يلليۋستراتسييا: pasporta.org
جىل باسىنان بەرٸ قازاقستانعا 400 مىڭ رەسەي ازاماتى كەلدٸ. ولاردىڭ 40 مىڭنان استامى جەرگٸلٸكتٸ جسن نٶمٸر الدى. ياعني بۇل ازاماتتار قازاقستاندىق بانكتەردە ەسەپ-شوت اشىپ, كەسٸپ جٷرگٸزە الادى. "حابار 24" تٸلشٸسٸ ٶز ماتەريالىندا وسى تۇستا تاياقتىڭ ەكٸ ۇشى بار ەكەنٸن ەسكەرۋ كەرەك دەيدٸ. بٸر جاعىنان ەگەر شەت ەلدٸك كومپانييا ٶز كەسٸبٸن قازاقستاندا جٷرگٸزٸپ, قاجەتتٸ جۇمىسشىلاردى جەرگٸلٸكتٸ جەردەن السا, سالىق تٶلەسە مەملەكەت ٷشٸن پايدا. ال ەگەر رەسەيلٸك ازاماتتار كەلٸپ, قازاقستاندىق كومپانييالارعا جۇمىسقا ورنالاساتىن بولسا بۇل تيٸمسٸز. ٶيتكەنٸ ٶزٸمٸزدٸڭ قاراكٶزدەر ەكٸ قولعا بٸر كٷرەك تاپپاي قالۋى مٷمكٸن, دەپ حابارلادى Tengrinews.kz اگەنتتٸگٸ.
"پرەزيدەنتٸمٸز ەرينە تاپسىرما بەرٸپ وتىر, رەسەيدەن كەلەتٸن بيزنەس ٷشٸن بارلىق قولايلى جاعدايدى جاساڭدار دەگەن. بٸراق ونىڭ ەكٸنشٸ سالدارى بار. بٸز جاعداي جاساي بەرەتٸن بولساق, رەسەي وسى ارقىلى سانكتسييانى اينالىپ ٶتۋ قادامدارىن جاساۋى مٷمكٸن. ال ونى ەۋ, اقش بايقاۋى مٷمكٸن. سوندىقتان سانكتسييانىڭ بٸر ۇشى بٸزگە تيٸپ كەتۋٸ مٷمكٸن. سوندىقتان بارىنشا ساق بولۋىمىز قاجەت", - دەيدٸ ساراپشى ماقسات حالىق.
تمد ەلدەرٸنٸڭ ٶزگە مەملەكەتتەرمەن تاۋار اينالىمى بٸر جىلدا ٷش ەسە كٶبەيدٸ. سونىڭ ٸشٸندە ەكسپورت كٶلەمٸ 42 پايىزعا ارتقان. وسىلايشا يمپورت پەن ەكسپورت اراسىنداعى سالدو 200 ميلليارد دوللاردان استى. بۇل تۋرالى ۇيىمنىڭ مەملەكەتارالىق ستاتيستيكالىق كوميتەتٸنٸڭ تٶراعاسى كونستانتين لايكام مەلٸمدەدٸ. ونىڭ ايتۋىنشا, الىس بەرٸستەگٸ سالدو ۇيىمعا مٷشە مەملەكەتتەردٸڭ ۇلتتىق ۆاليۋتاسىن تۇراقتاندىرۋعا ٶز سەپتٸگٸن تيگٸزدٸ.
سونداي-اق, بىلتىر تمد ەلدەرٸندە جالپى ٸشكٸ ٶنٸم 4,7 پايىزعا ٶسكەن. الدىن الا بولجام بويىنشا بيىل العاشقى توقساندا دا كٶرسەتكٸشتەر جوعارى. ەكونوميكالىق ٶسٸمگە ەلەمدەگٸ قىمباتشىلىق ٶز سەپتٸگٸن تيگٸزدٸ. ەندٸ ينفلياتسييانى تەجەۋ ٷشٸن تمد ەلدەرٸ ىنتىماقتاستىقتى ودان ەرٸ ارتتىرۋعا مٷددەلٸ.
"ٶتكەن جىلى تمد ەلدەرٸندە ينفلياتسييا 9,1 پايىز بولدى. نەگٸزٸنەن ازىق-تٷلٸك قىمباتتاعان. ەگەر ەر مەملەكەت تەك قارا باسىنىڭ قامىن جەپ, وقشاۋلاناتىن بولسا, مەسەلەنٸڭ شەشٸلمەيتٸنٸ انىق. ال ەگەر جان-جاعىمەن جاعىمدى قاتىناس ورناتىپ, الىس-بەرٸستٸ ارتتىرسا, جوعىن كٶرشٸدەن الىپ, ارتىعىن ساتىپ وتىرسا قيىندىقتى وڭاي ەڭسەرۋگە بولادى", - دەدٸ تمد مەملەكەتارالىق ستاتيستيكالىق كوميتەتٸنٸڭ تٶراعاسى كونستانتين لايكام.
مەملەكەت نارىقتا باعانى كٷشتەپ ۇستاعاننان كٶرٸ حالىقتىڭ تابىسىن ارتتىرۋعا مەن بەرۋٸ تيٸس. ياعني باعا نارىعىنا تٸكەلەي ارالاسپاۋى كەرەك. ٷكٸمەت تەك ٶندٸرۋشٸ مەن تۇتىنۋشى اراسىنداعى قاتىناستى جٷيەلەپ, جولعا قويۋى تيٸس. ەكونوميكالىق ساراپشى ماقسات حالىق وسىنداي پٸكٸردە. ونىڭ ايتۋىنشا مامىردا ينفلياتسييا 13,5 پايىزدان 14-كە جەتتٸ. ازىق-تٷلٸك ينفلياتسيياسى 17-دەن 19 پايىزعا ٶستٸ. بۇل حالىقتىڭ تٶلەم قابىلەتٸن تٶمەندەتٸپ جاتىر. ال بيلٸكتٸڭ ەڭبەك اقىنى يندەكساتسييالايمىز دەگەنٸ 4-10 پايىز اراسىندا عانا.
مەسەلەن 60 مىڭ ايلىق الاتىن ادامنىڭ جالاقىسىنا 4 پايىز قوسىلسا 2 جارىم مىڭ تەڭگەگە عانا كٶبەيەدٸ. ونسىزدا ايلىعى شەيلىعىنان اسپايتىن ادام ٷشٸن بۇل تەڭٸزگە تامعان تامشىداي عانا بولماق.
"ۇلتتىق قوردان وسى جىلدىڭ ٶزٸندە ارتىق قاراجات بٶلٸندٸ. مىسالى 2,6 تريلليون تەڭگە اۋدارۋ كەرەك ەدٸ ۇلتتىق قوردان. بيىل 4 تريلليون تەڭگەدەن استام قارجات اۋداردى. بٸراق يندەكساتسييالاۋعا 110 ميلليارد تەڭگە عانا بٶلدٸ. سوندىقتان 4 تريلليوننىڭ ەڭ بولماسا 10 پايىزىن حالىقتىڭ تابىسىن, ەلەۋمەتتٸك تٶلەمدەرٸن يندەكساتسييالاۋعا جۇمساۋ كەرەك دەپ ويلايمىن", - دەدٸ ساراپشى ماقسات حالىق.
