اقتٶبەدە سوت 52 ادام ٸشٸندە تٸرٸدەي جانىپ كەتكەن اۆتوبۋستىڭ ٷش جٷرگٸزۋشٸسٸن ەكٸ ايعا قاماۋعا الۋ تۋرالى شەشٸمدٸ بەكٸتتٸ. ولارعا كٶلٸك قۇرالىن پايدالانۋدىڭ ەرەجەسٸن بۇزدى دەگەن ايىپ تاعىلىپ وتىر, دەپ حابارلادى kaz.tengrinews.kz جەرگٸلٸكتٸ "دياپازون" گازەتٸنە سٸلتەمە جاساپ.
تەرگەۋدٸڭ نۇسقاسى بويىنشا, جولاۋشىلار دەنەكەرلەۋ شامىنىڭ كٶمەگٸمەن جىلىنعان. ونى بٸرنەشە ساعات قولدانعاندىقتان, اۆتوبۋستىڭ سالونى گاز بەن بەنزين قوسپاسىنا تولعان. بايقاۋسىزدا بەنزين قۇيىلعان ىدىستان بەنزين تٶگٸلٸپ, ٶرت شىققان. جٷرگٸزۋشٸلەر "اۆتوموبيلدi, تروللەيبۋستى, ترامۆايدى نە باسقا دا مەحانيكالىق كٶلiك قۇرالىن باسقاراتىن ادامنىڭ جول جٷرٸسٸ نەمەسە كٶلiك قۇرالدارىن پايدالانۋ قاعيدالارىن بۇزۋى, ابايسىزدا ەكi نەمەسە ودان دا كٶپ ادامنىڭ ٶلiمiنە ەكەپ سوققان ٸس-ەرەكەت" بابى بويىنشا كٷدٸككە ٸلٸنٸپ وتىر. ولار بەستەن ون جىلعا دەيٸن سوتتالۋى مٷمكٸن.
نۇرجان قىرعىزباەۆتىڭ قورعاۋشىسى ونى كەپٸلمەن بوساتۋدى سۇراپ, ونىڭ تەرگەۋگە كەدەرگٸ بولمايتىنىن نەمەسە ەشقايدا قاشىپ كەتپەيتٸنٸن ايتىپ تٷسٸندٸردٸ. باستى جٷرگٸزۋشٸسٸ ماقسات پەرنەبەكوۆ ٶزٸنە تاعىلىپ وتىرعان ايىپتى مويىندامادى. ونىڭ ايتۋىنشا, وقيعا بولعان كەزدە ول ۇيىقتاپ جاتقان جەنە رۋلدە ول بولماعان. ول سوتتان باس بوستاندىعىن ايىرماۋدى سۇرادى.
ٷشٸنشٸ جٷرگٸزۋشٸ بارات تاڭاتوۆ ول كٷنٸ جولاۋشى رەتٸندە جولعا شىققان. ول دا تٷرمەگە جاپپاۋدى سۇراپ, جەتٸ بالاسىنىڭ بار ەكەنٸن, ولاردىڭ بەسەۋٸ كەمەلەتكە تولماعانىن جەنە ولاردى اسىرايتىن ەشكٸمنٸڭ جوق ەكەنٸن ايتتى. ول دا كەپٸلمەن بوساتۋدى سۇرادى. پەرنەبەكوۆتٸڭ ەپكەسٸ ٸنٸسٸنٸڭ بۇل وقيعانىڭ قۇربانى ەكەنٸن ايتتى. "ول دا ٶزگەلەر سيياقتى زارداپ شەكتٸ, باقىتىنا وراي تٸرٸ قالدى. ەندٸ ونى سوتتاپ جاتىر, بٸزگە كٶرسەتپەيدٸ دە. اۋرۋحانادا دا, سوتتا دا سٶيلەستٸرمەدٸ. ٸس جٷرگٸزۋشٸلەردٸ كٸنەلاۋمەن شەكتەلمەي, ەدٸلەتتٸ جەنە اۋقىمدى زەرتتەلەدٸ دەپ ٷمٸتتەنەمٸن. ماقساتتى تٸرٸ قالعانى ٷشٸن عانا سوتتاپ جاتقانداي سەزٸلەدٸ", - دەدٸ نۇرشات پەرنەبەكوۆا.
ونىڭ ايتۋىنشا, ماقسات سوڭعى جىلدارى قازانعا اۆتوبۋستى جيٸ جٷرگٸزٸپ بارعان. اۆتوبۋس باسقا ادامعا تيەلٸسٸ, ول ادام ەر رەيس ٷشٸن جٷرگٸزۋشٸگە 60 مىڭ تٶلەگەن. نۇرشاتتىڭ ايتۋىنشا, ماقسات وتباسىنداعى التى بالانىڭ بٸرەۋٸ. ونىڭ ٶزٸندە ٷش بالا بار.
ەسكە سالا كەتەيٸك, 18 قاڭتار كٷنٸ اقتٶبە وبلىسى ىرعىز اۋدانىندا 57 ادام وتىرعان اۆتوبۋس جانىپ كەتتٸ. تج بويىنشا كوميتەتتٸڭ مەلٸمەتتٸنشە, بەس ادام ٶرتەنٸپ جاتقان اۆتوبۋستان قاشىپ ٷلگەرگەن. 52 ادام سول جەردە تٸرٸدەي جانىپ كەتتٸ. اۆتوبۋس وڭتٷستٸك قازاقستان وبلىسىنان قازانعا كەتٸپ بارا جاتقان.
