استانادا 6,2 مىڭنان استام ادامدى قامتىعان قارجى پيراميداسىن ۇيىمداستىرعان ەلوردا تۇرعىنىنا قاتىستى سوت ٷكٸمٸ قايتا قارالاتىن بولدى, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, ەر ادام 2023-2025 جىلدار ارالىعىندا قارجى پيراميداسىن ۇيىمداستىرىپ, زاڭسىز قىزمەتتەن 337 ملن تەڭگە تابىس تاپقان. سحەماعا 6,2 مىڭنان استام ادام تارتىلعان.
العاشقى سوت شەشٸمٸمەن ايىپتالۋشى مٷلكٸ تەركٸلەنبەستەن, 5 جىلعا شارتتى تٷردە باس بوستاندىعىنان ايىرۋعا سوتتالعان.
الايدا باس پروكۋراتۋرا بۇل جازانى تىم جەڭٸل دەپ باعالاپ, سوت شەشٸمٸنە نارازىلىق بٸلدٸردٸ.
پروكۋروردىڭ كاسساتسييالىق نارازىلىعىن قاراعان سوت سوت اكتٸلەرٸنٸڭ كٷشٸن جويىپ, قىلمىستىق ٸستٸ جاڭا سوت تالقىلاۋىنا جٸبەردٸ.
وسىلايشا, 337 ملن تەڭگە كٶلەمٸندە تابىس تاپقان قارجى پيراميداسىنىڭ ۇيىمداستىرۋشىسىنا قاتىستى جازا قايتا قارالاتىن بولدى.
