فوتو: Instagram/dinatansari
تٷركٸستاندا كەمەلەتكە تولماعان قىز قىمبات قوناق ٷيدٸڭ 6-قاباتىنان سەكٸرٸپ كەتٸپ, تٸرٸ قالدى. جاس قىزدى «جەزٶكشەلٸكپەن اينالىسۋعا مەجبٷرلەدٸ» دەگەن بولجام بار. بۇل تۋرالى قوعام بەلسەندٸسٸ دينا تاڭسەرٸ ٶزٸنٸڭ Instagtam پاراقشاسىندا جازدى, دەپ حابارلايدى Azattyq Ruhy.
وقيعا 23 اقپان كٷنٸ بولعان. اۆتوردىڭ جازۋىنشا, ب. ەسٸمدٸ بويجەتكەن 17 جاستاعى قىزدى تٷركٸستانعا شاقىرىپ, جاقسى اقشا تابۋعا بولاتىندىعىن ايتقان. الايدا ۇسىنعان جۇمىسى ينتيمدٸك قىزمەتپەن بايلانىستى بولىپ شىققان. تٸپتٸ كليەنت تاۋىپ, الدىن الا اقىسى تٶلەنگەن.
«كليەنت ريكسوس قوناق ٷيٸنەن نومەر الادى. ب. كەمەلەتكە تولماعان قىزدى سوندا جٸبەرەدٸ. الايدا مۇندايدى ەشقاشان كٶرمەگەن جاس قىز قاتتى شوشىپ, دٷربەلەڭ تۋدىرادى. كليەنت قىزمەتتەن باس تارتىپ, اقشاسىن كەرٸ قايتارۋدى تالاپ ەتەدٸ. جاس قىز ب-عا حابارلاسىپ, اقشانى كەرٸ اۋدارۋدى سۇرايدى. الايدا, «جەڭگەتاي» اقشانى اۋدارۋدان باس تارتىپ, كليەنتتٸڭ كٶڭٸلٸن تابۋدى تالاپ ەتەدٸ. نەتيجەسٸندە نومەردە ٶزارا داۋ شىعىپ, كليەنت قىزدى سىرتىنان قۇلتتاپ كەتەدٸ. بٸر ساعاتتان كەيٸن نومەرگە بەيتانىس ٷشٸ ەيەل كەلٸپ, قىزدى ۇرىپ-سوعىپ, بالكونعا قاماپ قويادى. جارتى ساعاتتان كەيٸن بالكوندى قايتا اشىپ, قىزدىڭ قولىنان تەلەفونىن تارتىپ الىپ, ونى 6-قاباتتان يتەرٸپ قۇلاتىپ جٸبەرەدٸ», - دەلٸنگەن جازبادا.
قوناق ٷيدٸڭ قىزمەتكەرلەرٸ وقيعا ورنىنا جەدەل-جەردەم مەن پوليتسييانى شاقىرادى. ابىروي بولعاندا, كەمەلەتكە تولماعان قىز تٸرٸ قالدى.
اۆتوردىڭ سٶزٸنشە, پوليتسييا ەلگٸ ٷش ەيەلدەن جاۋاپ العان. ولار قىزدىڭ الكولوگولدٸ ٸشٸمدٸكتەن ماس بولىپ, عيماراتتان ٶزٸ سەكٸرٸپ كەتكەنٸن ايتقان. بٸراق سوت مەديتسينالىق ساراپتاماسىندا قاننان الكوگول انىقتالماعان.
اتالماعان مەسەلەگە قاتىستى تٷركٸستان وبلىستىق پوليتسييا دەپارتامەنتٸ تٷسٸنٸكتەمە بەردٸ. قۇقىق قورعاۋ ورگانى بولعان جايتتى «ٶزٸن-ٶزٸ ٶلتٸرۋگە دەيٸن جەتكٸزۋ» بابى بويىنشا تٸركەگەن ەكەن.
«23 اقپاندا تٷركٸستان قالالىق پوليتسييا باسقارماسىنىڭ 102 پۋلتٸنە قوناق ٷي قىزمەتكەرلەرٸنٸڭ بٸرٸنەن, عيماراتتىڭ 6-قاباتىنان جاس قىزدىڭ سەكٸرگەنٸ تۋرالى حابارلاما كەلٸپ تٷستٸ. وقيعا ورنىنا شىققان جەدەل-تەرگەۋ توبى قاجەتتٸ ٸس-شارالاردى جٷرگٸزدٸ. اتالعان جايت قر قك-نٸڭ 105-بابى 3-بٶلٸگٸ «ٶزٸن-ٶزٸ ٶلتٸرۋگە دەيٸن جەتكٸزۋ» بويىنشا تٸركەلدٸ.
جاس قىز الماتى قالاسىنىڭ تۇرعىنى بولىپ شىقتى. تەرگەۋ بارىسىندا وقيعانىڭ قاتىسۋشىلارىنان, قوناق ٷي قىزمەتكەرلەرٸنەن جاۋاپ الىندى. زاتتاي دەلەلدەمەلەر الىندى. قازٸرگٸ تاڭدا جەدەل-تەرگەۋ شارالارى جان-جاقتى اتقارىلۋدا. تاعايىندالعان ساراپتامالاردىڭ نەتيجەلەرٸ بويىنشا زاڭدى پروتسەسسۋالدىق شەشٸم قابىلداناتىن بولادى», - دەلٸنگەن حابارلامادا.
