قازاقستاندا «7-20-25» جاڭا يپوتەكالىق باعدارلاماسى ەنگٸزٸلگەن سوڭ, باسپانا نارىعى قالاي ٶزگەرەدٸ. بۇل تۋرالى قازاقپارات تٸلشٸسٸنە ساراپشىلار جاۋاپ بەردٸ.
قازاقستان ريەلتورلار قاۋىمداستىعىنىڭ ۆيتسە-پرەزيدەنتٸ جەنە «DIXI» جىلجىمايتىن مٷلٸك اگەنتتٸگٸنٸڭ ديرەكتورى نينا لۋكيانەنكونىڭ ايتۋىنشا, باعدارلاما باسپانا قۇنىنا ايتارلىقتاي ىقپالىن تيگٸزبەيدٸ.
«جاڭا باعدارلامانىڭ ەنگٸزٸلۋٸنەن باعالاردىڭ ٶزگەرۋٸ بايقالعان جوق. سەبەبٸ, بۇل باعدارلاما بەلگٸلٸ بٸر قارىز الۋشىلار مەن باسپانالارعا عانا ارنالعان. سوندىقتان, باعدارلاما ارقىلى باسپانا ساتىلىمى كٶبەيدٸ دەپ ايتۋعا دا كەلمەيدٸ», - دەدٸ نينا لۋكيانەنكو قازاقپارات تٸلشٸسٸنە بەرگەن سۇحباتىندا.
ونىڭ ايتۋىنشا, قازاقستاندىقتار سۋ جاڭا پەتەردٸڭ عانا ەمەس, بۇرىنىراق قولدانىسقا بەرٸلگەن پەتەرلەردٸڭ دە باعدارداماسىن كٷتٸپ وتىر.
«مەنٸڭ بٸلۋٸمشە, بۇل تاقىرىپ ٷكٸمەتتٸڭ دەڭگەيدە تالقىلانىپ جاتىر. بەلكٸم, دەل وسى باعدارلاما اياسىندا ەسكٸرەك پەتەرلەردٸ الۋعا رۇقسات بەرەتٸن شىعار. قازٸرگٸ باعدارلامانىڭ بٸر تالابى - قولدانىسقا جاڭا بەرٸلگەن نىساندار بولۋى قاجەت. سەيكەسٸنشە, جاڭا نىساندار قالانىڭ شەتٸندە ورنالاسقان. سوندىقتان, جاڭا پەتەرلەر نارىعىندا ۇسىنىستار بار, بٸراق كٶپ ەمەس. بارلىق ٶڭٸردە دەرلٸك وسىنداي جاعداي بايقالىپ وتىر», - دەپ ٶز سٶزٸن تٷيٸندەدٸ ول.
ٶز كەزەگٸندە قازاقستان قۇرىلىسشىلار وداعىنىڭ تٶراعاسى تالعات ەرعاليەۆ جاڭا باسپانا نارىعىندا پەتەرلەردٸڭ از ەكەنٸن جەتكٸزدٸ. وداق باسشىسىنىڭ ايتۋىنشا, تۇرعىن ٷي كەشەنٸندەگٸ پەتەرلەردٸڭ 90% قۇرىلىس بارىسىندا ساتىلىپ كەتەدٸ دە, قولدانىسقا بەرٸلگەندە 5-10% عانا قالادى.
«سوندىقتان قۇرىلىسشىلارعا 5-10% ٷشٸن بۇل باعدارلامامەن اينالىسۋ تيٸمسٸز. دايىن پەتەرلەر ٶتە از جەنە بۇل پەتەرلەر ونسىز دا ساتىلىپ جاتىر. ٷي قۇرىلىسىنىڭ ٶزٸ 1,5 ملرد - 5 ملرد تەڭگە ارالىعىندا باعالانادى. بۇل - ەكٸجىلدىق پروتسەسس. سوندىقتان, دايىن پەتەردٸ باعدارلاما قۇنىمەن بەرۋ ولارعا تيٸمسٸز. پەتەردٸ ساتۋ ٷشٸن كەلٸسٸمشارتتار بەكٸتۋ كەرەك, قۇجاتتاردى رەسٸمدەپ, بانككە قوسىمشا قاعازدار اپارۋ كەرەك. دايىن پەتەرلەردٸ ونسىز دا يپوتەكا نەمەسە تۇرعىن ٷي قۇرىلىس جيناق بانكٸ ارقىلى ساتۋعا بولادى. سوندىقتان دا, ٷي سالۋشىلار جاڭا باعدارلاماعا كەلە بەرمەيدٸ. ەگەر باعدارلاما تالاپتارىن جەڭٸلدەتسە, ەرينە باسقاشا بولار ەدٸ», - دەپ تٷسٸندٸردٸ ول.
ساراپشىنىڭ ايتۋىنشا, حالىققا ەكٸنشٸ, ٷشٸنشٸ قولدان پەتەر ساتىپ الۋعا رۇقسات بەرۋ قاجەت. «جاڭا پەتەر مە, ەسكٸ پەتەر مە - ازاماتتىڭ ٶزٸ تاڭداۋى كەرەك. سوندا جاڭا پەتەرلەر نارىعى دا قىزا تٷسەدٸ. ەسكٸ پەتەرٸن ساتقان ادامدار جاڭا پەتەر ٸزدەي باستايدى. ەيتپەسە, قازٸرگٸ اياق الىسى ٶتە باياۋ», - دەپ ەسەپتەيدٸ تالعات ەرعاليەۆ.
سونداي-اق, ساراپشى جاڭا پەتەرلەردٸڭ از بولۋىنان باعاسى قىمباتتاپ كەتە مە دەپ قاۋٸپ بٸلدٸرەدٸ.
«نارىقتا جاڭا پەتەر از جەنە ولاردىڭ باعاسى قىمباتتايدى. بۇل نارىقتىڭ زاڭى, ونى مەن ويلاپ تاپقان جوقپىن», - دەدٸ ول.
قازاقستان قۇرىلىسشىلار وداعى استانادا «7-20-25» باعدارلاماسىمەن پەتەر الۋعا بولاتىن قۇرىلىسشىلار مەن تۇرعىن ٷي كەشەندەرٸنٸڭ تٸزٸمٸن ۇسىندى.
