ەلوردادا «ۋچاسكە» جەدەل الدىن الۋ شاراسى بارىسىندا 7 جىل بويى حالىقارالىق ٸزدەۋدە بولعان قىلمىسكەر ۇستالدى, دەپ حابارلايدى "ۇلت اقپارات".
اتاپ ايتقاندا, ەلوردانىڭ پوليتسييا قىزمەتكەرلەرٸ جەڭٸس داڭعىلى بويىن شولعىنداۋ بارىسىندا ٶزٸن كٷدٸكتٸ ۇستاعان ەرٸ جەكە باسىن كۋەلاندىراتىن قۇجاتتارى بولماعان ازاماتتى توقتاتقان. ونىڭ تۇرعىلىقتى جەرٸ دە بولماعانى انىقتالدى. تۇلعاسىن انىقتاۋ ٷشٸن ەر ادام نۇر-سۇلتان قالالىق پوليتسييا دەپارتامەنتٸنٸڭ قابىلداۋ-تاراتۋ ورنىنا جەتكٸزگەن. نەتيجەسٸندە, ول 1983 جىلى دٷنيەگە كەلگەن قىرعىز رەسپۋبليكاسىنىڭ ازاماتى ەكەندٸگٸ, 2013 جىلدان بەرٸ حالىقارالىق ٸزدەۋدە بولعانى بەلگٸلٸ بولدى.
«ۇستالعان ازامات قابىلداۋ-تاراتۋ ورنىنا تٷسكەن كەزدە ٶزٸنە قاتىستى مٷلدەم باسقا مەلٸمەتتەر بەرٸپ, اتى-جٶنٸن جالعان ايتتى. جٷرگٸزٸلگەن شارالاردىڭ بارىسىندا ونىڭ كٸم ەكەندٸگٸ انىقتالىپ وتىر», - دەدٸ نۇر-سۇلتان قالالىق پد قابىلداۋ-تاراتۋ ورنىنىڭ باستىعى اسقار تٷرەكەنوۆ.
«ۋچاسكە» الدىن الۋ شاراسى ٶتكەن ٷش كٷننٸڭ ٸشٸندە ۋچاسكەلٸك پوليتسييا ينسپەكتورلارى 568 ەكٸمشٸلٸك قۇقىق بۇزۋشىلىقتى انىقتادى. ولاردىڭ قاتارىندا قوعامدىق ورىندا ٸشٸمدٸك ٸشۋ, كٸشٸگٸرٸم بۇزاقىلىق, وتباسىلىق-تۇرمىستىق سيپاتتاعى قۇقىققا قايشى ەرەكەتتەر, مەنشٸك يەلەرٸنٸڭ ازاماتتاردى پەتەرلەرٸنە زاڭسىز تٸركەۋٸ سىندى زاڭ بۇزۋشىلىقتار بار. سونىمەن قاتار ۋچاسكەلٸك پولتسييا قىزمەتكەرلەرٸ وسى ۋاقىتتا ٶزدەرٸ قىزمەت كٶرسەتەتٸن تۇرعىن ٷيالاپتارى مەن كٶپقاباتتى ٷيلەردٸڭ اۋماعىندا 4 مىڭنان استام تەكسەرٸپ شىعۋ جۇمىستارىن جٷرگٸزدٸ.
