Qazir elordada 100-den astam egý pýnkti jumys isteidi, vaktsinatsiia tańǵy 8-den túngi 12-ge deiin júrgiziledi. Búgingi tańda koronavirýsqa qarsy vaktsinany 49 myń qala turǵyny aldy, dep habarlaidy "Ult aqparat" Nur-Sultan ákimdiginiń resmi saityna silteme jasap.
Elorda ákiminiń orynbasary Baqtiiar Mákenniń tóraǵalyǵymen Nur-Sultanda koronavirýstyq infektsiianyń paida bolýy men taralýyna jol bermeý jónindegi komissiianyń otyrysy ótti. Qala ákimdiginde ótken keńes barysynda qalalyq Qoǵamdyq densaýlyq saqtaý basqarmasynyń basshysy Timýr Muratov turǵyndardy jappai vaktsinatsiialaý qalai júrgizilip jatqany týraly aityp berdi.
«Búgingi tańda qalada 100-den astam pýnktte vaktsinatsiia júrgizilýde. Biz kúnine 5 myńnan astam adamdy vaktsinatsiialaimyz. Qazir bizde 49 myń adam birinshi komponentpen vaktsinatsiialandy. Osylaisha 50 myń adam 1 mamyrǵa deiin immýndalǵan bolady. Halyqtyń belsendiligi jaman emes. Biz sondai-aq uiymdastyrylǵan ujymdarǵa kóshpeli brigadamen baryp, sol jerde vaktsinatsiialai alamyz», — dedi T.Muratov.
Ol sondai-aq emhanalardan basqa halyqty vaktsinatsiialaý «Mega Silk Way»SOO-da júrgizilip jatqanyn aityp ótti. Jaqyn arada mundai pýnktter «Han Shatyr», «Kerýen» SOO-larynda ashylady.
«Jyl saiyn tumaýǵa qarsy vaktsinany 130 myń turǵynǵa salamyz, bul — eń osal kontingent. Osylaisha, bizde qystygúni tumaý epidemiiasy bolmaidy. Bul jaǵdaidy baqylaýda ustaimyz. Eger qazir koronavirýsqa qarsy 300 myń vaktsina salsaq, aýrý deńgeii tómender edi. Al 600 myń qala turǵyny vaktsinatsiialanǵan kezde juqtyrý qaýpi bolmaidy», — dedi qalalyq Qoǵamdyq densaýlyq saqtaý basqarmasynyń basshysy.
Otyrys sońynda Baqtiiar Máken múddeli memlekettik organdardyń bárine halyq arasynda, onyń ishinde iri, sondai-aq ózge de ujymdarda KVI-ǵa qarsy jappai vaktsinatsiialaý boiynsha belsendi túsindirý jumystaryn júrgizýdi tapsyrdy.
