قازٸر ەلوردادا 100-دەن استام ەگۋ پۋنكتٸ جۇمىس ٸستەيدٸ, ۆاكتسيناتسييا تاڭعى 8-دەن تٷنگٸ 12-گە دەيٸن جٷرگٸزٸلەدٸ. بٷگٸنگٸ تاڭدا كوروناۆيرۋسقا قارسى ۆاكتسينانى 49 مىڭ قالا تۇرعىنى الدى, دەپ حابارلايدى "ۇلت اقپارات" نۇر-سۇلتان ەكٸمدٸگٸنٸڭ رەسمي سايتىنا سٸلتەمە جاساپ.
ەلوردا ەكٸمٸنٸڭ ورىنباسارى باقتييار مەكەننٸڭ تٶراعالىعىمەن نۇر-سۇلتاندا كوروناۆيرۋستىق ينفەكتسييانىڭ پايدا بولۋى مەن تارالۋىنا جول بەرمەۋ جٶنٸندەگٸ كوميسسييانىڭ وتىرىسى ٶتتٸ. قالا ەكٸمدٸگٸندە ٶتكەن كەڭەس بارىسىندا قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ تۇرعىنداردى جاپپاي ۆاكتسيناتسييالاۋ قالاي جٷرگٸزٸلٸپ جاتقانى تۋرالى ايتىپ بەردٸ.
«بٷگٸنگٸ تاڭدا قالادا 100-دەن استام پۋنكتتە ۆاكتسيناتسييا جٷرگٸزٸلۋدە. بٸز كٷنٸنە 5 مىڭنان استام ادامدى ۆاكتسيناتسييالايمىز. قازٸر بٸزدە 49 مىڭ ادام بٸرٸنشٸ كومپونەنتپەن ۆاكتسيناتسييالاندى. وسىلايشا 50 مىڭ ادام 1 مامىرعا دەيٸن يممۋندالعان بولادى. حالىقتىڭ بەلسەندٸلٸگٸ جامان ەمەس. بٸز سونداي-اق ۇيىمداستىرىلعان ۇجىمدارعا كٶشپەلٸ بريگادامەن بارىپ, سول جەردە ۆاكتسيناتسييالاي الامىز», — دەدٸ ت.مۇراتوۆ.
ول سونداي-اق ەمحانالاردان باسقا حالىقتى ۆاكتسيناتسييالاۋ «Mega Silk Way»سوو-دا جٷرگٸزٸلٸپ جاتقانىن ايتىپ ٶتتٸ. جاقىن ارادا مۇنداي پۋنكتتەر «حان شاتىر», «كەرۋەن» سوو-لارىندا اشىلادى.
«جىل سايىن تۇماۋعا قارسى ۆاكتسينانى 130 مىڭ تۇرعىنعا سالامىز, بۇل — ەڭ وسال كونتينگەنت. وسىلايشا, بٸزدە قىستىگٷنٸ تۇماۋ ەپيدەميياسى بولمايدى. بۇل جاعدايدى باقىلاۋدا ۇستايمىز. ەگەر قازٸر كوروناۆيرۋسقا قارسى 300 مىڭ ۆاكتسينا سالساق, اۋرۋ دەڭگەيٸ تٶمەندەر ەدٸ. ال 600 مىڭ قالا تۇرعىنى ۆاكتسيناتسييالانعان كەزدە جۇقتىرۋ قاۋپٸ بولمايدى», — دەدٸ قالالىق قوعامدىق دەنساۋلىق ساقتاۋ باسقارماسىنىڭ باسشىسى.
وتىرىس سوڭىندا باقتييار مەكەن مٷددەلٸ مەملەكەتتٸك ورگانداردىڭ بەرٸنە حالىق اراسىندا, ونىڭ ٸشٸندە ٸرٸ, سونداي-اق ٶزگە دە ۇجىمداردا كۆي-عا قارسى جاپپاي ۆاكتسيناتسييالاۋ بويىنشا بەلسەندٸ تٷسٸندٸرۋ جۇمىستارىن جٷرگٸزۋدٸ تاپسىردى.
