ۇلتتىق بانك باسشىسى دانييار اقىشەۆتىڭ پايىمداۋىنشا, "7-20-25" باعدارلاماسى قازاقستاننىڭ جىلجىمايتىن مٷلٸك نارىعىنا ەسەر ەتپەيدٸ. ول بۇل پٸكٸرٸمەن الماتىداعى بريفينگ كەزٸندە بٶلٸستٸ.
"باسپانا باعاسىنىڭ ٶزگەرۋٸ كٶپتەگەن فاكتورعا بايلانىستى – ەۋەلٸ, باسپانا ۇسىنىسى مەن سۇرانىسىنا تەۋەلدٸ. ەلبەتتە, لايىقتى ۇسىنىس بولسا, سۇرانىستى كٶبەيتكەلٸ وتىرمىز, ال سالۋشىلار وسى سۇرانىستى قامتاماسىز ەتۋگە ەلەۋەتٸمٸز جەتەدٸ دەيدٸ, دەمەك وسى تەپە-تەڭدٸكتٸ ەسكەرەتٸن بولساق, باسپانا باعاسىندا قانداي دا بٸر ٶزگەرٸس بولادى دەپ ويلامايمىن, سەبەبٸ نارىقتا سۇرانىس پەن ۇسىنىس اراسىندا ايتارلىقتاي ايىرماشىلىق بولمايدى", — دەدٸ اقىشەۆ تٸلشٸلەردٸڭ سۇراعىنا جاۋاپ بەرٸپ.
ۇلتتىق بانك تٶراعاسىنىڭ ايتۋىنشا, "7-20-25" باعدارلاماسى اياسىندا ساتىپ الىناتىن باسپانا باعاسىنا قويىلاتىن شەكتەۋ نارىقتاعى تۇرعىن ٷي قۇنىنىڭ ارتۋىنا كەدەرگٸ بولادى.
"ەكٸنشٸدەن, باعدارلامادا باسپانانىڭ ماكسيمالدى قۇنى بەلگٸلەنگەن. ياعني, باعدارلاما بويىنشا ساتىپ الىناتىن پەتەردٸڭ باعاسى شەكتەۋلٸ. بٸز قولجەتٸمدٸ باسپانانىڭ ورتاشا باعاسىن ەسكەردٸك, سول سەبەپتٸ ەڭ جوعارعى شەك ەنگٸزٸلدٸ. بۇل دا جالپى باسپانا باعاسىنىڭ ارتۋىنا كەدەرگٸ جاسايدى", — دەپ تٷسٸندٸردٸ دانييار اقىشەۆ.
ايتا كەتسەك, "7-20-25" تۇرعىن ٷي باعدارلاماسى بويىنشا ەر جۇمىس ٸستەيتٸن قازاقستاندىق نەسيەگە باسپانا ساتىپ الا الادى. قازاقستاندىقتار كەلەسٸ شارتتارمەن يپوتەكالىق قارىز الۋ مٷمكٸندٸگٸنە يە بولماق: نەسيە بويىنشا سىياقى مٶلشەرلەمەسٸ – جىلىنا 7%-دان, باستاپقى جارنا — 20%-دان اسپايدى, نەسيەنٸ تٶلەۋ مەرزٸمٸ – 25 جىلعا دەيٸن. يپوتەكالىق باعدارلاما بويىنشا نەسيەلەر تەك ۇلتتىق ۆاليۋتامەن بەرٸلەدٸ.
