ٷندٸ مۇحيتىنىڭ تٷبٸنەن ەلەمدەگٸ ەڭ ٷلكەن كيتتەر قورىمى تابىلدى, دەپ حابارلايدى ult.kz.
Bild مەلٸمەتٸنشە, عالىمدار ٷندٸ مۇحيتىنىڭ 7 مىڭ مەتر تەرەڭٸنەن ۇزىندىعى شامامەن 1200 شاقىرىمعا سوزىلعان الىپ كيتتەر قورىمىن انىقتادى. بۇل — بۇرىن-سوڭدى تٸركەلگەن ەڭ ٸرٸ ەرٸ ەڭ تەرەڭدەگٸ كيت سٷيەكتەرٸ شوعىرلانعان ايماق.
زەرتتەۋشٸلەردٸ ەرەكشە تاڭعالدىرعانى — كەيبٸر سٷيەكتەردٸڭ جاسى 5,3 ميلليون جىلدان اسادى. سونىمەن قاتار بۇل جەردەن ەلدەقاشان جويىلىپ كەتكەن تەڭٸز جانۋارلارىنىڭ قاڭقالارى دا تابىلعان.
Nature جۋرنالىنىڭ جازۋىنشا, ديامانتينا جارىعى ورنالاسقان بۇل ايماق عىلىمعا ەلٸ بەلگٸسٸز بولۋى مٷمكٸن كٶپتەگەن اعزاعا تولى.
عالىمدار 32 رەت سۋ استىنا تٷسٸپ, جٷزدەگەن قازبا ٷلگٸلەرٸن جيناعان. مامانداردىڭ بولجامىنشا, مۇندا 10 ميلليوننان استام كيتتٸڭ قالدىعى بولۋى مٷمكٸن.
زەرتتەۋشٸلەردٸڭ ايتۋىنشا, بۇل ٶڭٸر كيتتەر ٷشٸن قورەككە باي بولعاندىقتان, ميلليونداعان جىل بويى تەڭٸز الىپتارى وسىندا شوعىرلانعان. ال ٶلگەننەن كەيٸن ولاردىڭ سٷيەكتەرٸ مۇحيت تٷبٸندە جينالىپ, الىپ تابيعي قورىمعا اينالعان.
بۇعان دەيٸن كيتتەردٸڭ سٷيەكتەرٸ مۇنداي تەرەڭدٸكتەن ەشقاشان تابىلعان ەمەس.
