شىمكەنتتەگٸ كەراميكالىق تاقتا شىعاراتىن زاۋىتتا گرەك-ريم كٷرەسٸنەن قازاقستاننىڭ بۇرىنعى چەمپيونى, 28 جاستاعى تٸلەكتەس ەدٸل قايعىلى جاعدايدا كٶز جۇمدى, دەپ حابارلايدى ult.kz.
مارقۇمنىڭ دوسىنىڭ ايتۋىنشا, جۇمىس كەزٸندە سپورتشى ابايسىزدا ەلەكتر سىمىنا تيٸپ, توق سوققاننان كەيٸن بيٸكتەن قۇلاعان. وقيعا ورنىنا كەلگەن دەرٸگەرلەر ونىڭ ٶمٸرٸن ساقتاپ قالا المادى.
پوليتسييا اتالعان فاكتٸ بويىنشا سوتقا دەيٸنگٸ تەرگەۋ باستاعان.
تٸلەكتەس ەدٸل بالا كەزٸنەن كٷرەسپەن اينالىسىپ, ەستۋ قابٸلەتٸ بۇزىلعان سپورتشىلار اراسىنداعى جارىستاردا قازاقستان نامىسىن قورعاعان. ول 2018 جىلى 55 كەلٸگە دەيٸنگٸ سالماقتا رەسپۋبليكالىق سپارتاكيادادا, 2019 جىلى 60 كەلٸدە ەرەسەكتەر اراسىنداعى ەل چەمپيوناتىندا التىن مەدال جەڭٸپ العان.
مارقۇمنىڭ ارتىندا جۇبايى مەن ەكٸ بالاسى قالدى.
