الماتى وبلىسى اششىبۇلاق اۋىلىندا 29 جاستاعى ەيەلدٸڭ ٶلٸمٸنە بايلانىستى پوليتسييا قىلمىستىق ٸس قوزعادى. مارقۇمنىڭ تۋىستارى ونىڭ وتباسىندا زورلىق-زومبىلىق كٶرگەن بولۋى مٷمكٸن ەكەنٸن ايتىپ وتىر, دەپ حابارلايدى ult.kz.
قازا تاپقان گٷلميرانىڭ ەپكەسٸ ەزيزا مىرزاقۇلوۆانىڭ سٶزٸنشە, سٸڭلٸسٸ ٶمٸرگە قۇشتار, جاقىندارىنا ٷنەمٸ كٶمەكتەسٸپ جٷرەتٸن ادام بولعان. تۋىستارى ونىڭ مۇنداي قادامعا ٶز ەركٸمەن بارعانىنا سەنبەيتٸنٸن جەتكٸزدٸ.
مارقۇم مەديتسينا سالاسىندا بٸلٸم الىپ, شامامەن بەس جىل اۋرۋحانادا جۇمىس ٸستەگەن. 26 جاسىندا ٶزٸنەن 13 جاس ٷلكەن ازاماتقا تۇرمىسقا شىعىپ, كەيٸن ەگٸز بالانى دٷنيەگە ەكەلگەن.
تۋىستارىنىڭ ايتۋىنشا, وتباسىندا جانجال جيٸ بولعان. قايعىلى وقيعا بولعان كٷنٸ گٷلميرا جاقىندارىنا بەينەقوڭىراۋ شالىپ, كٷيەۋٸنٸڭ ٶزٸنە كٷش كٶرسەتەتٸنٸن ايتقان. سونداي-اق دەنەسٸندەگٸ جاراقاتتاردى كٶرسەتكەنٸ دە ايتىلادى.
مارقۇمنىڭ اناسى ورازگٷل مونبەكوۆا قىزىنىڭ ٶلٸمٸن وتباسىنداعى زورلىق-زومبىلىقپەن بايلانىستىرادى.
"زورلىق-زومبىلىقتىڭ كەسٸرٸ دەپ ويلايمىن. باسقا ەشقانداي سەبەپ جوق. مەيٸتحانادا قىزىمنىڭ دەنەسٸندەگٸ كٶگەرگەن ٸزدەردٸ كٶردٸم", – دەدٸ ول.
الايدا مارقۇمنىڭ قايىن اتاسى بۇل ايىپتاۋلارمەن كەلٸسپەيتٸنٸن ايتىپ, ۇلىنىڭ ەيەلٸنە قول كٶتەرۋٸ مٷمكٸن ەمەس ەكەنٸن مەلٸمدەگەن.
الماتى وبلىسى پوليتسييا دەپارتامەنتٸنٸڭ رەسمي ٶكٸلٸ ەرنار سايدٸلدين اتالعان دەرەك بويىنشا قىلمىستىق ٸس قوزعالعانىن راستادى.
"اتالعان فاكتٸگە قاتىستى قىلمىستىق ٸس قوزعالىپ, تەرگەپ-تەكسەرۋ امالدارى جٷرگٸزٸلۋدە. تەرگەۋ نەتيجەسٸ بويىنشا پروتسەسسۋالدىق شەشٸم قابىلداناتىن بولادى", – دەدٸ پوليتسييا ٶكٸلٸ.
قازٸرگٸ ۋاقىتتا مارقۇمنىڭ دەنەسٸندە زورلىق-زومبىلىق بەلگٸلەرٸنٸڭ بار-جوعىن انىقتاۋ ٷشٸن سوت-مەديتسينالىق ساراپتاما تاعايىندالعان.
ٸس بويىنشا گٷلميرانىڭ كٷيەۋٸ كٷدٸكتٸ رەتٸندە تانىلعان. ونىڭ كٸنەسٸ سوتتا دەلەلدەنگەن جاعدايدا عانا قۇقىقتىق جاۋاپكەرشٸلٸك مەسەلەسٸ شەشٸلەدٸ.
