بەس جىل ٸشٸندە 600 مىڭ گەكتار سۋارمالى جەردٸ قالپىنا كەلتٸرۋ جٶنٸندەگٸ جۇمىستار جالعاستىرىلادى. بۇل تۋرالى ٷكٸمەت وتىرىسىندا كانالدار مەن سۋ قويمالارىن سالۋدى تالقىلاۋ كەزٸندە قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ مەلٸم ەتتٸ, دەپ حابارلايدى قازاقپارات.
«مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسىنا سەيكەس, بٸز 2030 جىلعا دەيٸن سۋارمالى جەر كٶلەمٸن 3 ميلليون گەكتارعا دەيٸن جەتكٸزۋٸمٸز قاجەت. سۋارمالى ەگٸنشٸلٸك نەگٸزگٸ سۋ تۇتىنۋشى بولىپ وتىرعانىن ايتا كەتۋ كەرەك. بٷگٸنگٸ تاڭدا سۋارمالى جەرلەردٸڭ الاڭى 1,6 ميلليون گەكتاردى قۇرادى. بەس جىل ٸشٸندە 600 مىڭ گەكتار سۋارمالى جەردٸ قالپىنا كەلتٸرۋ جٶنٸندەگٸ جۇمىستار جالعاستىرىلادى. وسىلايشا, سۋارمالى جەرلەردٸڭ الاڭى 2,2 ميلليون گەكتارعا دەيٸن جەتكٸزٸلەتٸن بولادى», - دەدٸ برەكەشەۆ.
ونىڭ ايتۋىنشا, بۇدان ەرٸ 2025-2030 جىلدار ارالىعىندا 800 مىڭ گەكتار سۋارمالى جەر اينالىمعا ەنگٸزٸلەتٸن بولادى.
«سۋارمالى ەگٸنشٸلٸكتٸڭ اعىمداعى جاي-كٷيٸ تۋرالى قىسقاشا بايانداپ ٶتەيٸن. سۋ تارتۋدىڭ بارلىعىن الاتىن بولساق 12,1 تەكشە كيلومەتر تۇراقتى سۋارۋعا كەلەدٸ. ونىڭ ٸشٸندە 11,8 تەكشە كيلومەتر 4 وڭتٷستٸك وبلىسقا تيەسٸلٸ: 1,25 ملن گەكتار سۋارمالى الاڭى بار الماتى, جامبىل, تٷركٸستان جەنە قىزىلوردا وبلىستارى قامتىلعان. ياعني, بۇل سۋارۋعا ارنالعان سۋ تارتۋدىڭ 97% پايىزى جەنە ەل بويىنشا بارلىق سۋارمالى الاڭنىڭ 78% پايىزى. بۇل رەتتە, وسى جىلعى 1 قاڭتارداعى جاعداي بويىنشا سۋ ٷنەمدەۋ تەحنولوگييالارىمەن قامتىلعان الاڭ رەسپۋبليكا بويىنشا 248 مىڭ گەكتاردى قۇرادى. ونىڭ ٸشٸندە وڭتٷستٸك ٶڭٸردە 1,25 ملن گەكتاردىڭ تەك 5,4 پايىزى نەمەسە 67,7 مىڭ گەكتارى عانا ەنگٸزٸلگەن», - دەدٸ مينيستر.
