قايتا قۇرۋ جەنە دامۋ بانكٸ اراسىنداعى كەلٸسٸم شەڭبەرٸندە قۇنى 75 ملن اقش دوللارىن قۇرايتىن «ورتا بٸلٸم بەرۋدٸ جاڭعىرتۋ» جوباسى رەسمي ٸسكە قوسىلدى. بۇل تۋرالى قر بٸلٸم جەنە عىلىم ۆيتسە-مينيسترٸ ەلميرا ورتالىق كوممۋنيكاتسbيالار قىزمەتٸندە ٶتكەن باسپاسٶز-مەليحاتىندا مەلٸمدەدٸ. 17 جىلعا جوسپارلانعان جوبا ەلدەگٸ ورتا بٸلٸم جٷيەسٸنٸڭ ساپاسىن ارتتىرۋ, بٸلٸم بەرۋدەگٸ قولجەتٸمدٸلٸك پەن تەڭدٸكتٸ جەتٸلدٸرۋدٸ كٶزدەيدٸ.
جوبانىڭ ماقساتى – ورتا بٸلٸم جٷيەسٸنٸڭ ساپاسىن كٶتەرۋ, جاڭعىرتۋدى قولداۋ, بٸلٸم بەرۋدەگٸ قولجەتٸمدٸك پەن تەڭدٸكتٸ ارتتىرۋ, قالا جەنە اۋىل وقۋشىلارى اراسىنداعى وقۋ ٷلگەرٸمٸنٸڭ الشاقتىعىن تٶمەندەتۋ.
«جوبانىڭ نەگٸزگٸ باعىتتارىنىڭ بٸرٸ – بٸلٸم بەرۋ ماتەريالدارىنا قولجەتٸمدٸكتٸ ارتتىرۋ, مۋلتيمەديالىق جابدىقتارمەن جاراقتاۋ جەنە اۋىل مەكتەپتەرٸ مۇعالٸمدەرٸنٸڭ ەلەۋەتٸن كٶتەرۋ ارقىلى اۋىلدىق جالپى ورتا بٸلٸم بەرەتٸن مەكتەپتەر مەن شاعىن جيناقتالعان مەكتەپتەردٸڭ وقۋشىلارىنىڭ ٷلگەرٸمٸن جاقسارتۋ. وسى ماقساتتارعا جەتۋ ٷشٸن 75 ملن اقش دوللارى بٶلٸنەدٸ, سونىڭ ٸشٸندە حالىقارالىق قايتا قۇرۋ جەنە دامۋ بانكٸ قارىزى – 67 ملن اقش دوللاردى, قازاقستانمەن بٸرلەسٸپ قارجىلاندىرۋ قارىزىنىڭ سوماسى 8 ملن اقش دوللارىن قۇرايدى», - دەدٸ ۆيتسە-مينيستر.
سۋحانبەرديەۆا جوبا اياسىندا جاڭارتىلعان بٸرٸم بەرۋ مازمۇنىن قولداۋعا ارنالعان باستامالار كەشەنٸ جوسپارلانعانىن اتاپ ٶتتٸ. ۇبت مەن ٶسجب تەستٸلەۋدٸڭ جاڭا ستاندارتتارىن جاساۋ, تەست تاپسىرمالارى بازاسىن مۋلتيمەديا ەلەمەنتتەرٸمەن جاڭارتۋ, وقۋلىقتار ساراپتاماسى تالاپتارىنا جاڭارتىلعان ستاندارتتار ەنگٸزۋ كٶمەگٸمەن باعالاۋ جٷيەسٸن قايتا قاراۋ كٶزدەلەدٸ. وعان قوسا, وسى شارالار اۋىلداعى جالپى بٸلٸم بەرەتٸن مەكتەپ پەن شاعىن جيناقتى مەكتەپتەردە وقۋشىلاردىڭ وقۋ ٷلگەرٸمٸن بٸلٸم بەرۋ ماتەريالدارىنا قولجەتٸمدٸلٸك, مۋلتيمەديالىق قۇرال-جابدىقتارمەن جابدىقتاۋ, اۋىل مۇعالٸمدەرٸنٸڭ ەلەۋەتٸن كٶتەرۋ ارقىلى جاقسارتۋعا باعىتتالادى.
«جوبا قاراجاتىنىڭ 60 پايىزى 5 مىڭنان استام اۋىلدى, ەسٸرەسە شالعاي اۋىلدارداعى مەكتەپتەردٸ مۋلتيمەديالىق جابدىقتارمەن جاراقتاندىرۋعا باعىتتالادى. بٷگٸنگٸ تاڭدا ەلٸمٸزدە 7014 مەكتەپ بار, ونىڭ 5500 استامى – اۋىل مەكتەپتەرٸ», - دەدٸ ۆيتسە-مينيستر.
جوبا جاڭا تسيفرلىق بٸلٸم بەرۋ رەسۋرستارىنا قول جەتٸمدٸلٸكتٸ جاقسارتىپ, حالىقارالىق تەستٸلەۋدٸڭ ونلاين فورماتىندا ٶتكٸزۋ ٷشٸن ماتەريالدى-تەحنيكالىق قولداۋدى كٶرسەتەدٸ. وعان قوسا, وسى شارالار قالا جەنە اۋىل مەكتەپ وقۋشىلارى اراسىنداعى وقۋ ٷلگەرٸمٸنٸڭ الشاقتىعىن تٶمەندەتۋگە ىقپال ەتەدٸ.
