- دەستٷرلٸ ەمەس دٸني اعىمداردىڭ مٷشەسٸ بولعان 73 اتىراۋلىق سيرييا مەن يراكتا جٷر, ولاردىڭ اراسىندا ەيەلدەر مەن كەمەلەت جاسقا تولماعان بالالار دا بار, دەپ حابارلادى اتىراۋ وبلىسى ەكٸمدٸگٸ جانىنداعى دٸني بٸرلەستٸكتەرمەن بايلانىس كەڭەسٸنٸڭ قورىتىندى وتىرىسىندا وبلىستىق ٸٸب ەكسترەميزمگە قارسى كٷرەس باسقارماسىنىڭ باسشىسى ەربول وڭعاروۆ.
«وندا اتتانعانداردىڭ كٶپشٸلٸگٸ ۆيزاسىز رەجٸمدٸ پايدالانىپ, رەسەي مەن تٷركييا ارقىلى كەتكەن. قۇقىق قورعاۋ ورگاندارىمەن بٸرلەسە ەڭبەك ەتٸپ, بىلتىر راديكالدى توپ مٷشەلەرٸنە 8 قىلمىستىق ٸس قوزعالدى. جالپى دەستٷرلٸ ەمەس دٸندٸ ۇستانۋشىلارعا قاتىستى 10 قىلمىستىق ٸس قوزعالدى. ولاردان 476 باسپا ٶنٸمٸ تەركٸلەندٸ. وبلىستان دٸني بٸلٸم الۋ ٷشٸن 129 اتىراۋلىق ٶزگە مەملەكەتتەرگە كەتكەن, ونىڭ 94-ى قايتىپ ورالدى, 35-ٸ وقۋىن جالعاستىرۋدا», - دەدٸ جينالىستا ە.وڭعاروۆ.
قازاقپارات
