فوتو: blog.kaspersky.kz
بالاسىنىڭ ەمٸنە دەپ جۇرتتان 1,3 ملرد تەڭگەدەن استام اقشا جيناعان دەپ كٷدٸككە ٸلٸنگەن ەرلٸ-زايىپتىلاردىڭ ٷستٸنەن تەرگەپ-تەكسەرۋ باستالدى, دەپ حابارلايدى Ult.kz.
استانا قالاسى بويىنشا قارجى مونيتورينگٸ اگەنتتٸگٸنٸڭ دەپارتامەنتٸ ۇلىنىڭ ەمٸنە قاراجات جيناۋ ٷشٸن كەڭ كٶلەمدٸ جارناما ناۋقانىن ۇيىمداستىرعان ەرلٸ-زايىپتىعا قاتىستى الاياقتىق فاكتٸسٸ بويىنشا تەرگەپ-تەكسەرۋدٸ جٷرگٸزۋدە.
"تەرگەۋ امالدارىنا ساي, بالانىڭ قاتىسۋىمەن كٶرسەتٸلگەن بەينەروليكتەر, ەسەرلٸ جازبالار Instagram جەنە Facebook ارقىلى جٷرگٸزٸلگەن تارگەتتەلگەن جارناما مىڭداعان قازاقستاندىقتىڭ جٷرەگٸنە ەسەر ەتكەن. ازاماتتاردىڭ سەنٸمٸ مەن جاناشىرلىعىن پايدالانا وتىرىپ, كٷدٸكتٸلەر 1,3 ملرد تەڭگەدەن استام كٶلەمدە قاراجات جيناعان", - دەلٸنگەن حابارلامادا.
الايدا, كٷدٸكتٸلەر بالانىڭ ەمٸنە تەك 6,4 ملن تەڭگە جۇمسالعان. قالعان قاراجات ەرلٸ-زايىپتى جەكە قاجەتتٸلٸكتەرٸنە پايدالانىلعان. ناقتى ايتقاندا, ەلوردادا 3 پەتەر, جەر تەلٸمٸ, 5 اۆتوكٶلٸك ساتىپ الىنعان. سونىمەن قاتار, قاراجاتتىڭ بٸر بٶلٸگٸ قۇمار ويىندارىنا جۇمسالعان.
"قايىرىمدىلىق قارجىسىن تۇراقتى تٷردە الىپ وتىرۋ ٷشٸن ولار كەلٸپ تٷسكەن قاراجاتتىڭ ٷشتەن بٸر بٶلٸگٸن (481 ميلليون تەڭگەدەن استام) ەلەۋمەتتٸك جەلٸدەگٸ پاراقشالارىن جارنامالاۋعا باعىتتاعان. Meta Ads ارقىلى جٷرگٸزٸلگەن جارناما اۋديتورييانى ەدەۋٸر كەڭەيتٸپ, قايىرىمدىلىق كٶلەمٸن ارتتىرۋعا مٷمكٸندٸك بەرگەن.
كٷدٸكتٸلەر تٷركيياداعى LIV Hospital كلينيكاسىندا 84 ملن تەڭگە تۇراتىن وتا جاساتامىز دەگەن جەلەۋدٸ دە پايدالانعان. قاجەتتٸ سوما جينالعانىمەن, شەتەلدە وتا جاسالماعان. كەرٸسٸنشە, ولار Instagram پاراقشاسىندا ەۋەجايداعى «ۇشىپ بارا جاتقان» كٶرٸنٸستٸ بەينەلەيتٸن روليك جارييالاپ, وپەراتسييا سەتتٸ ٶتتٸ دەگەن جالعان اقپاراتپەن جازبا سالعان", -دەلٸنگەن قارجى مونيتورينگٸ اگەنتتٸگٸنٸڭ حابارلاماسىندا.
سوتقا دەيٸنگٸ تەرگەپ-تەكسەرۋ باستالعانىن بٸلگەن سوڭ, ولار قىلمىستىق جولمەن الىنعان اكتيۆتەردٸ تەركٸلەۋدەن جاسىرۋ ماقساتىندا جەر تەلٸمٸن ٷشٸنشٸ تۇلعانىڭ اتىنا رەسٸمدەگەن. الايدا تەرگەۋ بۇل مەمٸلەنٸڭ جالعان ەكەنٸن دەلەلدەدٸ.
سوت سانكتسيياسىمەن قىلمىستىق جولمەن الىنعان مٷلٸكتەردٸڭ بارلىعىنا تىيىم سالىندى. كٷدٸكتٸلەرگە قاتىستى بۇلتارتپاۋ شاراسى رەتٸندە ٷيقاماق تٷرٸ تاڭدالدى.
قر كونستيتۋتسيياسىنىڭ 77-بابىنىڭ 3-تارماعىنىڭ 1-تارماقشاسىنا جەنە قر قىلمىستىق-پروتسەستٸك كودەكسٸنٸڭ 19-بابىنىڭ 1-بٶلٸگٸنە سەيكەس, قىلمىستىق قۇقىق بۇزۋشىلىق جاساۋداعى كٸنەسٸ سوتتىڭ زاڭدى كٷشٸنە ەنگەن ٷكٸمٸمەن بەلگٸلەنگەنگە دەيٸن ەركٸم كٸنەسٸز دەپ ەسەپتەلەدٸ.
