دوكتورانتۋراعا گرانتقا تٷسۋ ٷشٸن شەكتٸ بالل 75 بالدى قۇرايدى. ال, وقۋعا اقىلى نەگٸزدە تٷسۋ ٷشٸن شەكتٸ بالل – 50, دەپ حابارلايدى "ۇلت اقپارات".
بۇل تۋرالى بٷگٸن بٸلٸم جەنە عىلىم مينيسترلٸگٸنٸڭ Instagram پاراقشاسىندا ٶتكەن تٸكەلەي ەفير بارىسىندا قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ مەلٸمدەدٸ.
ونىڭ ايتۋىنشا, بيىل دوكتورانتۋراعا ٶتٸنٸش قابىلداۋ 3 شٸلدەدە باستالىپ, 3 تامىزعا دەيٸن جالعاسادى. دوكتورانتۋراعا تٷسۋ ەمتيحاندارى 4-20 تامىز ارالىعىندا ٶتەدٸ. وسى رەتتە دوكتورانتۋراعا تٷسۋ ٷشٸن بٸر عانا جوعارى وقۋ ورنىن جەنە بٸر بٸلٸم بەرۋ باعدارلامالارىنىڭ توبىن تاڭداۋعا بولاتىنىن ايتا كەتكەن جٶن.
«دوكتورانتۋراعا تٷسۋ ٷشٸن ٶتٸنٸشتەر جوعارى وقۋ ورىندارىنىڭ قابىلداۋ كوميسسييالارى ارقىلى قابىلدانادى. بۇدان ەرٸ ٶتٸنٸشتەر ۇلتتىق تەستٸلەۋ ورتالىعىنىڭ اقپاراتتىق جٷيەسٸندە تٸركەلەدٸ. وقۋعا تٷسۋشٸلەر ٶڭٸرلٸك تەستٸلەۋ ورتالىقتارىندا تٷسۋ ەمتيحاندارىن تاپسىرادى. مەدەنيەت جەنە سپورت مينيسترلٸگٸ مەن دەنساۋلىق ساقتاۋ مينيسترلٸگٸنە ۆەدومستۆولىق باعىنىستى جوعارى وقۋ ورىندارىنا تٷسۋشٸلەر ەمتيحانداردى ٶز جوعارى وقۋ ورىندارىنىڭ بازاسىندا تاپسىرادى», – دەپ اتاپ ٶتتٸ قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ.
تٷسۋ ەمتيحاندارىنىڭ كەستەسٸن قر بعم ۇلتتىق تەستٸلەۋ ورتالىعى ەزٸرلەيدٸ. تٷسۋ ەمتيحاندارىن ٶتكٸزۋ باعدارلامالارى مەن كەستەسٸ وقۋعا تٷسۋشٸلەرگە ەمتيحان باستالعانعا دەيٸن حابارلاناتىن بولادى.
ەستەرٸڭٸزگە سالا كەتەيٸك, بيىلدان باستاپ دوكتورانتۋراعا تٷسۋ ەمتيحانى ەلەكتروندىق فورماتتا ٶتەدٸ. ٷمٸتكەرلەر كومپيۋتەردە ەسسە جازادى, دوكتورانتۋرادا وقۋعا دايىندىق بويىنشا تەست جەنە بٸلٸم بەرۋ باعدارلاماسىنىڭ بەيٸنٸ بويىنشا ەمتيحاندار تاپسىرادى.
«قابىلداۋ ەمتيحاندارى تەستٸلەۋ ورتالىقتارى بازاسىندا العاش رەت ەلەكتروندىق فورماتتا ٶتەدٸ. بۇل فورمات ٶتكەن جىلى ماگيستراتۋراعا قابىلداۋ كەزٸندە اپروباتسييادان ٶتكەن بولاتىن. دەگەنمەن, بۇل تٷسۋ ەمتيحاندارى تەك تەستٸلەۋ فورماتىندا بولادى دەگەن سٶز ەمەس. سونىمەن بٸرگە بولاشاق دوكتورانتتار جوعارى وقۋ ورىندارى بەكٸتەتٸن تاقىرىپتار بويىنشا ەسسە جازادى. ەسسەنٸ باعالاۋ, دوكتورانتۋرادا وقۋعا دايىندىق تەستٸ جەنە بەيٸندٸ ەمتيحانداردىڭ نەتيجەلەرٸ ارقىلى الىنعان بالدار جيناقتالىپ, قابىلداۋ ەمتيحانىنىڭ قورىتىندى باعاسى شىعارىلادى», – دەپ اتاپ ٶتتٸ قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ.
جالپى, وقۋعا تٷسۋ ەمتيحانىنىڭ ەڭ جوعارى كٶرسەتكٸشٸ - 100 بالل.
ونىڭ ٸشٸندە ەسسە – 20 بالل, دوكتورانتۋرادا وقۋعا دايىندىعىن انىقتاۋعا ارنالعان تەست – 30 بالل, بەيٸندٸ ەمتيحان سۇراقتارى – 50 بالل. جالپى ەمتيحانعا 4 ساعات بەرٸلەدٸ.
دوكتورانتۋرا بويىنشا مەملەكەتتٸك بٸلٸم تاپسىرىسىنا كەلەتٸن بولساق, 2021-2022 وقۋ جىلىنا PhD ماماندارىن دايارلاۋعا ارنالعان مەملەكەتتٸك گرانت سانى 1890 گرانتتى قۇرايدى.
دوكتورانتۋراعا «ماگيستر» دەرەجەسٸ جەنە كەمٸندە توعىز اي جۇمىس ٶتٸلٸ بار نەمەسە مەديتسينالىق ماماندىقتار بويىنشا رەزيدەنتۋرادا وقۋىن اياقتاعان تۇلعالار قابىلدانادى.
