پويىزدا داۋلى وقيعا بولدى. قىزدىڭ كەۋدەسٸنە قول تيگٸزگەن 70 جاستاعى ەر ادامعا تەك ايىپپۇل سالىندى, دەپ حابارلايدى ult.kz.
Threads جەلٸسٸندە قىز اقتٶبە – الماتى باعىتىنداعى پويىزدا بولعان جاعىمسىز وقيعا تۋرالى جازدى.
ونىڭ ايتۋىنشا, تٷنگٸ ۋاقىتتا تٶمەنگٸ ورىندا ۇيىقتاپ جاتقان كەزدە شامامەن 70 جاستاعى ەر ادام كەۋدەسٸنە قولىن تيگٸزگەن. قىز شوشىپ ويانعاندا, ەر ادام كەشٸرٸم سۇراپ, تەرٸس قاراپ جاتىپ قالعان.
جولاۋشىنىڭ سٶزٸنشە, وقيعا تۋرالى ەر ادامنىڭ جانىنداعى ەيەلگە ايتقان كەزدە, ول جاعدايدى ەلەمەگەن. بٸراز ۋاقىتتان كەيٸن كٷدٸكتٸ جاقىن ماڭداعى ستانتسييادان تٷسٸپ كەتٸپ قالعان.
كٶلٸكتەگٸ پوليتسييا دەپارتامەنتٸ 70 جاستاعى ەر ادامنىڭ تٷركسٸب ستانتسيياسىندا ۇستالعانىن حابارلادى. ٸس ەكٸمشٸلٸك قۇقىق بۇزۋشىلىق رەتٸندە قارالىپ, سوتقا جولدانعان.
سوت شەشٸمٸمەن قۇقىق بۇزۋشى كٸنەلٸ دەپ تانىلىپ, وعان 20 اەك كٶلەمٸندە, ياعني 86 500 تەڭگە ايىپپۇل سالىندى.
