Foto: Instagram/dinatansari
Túrkistanda kámeletke tolmaǵan qyz qymbat qonaq úidiń 6-qabatynan sekirip ketip, tiri qaldy. Jas qyzdy «jezókshelikpen ainalysýǵa májbúrledi» degen boljam bar. Bul týraly qoǵam belsendisi Dina Tańsári óziniń Instagtam paraqshasynda jazdy, dep habarlaidy Azattyq Ruhy.
Oqiǵa 23 aqpan kúni bolǵan. Avtordyń jazýynsha, B. esimdi boijetken 17 jastaǵy qyzdy Túrkistanǵa shaqyryp, jaqsy aqsha tabýǵa bolatyndyǵyn aitqan. Alaida usynǵan jumysy intimdik qyzmetpen bailanysty bolyp shyqqan. Tipti klient taýyp, aldyn ala aqysy tólengen.
«Klient Riksos qonaq úiinen nomer alady. B. kámeletke tolmaǵan qyzdy sonda jiberedi. Alaida mundaidy eshqashan kórmegen jas qyz qatty shoshyp, dúrbeleń týdyrady. Klient qyzmetten bas tartyp, aqshasyn keri qaitarýdy talap etedi. Jas qyz B-ǵa habarlasyp, aqshany keri aýdarýdy suraidy. Alaida, «jeńgetai» aqshany aýdarýdan bas tartyp, klienttiń kóńilin tabýdy talap etedi. Nátijesinde nomerde ózara daý shyǵyp, klient qyzdy syrtynan qulttap ketedi. Bir saǵattan keiin nomerge beitanys úshi áiel kelip, qyzdy uryp-soǵyp, balkonǵa qamap qoiady. Jarty saǵattan keiin balkondy qaita ashyp, qyzdyń qolynan telefonyn tartyp alyp, ony 6-qabattan iterip qulatyp jiberedi», - delingen jazbada.
Qonaq úidiń qyzmetkerleri oqiǵa ornyna jedel-járdem men politsiiany shaqyrady. Abyroi bolǵanda, kámeletke tolmaǵan qyz tiri qaldy.
Avtordyń sózinshe, politsiia álgi úsh áielden jaýap alǵan. Olar qyzdyń alkologoldi ishimdikten mas bolyp, ǵimarattan ózi sekirip ketkenin aitqan. Biraq sot meditsinalyq saraptamasynda qannan alkogol anyqtalmaǵan.
Atalmaǵan máselege qatysty Túrkistan oblystyq politsiia departamenti túsinikteme berdi. Quqyq qorǵaý organy bolǵan jaitty «Ózin-ózi óltirýge deiin jetkizý» baby boiynsha tirkegen eken.
«23 aqpanda Túrkistan qalalyq politsiia basqarmasynyń 102 pýltine qonaq úi qyzmetkerleriniń birinen, ǵimarattyń 6-qabatynan jas qyzdyń sekirgeni týraly habarlama kelip tústi. Oqiǵa ornyna shyqqan jedel-tergeý toby qajetti is-sharalardy júrgizdi. Atalǵan jait QR QK-niń 105-baby 3-bóligi «Ózin-ózi óltirýge deiin jetkizý» boiynsha tirkeldi.
Jas qyz Almaty qalasynyń turǵyny bolyp shyqty. Tergeý barysynda oqiǵanyń qatysýshylarynan, qonaq úi qyzmetkerlerinen jaýap alyndy. Zattai dáleldemeler alyndy. Qazirgi tańda jedel-tergeý sharalary jan-jaqty atqarylýda. Taǵaiyndalǵan saraptamalardyń nátijeleri boiynsha zańdy protsessýaldyq sheshim qabyldanatyn bolady», - delingen habarlamada.
