تۇقىم شارۋاشىلىعىن سۋبسيدييالاۋ كٶلەمٸ 11,8 ملرد تەڭگەنٸ قۇرايدى. بۇل تۋرالى ٷكٸمەت وتىرىسىندا اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«اگروٶنەركەسٸپتٸك كەشەن سۋبەكتٸلەرٸنەن شامامەن 350 مىڭ توننا اۋىل شارۋاشىلىعى ٶنٸمٸن فورۆاردتىق ساتىپ الۋ جوسپارلانىپ وتىر», - دەدٸ مينيستر ٷكٸمەت وتىرىسىندا.
بۇدان بٶلەك ول تىڭايتقىشتار قولدانۋ كٶلەمٸن 53 مىڭ تونناعا ۇلعايتۋ جەنە ولاردىڭ قولدانىلۋىن عىلىمي نەگٸزدەلگەن قاجەتتٸلٸكتٸڭ 25,5 پايىزىنا دەيٸن جەتكٸزۋ جوسپارعا ەنگٸزٸلگەنٸن ايتتى.
«بۇل رەتتە تۇقىم شارۋاشىلىعىن سۋبسيدييالاۋ كٶلەمٸ 11,8 ملرد تەڭگەنٸ قۇرايدى, بۇل اۋىل شارۋاشىلىعى تاۋارىن ٶندٸرۋشٸلەر ٷشٸن ساپالى تۇقىمداردىڭ قولجەتٸمدٸلٸگٸن ارتتىرۋعا مٷمكٸندٸك بەرەدٸ. كٶكتەمگٸ دالا جۇمىستارىن جٷرگٸزۋ بارىسى ەرەكشە باقىلاۋعا الىناتىن بولادى», - دەدٸ س. وماروۆ.
ايتا كەتەيٸك, قازاقستاندا جالپى ەگٸس الاڭى 86,4 مىڭ گەكتارعا ۇلعايىپ, 22,7 ملن گەكتاردى قۇرايدى.
مايلى, ازىقتىق جەنە كٶكٶنٸس-باقشا داقىلدارىنىڭ, سونداي-اق قاراقۇمىق ەرٸ قانت قىزىلشاسى سيياقتى ەلەۋمەتتٸك داقىلداردىڭ الاڭدارىن ۇلعايتۋ جوسپارلانىپ وتىر. سونىمەن قاتار بيداي, كٷرٸش جەنە ماقتا سيياقتى دارا داقىلدار مەن ىلعالدى كٶپ قاجەت ەتەتٸن داقىلدار ەگٸلەتٸن القاپتار قىسقارتىلادى.
