فوتو: primeminister.kz
ٶنەركەسٸپ جەنە قۇرىلىس مينيسترٸ قانات شارلاپاەۆ جالعا بەرٸلگەن تۇرعىن ٷيدٸ جەكەشەلەندٸرۋ ساياساتىنىڭ ارقىلى 50 مىڭ ازامات باسپانالى بولاتىنىن ايتتى, دەپ حابارلايدى Ult.kz Kazinform-عا سٸلتەمە جاساپ.
— تۇرعىن ٷي ساياساتىن رەفورمالاۋ شەڭبەرٸندە, جەرگٸلٸكتٸ اتقارۋشى ورگانداردىڭ ەسەپكە قويۋ, جەنە ٷيلەردٸ بٶلۋ فۋنكتسييالارىن ۇلتتىق دامۋ ينستيتۋتى وتباسى بانكٸنە بەرۋدٸ كٶزدەيتٸن زاڭ قابىلداندى. بۇل ساياسات تۇرعىن ٷي الۋدى قول جەتٸمدٸ ەتەدٸ, — دەدٸ قانات شارلاپاەۆ ٷكٸمەت وتىرىسىندا.
مينيستردٸڭ ايتۋىنشا, تۇرعىن ٷيدٸ بٶلۋ, تٸركەۋ كٷنٸنە جەنە تابىس دەڭگەيٸنە بايلانىستى جٷزەگە اسىرىلادى.
— بۇل ەڭ الدىمەن ۇزاق ۋاقىت بويى كەزەكتە تۇراتىن ازاماتتاردى ٷيمەن قامتاماسىز ەتۋگە مٷمكٸندٸك بەرەدٸ. سونىمەن قاتار, ەلەۋمەتتٸك وسال توپتارعا جالعا بەرٸلگەن ٷيلەردٸ جەكەشەلەندٸرۋگە مٷمكٸندٸك بەرٸلدٸ. بۇل نورما بيىل 4 جەلتوقساندا كٷشٸنە ەندٸ. وسى شارانىڭ ارقاسىندا 50 مىڭنان استام ازامات ٷيلٸ بولادى. جالپى رەفورمالاۋ بويىنشا قاراستىرىلعان جاڭا ٶزگەرٸستەر كەلەسٸ جىلدىڭ مامىر ايىندا كٷشٸنە ەنگەلٸ وتىر, — دەدٸ ۆەدومستۆو باسشىسى.
