ەلوردادا ٶرت سالدارىنان 5 بالانىڭ قازا بولۋىنا بايلانىستى قىلمىستىق ٸس قوزعالدى. بۇل تۋرالى بٷگٸن ٷكٸمەت وتىرىسىنان كەيٸن قر ٸشكٸ ٸستەر مينيسترٸ قالمۇحانبەت قاسىموۆ ايتتى, دەپ حابارلايدى قازاقپارات تٸلشٸسٸ.
«بٸز ورىن العا وقيعا فاكتٸسٸ بويىنشا قىلمىستىق ٸس قوزعادىق. ساراپتاما جٷرگٸزۋ قاجەت. ٶرتتٸڭ شىعۋىنا جىلىتۋ پەشٸ سەبەپ بولعان», - دەدٸ مينيستر باق ٶكٸلدەرٸنٸڭ ساۋالىنا وراي.
ونىڭ ايتۋىنشا, بۇل ٶرت شىعۋىنىڭ الدىن الا سەبەبٸ عانا. ال ناقتى سەبەپ ارنايى جٷرگٸزٸلٸپ جاتقان ساراپتامالاردىڭ قورىتىندىسىنان كەيٸن بەلگٸلٸ بولادى. وسى رەتتە باق ٶكٸلدەرٸ مينيستردەن «اتا-انالىق مٸندەتٸن دۇرىس اتقارعان دەگەن جەلەۋمەن بالالاردىڭ ەكەسٸ مەن شەشەسٸنە قىلمىستىق ٸس قوزعالۋى مٷمكٸن بە?» دەپ سۇراعان ەدٸ.
«بۇل رەتتە اتا-انانىڭ قانداي مٸندەتتەمەسٸ بولۋى مٷمكٸن? مەنٸڭشە, بۇل ونداي جاعداي ەمەس. بٸز قىلمىستىق ٸستٸ فاكتٸ بويىنشا قوزعادىق. ٶيتكەنٸ, ساراپتاما جٷرگٸزۋ قاجەت. ٶرتتٸڭ شىعۋ سەبەبٸن انىقتاعىمىز كەلەدٸ», - دەدٸ ق.قاسىموۆ.
بٷگٸنگٸ ٷكٸمەتتٸڭ سەلەكتورلىق رەجٸمدەگٸ وتىرىسىندا قر پرەمەر-مينيسترٸ باقىتجان ساعىنتاەۆ ٶرتتەن قازا تاپقان 5 بالانىڭ اتا-اناسىنا كٶڭٸل ايتقان بولاتىن.
ەسكە سالا كەتەيٸك, 4 اقپان كٷنٸ تٷندە ەلوردانىڭ سارىارقا اۋدانىنداعى «كٶكتال-1» تۇرعىن ٷي الابىندا جەكە ٷيدٸڭ اۋلاسىندا تۇرعىزىلعان ۋاقىتشا باسپانادا ٶرت شىقتى. ٶرتتٸ سٶندٸرۋ بارىسىندا 2006, 2008, 2014, 2016, 2018 جىلعى 5 قىز بالانىڭ دەنەسٸ تابىلدى.
ولاردىڭ كٸشٸسٸ نەبەرٸ 11 ايلىق سەبي ەدٸ. ٶرت كەزٸندە بەس بالانىڭ اتا-اناسى تٷنگٸ جۇمىستا بولعان.
.jpeg)