تۇرعىن ٷي قۇرىلىس جيناق بانكٸ "7-20-25" باعدارلاماسىنىڭ شارتتارىن تٷسٸندٸرۋ ماقساتىندا موبيلدٸ توپتار قۇردى, دەپ حابارلايدى بانكتٸڭ باسپاسٶز قىزمەتٸ.
"تۇرعىن ٷي قۇرىلىس جيناق بانكٸ قىزمەتكەرلەرٸ مەن شتاتتان تىس كەڭەسشٸلەرٸ كٸرەتٸن موبيلدٸ توپتار "7-20-25" باعدارلاماسىنا قاتىسۋ شارتتارىن ازاماتتارعا تٷسٸندٸرۋ ٷشٸن كەسٸپورىندار مەن ۇيىمدارعا شىعاتىن بولادى. العاشقى 8 توپ الماتى قالاسىندا قۇرىلدى, الداعى ۋاقىتتا بۇل باستاماعا باسقا دا ايماقتار قوسىلادى", — دەپ حابارلادى بانك.
كٷنٸنە 1500-1900 ادام
بۇل شەشٸم بانك فيليالدارىنداعى كەزەكتٸ ازايتۋ ٷشٸن قابىلدانعان. جاڭا تۇرعىن ٷي باعدارلاماسى ٸسكە قوسىلعان سوڭ بٶلٸمشەلەردەگٸ كليەنت سانى بٸرنەشە ەسە ارتىپتى. استانا مەن الماتىدا ورنالاسقان ەڭ ٸرٸ بٶلٸمدەر كٷنٸنە 1500-1900 ادامنان قابىلداپ جاتىر.
بانك مەنەدجەرٸنٸڭ قىزمەتٸن الۋ ٷشٸن ەڭ ۇزاق كەزەكتە ەلوردا تۇرعىندارى تۇرۋعا مەجبٷر. سەبەبٸ جالپى كەڭەس بەرۋ مەن 7-20-25 باعدارلاماسى بويىنشا ٶتٸنٸم قابىلداۋدان بٶلەك تۇرعىن ٷي قۇرىلىس جيناق بانكٸنٸڭ استانالىق فيليالدارىندا "نۇرلى جەر" باعدارلاماسى اياسىندا 300-دەن استام زاەم رەسٸمدەلٸپ, بەرٸلٸپ جاتىر. بۇدان بٶلەك "ٶز ٷيٸم" باعدارلاماسى بويىنشا دا 162 پەتەر ساتىلۋدا. سونداي-اق بانك قازٸر ەسكەري قىزمەتشٸلەرمەن دە بەلسەندٸ جۇمىس جٷرگٸزٸپ وتىر. استانادا ەسكەريلەردٸڭ 3 500-داي ارنايى شوتىنا قىزمەت كٶرسەتٸلەدٸ.
"وسىنداي جاعدايدىڭ ورىن الىپ, بانك كليەنتتەرٸنٸڭ ۋاقىتىن كەزەكتە تۇرۋعا جۇمساپ جاتقاندارىنا ٶكٸنٸشٸمٸزدٸ بٸلدٸرەمٸز. باستاپقى كەزەڭدە بٶلٸمشەلەرٸمٸزدٸ شتاتتان تىس كەڭەسشٸلەرمەن قوسىمشا كٷشەيتتٸك. سالىمشىلارىمىز بانكتٸڭ قازٸرگٸ جۇمىسىنىڭ بٸزگە حابارلاسقان ەر كليەنتتٸڭ قاجەت اقپارات الىپ, مەسەلەسٸن بارىنشا جىلدام جەنە جايلى شەشۋگە باعىتتالىپ جاتقانىن بٸلۋٸ كەرەك", — دەپ تٷسٸندٸرٸپ ٶتتٸ تۇرعىن ٷي قۇرىلىس جيناق بانكٸ باسقارما تٶرايىمىنىڭ ورىنباسارى جانار جۇبانييازوۆا.
بانككە بارۋدىڭ قاجەتٸ جوق
ول قازٸرگٸ ۋاقىتتا بانكتٸڭ بٶلٸمشەگە بارماي-اق كەڭەس الۋعا ارنالعان تٷرلٸ قۇرالدار مەن ەدٸستەردٸڭ ۇسىنىپ وتىرعانىن اتاپ ٶتتٸ.
مىسالى, كليەنتتەردە ۆيدەوبايلانىس ورناتۋ ارقىلى قاشىقتان كەڭەس الۋ مٷمكٸندٸگٸ بار. ول ٷشٸن hcsbk.kz سايتىنا نەمەسە baspana.kz پورتالىنا ٶتٸپ, وڭ جاقتا ورنالاسقان ۆيدەوبايلانىس بەلگٸسٸنە باسۋ كەرەك. بۇل قىزمەتتٸ سمارتفون ارقىلى دا, كەدٸمگٸ كومپيۋتەر ارقىلى دا الۋعا بولادى.
ۆيدەو كەڭەس الۋ قىزمەتٸنٸڭ كٶمەگٸمەن كليەنت دەپوزيت جەنە نەسيە, جاڭا كەلٸسٸم-شارت بەكٸتۋگە قاتىستى كەڭەس الىپ, شوت بويىنشا كٶشٸرمە رەسٸمدەپ, پوستدەپوزيتتٸك وپەراتسييالار جٷرگٸزٸپ, انىقتامالار الا الادى. سونداي-اق تۇرعىن ٷي قۇرىلىس جيناق بانكٸ مەنەدجەرٸ جاڭا قىزمەتتٸڭ كٶمەگٸمەن كەڭەس بەرۋدەن بٶلەك سايتپەن, "جسسب 24" ينتەرنەت-بانكينگٸمەن جەنە Baspana.kz جىلجىمايتىن مٷلٸك پورتالىمەن جۇمىس جٷرگٸزۋگە كٶمەكتەسەدٸ.
قىزمەتتٸ جۇمىس كٷندەرٸ 9.00 مەن 19.00 ارالىعىندا پايدالانۋعا بولادى. ال سەنبٸ كٷندەرٸ وپەراتور 9.00-دەن 13.00-گە دەيٸن جۇمىس ٸستەيدٸ.
"تۇرعىن ٷي قۇرىلىس جيناق بانكٸ كليەنتتەرٸنٸڭ 60%-دايى ٷيدە نەمەسە جۇمىستا وتىرىپ-اق كەڭەس الىپ, تٸپتٸ دەپوزيت اشىپ جاتادى. بۇل بانك كەڭەسشٸلەرٸنٸڭ ارقاسىندا مٷمكٸن بولىپ وتىر. ولاردى ٶزٸڭە ىڭعايلى ۋاقىتتا جەنە ورىنعا شاقىرۋ ٷشٸن كەلەسٸ سٸلتەمە ارقىلى ٶتٸپ, قالانى تاڭداپ, بايلانىسۋ كەرەك: https://hcsbk.kz/contacts/network-agents/. سونىمەن قاتار كەڭەس الۋ ٷشٸن بانكتٸڭ كولل-ورتالىعىنا 300 نٶمٸرٸ بويىنشا قوڭىراۋ شالۋعا, hcsbk.kz سايتىندا "كەرٸ بايلانىس" فورماسىن پايدالانۋعا نەمەسە Facebook, Instagram جەنە ۆكونتاكتە ەلەۋمەتتٸك جەلٸلەرٸندەگٸ رەسمي پاراقشالارعا حابارلاسۋعا بولادى", — دەپ جازىلعان حابارلامادا.
