«قازاقتەلەكوم» اكتسيونەرلٸك قوعامىنىڭ باس قارجى ديرەكتورى اسحات ٶزبەكوۆ باق ٶكٸلدەرٸمەن ٶتكەن بريفينگتە Tele2 اۆ شۆەدتٸك بايلانىس وپەراتورىنىڭ 49 پايىزىن نە ٷشٸن ساتىپ العاندارىن تٷسٸندٸردٸ, دەپ حابارلايدى قازاقپارات.
«قازاقتەلەكوم» ٶكٸلٸنٸڭ ايتۋىنشا, بۇل قادام Kcell جەنە Tele2 وپەراتورلارىنىڭ تەحنيكالىق مٷمكٸندٸكتەرٸن بٸر ارناعا توعىستىرىپ, جەلٸلەردٸ كٷتٸپ ۇستاۋ شىعىندارىن ازايتادى.
«بۇل قادام بٸزدٸڭ جەلٸلەردٸ كٷتٸپ ۇستاۋعا كەتەتٸن جەنە وپەراتسييالىق شىعىندارىمىزدى ازايتادى. بۇل ٶز كەزەگٸندە قاراپايىم حالىق ٷشٸن قىزمەت قۇنىنىڭ قولجەتٸمدٸ بولا تٷسۋٸنە ىقپال ەتەدٸ. قازاقستان اۋماعى بويىنشا ەلەمدە 9-ورىن العانىمەن, حالقىنىڭ قونىستانۋ تىعىزدىعى ٶتە سيرەك. سول سەبەپتٸ جەلٸلەردٸ كٷتٸپ ۇستاۋ شىعىندارى كٶپتەگەن ەلدەرگە قاراعاندا جوعارى. وسى سەبەپتٸ تٸپتٸ 5G ينتەرنەت تە ەلٸمٸزگە جىلدامىراق كەلۋٸ مٷمكٸن», - دەدٸ اسحات ٶزبەكوۆ.
ول سونداي-اق, قازٸرگٸ قازاقستان اۋماعىنا 5G ۇلى بايلانىسىن ەنگٸزۋ قانشالىقتى قاجەت دەگەن ساۋالعا توقتالدى.
«ينتەرنەت ساپاسى سوڭعى كەزدە جىلدان-جىلعا جاقسارىپ كەلەدٸ. وسىدان 5-6 جىل بۇرىن WhatsApp ارقىلى كەلگەن قىسقا بەينەلەردٸ عانا كٶرە الساق, قازٸر بالالار موبيلدٸ ينتەرنەت ارقىلى كەز كەلگەن ورىندا سٷيٸكتٸ مۋلتفيلمدەرٸن كٶرە بەرەتٸن بولدى. قازٸرگٸ ينتەرنەت جىلدامدىعى ەلدٸڭ قاجەتتٸلٸگٸن تولىق ٶتەپ وتىر. دەگەنمەن, بٸزدٸڭ ەلٸمٸز 5G ينتەرنەتتٸ ەڭ العاشقىلاردىڭ بٸرٸ بولىپ ٸسكە قوسادى. بۇل بٸزدٸڭ ستراتەگييالىق ماقساتتارىمىزدىڭ بٸرٸ. ەڭ ەۋەلٸ نۇر-سۇلتان, الماتى, شىمكەنت قالالارى قوسىلادى. ال نەگٸزٸندە قازٸرگٸ قاجەتتٸلٸگٸمٸزدٸ 4G ەركٸن جاۋىپ تۇر. ەرينە 5G-دٸڭ كەلۋٸمەن قىزمەت ساپاسى دا, جىلدامدىق تا ٶزگەرەدٸ. ول ٷشٸن ەۋەلٸ ەلدەگٸ ينفراقۇرىلىم بۇعان ساي بولۋى كەرەك», - دەدٸ كومپانييا ٶكٸلٸ.
