ٷكٸمەت جەتٸسۋ وبلىسىنداعى الاكٶل كٶلٸنٸڭ جاعالاۋىن شايىلۋدان قورعاۋعا ارنالعان بٶگەت قۇرىلىسىنا 3 ملرد تەڭگە بٶلدٸ. قارجى مەملەكەت باسشىسىنىڭ سۋ شارۋاشىلىعى ينفراقۇرىلىمىن دامىتۋ جٶنٸندەگٸ تاپسىرمالارىن ورىنداۋ اياسىندا ٷكٸمەت رەزەرۆٸنەن قاراستىرىلدى, دەپ حابارلايدى ult.kz.
تيٸستٸ قاۋلىعا پرەمەر-مينيستر ولجاس بەكتەنوۆ قول قويدى.
بٶلٸنگەن قاراجاتتىڭ ەسەبٸنەن ۇزىندىعى 6 شاقىرىم بولاتىن قورعانىس بٶگەتٸ سالىنادى. ونىڭ 2,5 شاقىرىمى كٶكتۇما اۋىلىندا, ال 3,5 شاقىرىمى اقشي اۋىلىندا ورنالاسادى.
جوبا بۇعان دەيٸن دە كەزەڭ-كەزەڭٸمەن ٸسكە اسىرىلا باستاعان. 2025 جىلى ۇزىندىعى 1,7 شاقىرىم ۋچاسكەدە جاعالاۋدى نىعايتۋ, جەر قازۋ, بەتون قۇيۋ جەنە گابيون قۇرىلىمدارىن ورناتۋ جۇمىستارى اياقتالعان. قازٸرگٸ تاڭدا قۇرىلىس-مونتاج جۇمىستارىنىڭ شامامەن 25 پايىزى ورىندالعان.
جوبانى تولىق ٸسكە اسىرۋ الاكٶل جاعالاۋىنىڭ ودان ەرٸ شايىلۋىن توقتاتۋعا, كٶلدەگٸ شٶگٸندٸلەردٸڭ تابيعي قوزعالىسى مەن قايتا بٶلٸنۋ پروتسەسٸن ساقتاۋعا مٷمكٸندٸك بەرەدٸ.
سونىمەن قاتار قورعانىس ينفراقۇرىلىمى ٶڭٸردٸڭ تۋريستٸك ەلەۋەتٸن ارتتىرىپ, دەمالۋشىلار مەن جەرگٸلٸكتٸ تۇرعىندار ٷشٸن قاۋٸپسٸز ەرٸ قولايلى جاعداي قالىپتاستىرۋعا ىقپال ەتەدٸ.
ٷكٸمەتتٸڭ مەلٸمەتٸنشە, سوڭعى ەكٸ جىلدا اقمولا, اقتٶبە, باتىس قازاقستان, قوستاناي, سولتٷستٸك قازاقستان جەنە پاۆلودار وبلىستارىندا جالپى ۇزىندىعى 243 شاقىرىم بولاتىن قورعانىس بٶگەتتەرٸ مەن گيدروتەحنيكالىق قۇرىلىستار سالىنىپ, نىعايتىلعان.
ٷكٸمەت سۋ جەنە تۋريستٸك ينفراقۇرىلىمدى دامىتۋعا, تابيعي رەسۋرستاردى ساقتاۋعا جەنە ٶڭٸرلەردٸڭ ورنىقتى ەلەۋمەتتٸك-ەكونوميكالىق دامۋىنا باعىتتالعان جوبالاردى تۇراقتى باقىلاۋدا ۇستاپ وتىرعانىن مەلٸمدەدٸ.
ەسكە سالايىق, بۇعان دەيٸن الاكٶل مەن قاپشاعايداعى قاۋٸپسٸزدٸكتٸ جاساندى ينتەللەكت جٷيەسٸ باقىلايتىنى حابارلانعان بولاتىن.
