Astanada 6,2 myńnan astam adamdy qamtyǵan qarjy piramidasyn uiymdastyrǵan elorda turǵynyna qatysty sot úkimi qaita qaralatyn boldy, dep habarlaidy ult.kz.
Bas prokýratýranyń málimetinshe, er adam 2023-2025 jyldar aralyǵynda qarjy piramidasyn uiymdastyryp, zańsyz qyzmetten 337 mln teńge tabys tapqan. Shemaǵa 6,2 myńnan astam adam tartylǵan.
Alǵashqy sot sheshimimen aiyptalýshy múlki tárkilenbesten, 5 jylǵa shartty túrde bas bostandyǵynan aiyrýǵa sottalǵan.
Alaida Bas prokýratýra bul jazany tym jeńil dep baǵalap, sot sheshimine narazylyq bildirdi.
Prokýrordyń kassatsiialyq narazylyǵyn qaraǵan sot sot aktileriniń kúshin joiyp, qylmystyq isti jańa sot talqylaýyna jiberdi.
Osylaisha, 337 mln teńge kóleminde tabys tapqan qarjy piramidasynyń uiymdastyrýshysyna qatysty jaza qaita qaralatyn boldy.
