فوتو: forestry.gov.cn
ەلٸمٸزدٸڭ 7 ٶڭٸرٸندە ەگٸستٸكتٸ كيٸكتەردەن قورعاۋ ٷشٸن 557 ادام مەن 182 تەحنيكا جۇمىلدىرىلدى. بۇل تۋرالى ەكولوگييا جەنە تابيعي رەسۋرستار مينيسترلٸگٸنەن مەلٸم ەتتٸ.
- 2025 جىلعى ەسەپتٸك دەرەكتەر بويىنشا قازاقستان اۋماعىندا كيٸكتەردٸڭ جالپى سانى 3 ملن 978 مىڭ باسقا جەتٸپ, تاريحي ەڭ جوعارعى كٶرسەتكٸشتەن (1974 جىلى 1,2 ملن باس) ايتارلىقتاي اسىپ تٷستٸ. كيٸكتەر سانىنىڭ ارتۋىنا بايلانىستى فەرمەرلەردٸڭ ەگٸستٸك القاپتارى تاپتالىنادى. بۇل دا ولاردىڭ ٶنٸمنٸڭ بٸر بٶلٸگٸن جوعالتۋىنا ەكەلەدٸ. ەگٸستٸك جەرلەردٸ كيٸكتەردٸڭ تاپتاۋىنان قورعاۋ جەنە فەرمەرلەرگە قولداۋ كٶرسەتۋ ماقساتىندا 7 ٶڭٸردە وبلىس ەكٸمدەرٸنٸڭ ورىنباسارلارى باسقاراتىن جەدەل شتابتار قۇرىلدى. اۋىل شارۋاشىلىعى جەرلەرٸنە ينسپەكتورلىق قۇرام تاراپىنان پاترۋلدٸك باقىلاۋ ۇيىمداستىرىلدى. سونداي-اق ۆاحتالىق ەدٸسپەن كەزەكشٸلٸك ەنگٸزٸلدٸ, - دەدٸ ۆەدومستۆودان اگەنتتٸكتٸڭ ساۋالىنا وراي.
مينيسترلٸك مەلٸمەتٸنشە, كەزەكشٸلٸككە بارلىعى 557 ادام مەن 182 تەحنيكا جۇمىلدىرىلعان. ونىڭ ٸشٸندە ەكولوگييا جەنە تابيعي رەسۋرستار مينيسترلٸگٸنەن 431 ادام مەن 127 تەحنيكا, جەرگٸلٸكتٸ اتقارۋشى ورگانداردان 126 ادام مەن 55 تەحنيكا بار.
- كەزەكشٸ توپتار اۋىل شارۋاشىلىعى جەرلەرٸندە تەۋلٸك بويى قىزمەت اتقارىپ, كيٸكتەردەن ەگٸستٸك جەرلەردٸ قورعاۋمەن اينالىسادى. قازٸرگٸ تاڭدا ەكولوگييا جەنە تابيعي رەسۋرستار مينيسترلٸگٸنٸڭ تاپسىرىسىمەن زوولوگييا ينستيتۋتى كيٸك سانىن رەتتەۋدٸڭ عىلىمي نەگٸزدەمەسٸن ەزٸرلەدٸ. اتالعان نەگٸزدەمە بويىنشا ٷكٸمەت كيٸك پوپۋلياتسيياسىن رەتتەۋ تۋرالى شەشٸم قابىلدايدى. سونىمەن قاتار مٷددەلٸ مەملەكەتتٸك جەنە جەرگٸلٸكتٸ اتقارۋشى ورگاندارمەن بٸرلەسە وتىرىپ, كيٸك سانىنا باقىلاۋ جٷرگٸزۋ باعىتىندا جۇمىستار جٷرگٸزٸلۋدە, - دەدٸ ەكولوگييا مينيسترلٸگٸ.
بۇعان دەيٸن ەكولوگييا مينيسترٸ ەرلان نىسانباەۆ كيٸك سانىن رەتتەۋگە, اۋلاۋعا قاتىستى عالىمداردىڭ بيولوگييالىق نەگٸزدەمەسٸ دايىن بولعانىن ايتقان ەدٸ.
- زوولوگييا ينستيتۋتىنىڭ رەسمي بيولوگييالىق, عىلىمي نەگٸزدەمەسٸن الدىق. كيٸك سانىنىڭ 20 پايىزى رەتتەۋگە جاتادى, - دەگەن ەدٸ ول.
