ۆەتنام سوتسياليستٸك رەسپۋبليكاسىنان قازاقستان رەسپۋبليكاسى ەدٸلەت مينيسترلٸگٸنٸڭ «سوت ساراپتامالارى ورتالىعى» رمك قىزمەتٸندە مەملەكەتتٸك ساتىپ الۋلار كەزٸندە 2,5 ملرد تەڭگە كٶلەمٸندەگٸ بيۋدجەت قاراجاتىن جىمقىردى دەگەن كٷدٸككە ٸلٸنگەن ازامات قازاقستانعا جەتكٸزٸلدٸ, دەپ حابارلايدى ult.kz.
تەرگەۋ مەلٸمەتٸنشە, 2023–2025 جىلدارعا ارنالعان ەسٸرتكٸگە قارسى ٸس-قيمىل جەنە ەسٸرتكٸ بيزنەسٸنە قارسى كٷرەس جٶنٸندەگٸ كەشەندٸ جوسپار اياسىندا سوت ساراپتاماسى ورگاندارىنىڭ ماتەريالدىق-تەحنيكالىق بازاسىن جاڭارتۋعا رەسپۋبليكالىق بيۋدجەتتەن 10 ملرد تەڭگەدەن استام قارجى بٶلٸنگەن.
قارجىلىق مونيتورينگ اگەنتتٸگٸنٸڭ حابارلاۋىنشا, كٷدٸكتٸ ورتالىقتىڭ بۇرىنعى ديرەكتورى ساتىبالديەۆ ر.ك., مەملەكەتتٸك ساتىپ الۋ دەپارتامەنتٸنٸڭ باسشىسى يسكەندەروۆا د.ب. جەنە «مارك ينۆەست» جشس مەن «Direct Services» جشس باسشىسى شينتەميروۆا ا.ا.-مەن الدىن الا سٶز بايلاسىپ, ساتىپ الىناتىن جابدىقتاردىڭ باعاسىن ٷش ەسەگە دەيٸن نەگٸزسٸز كٶتەرٸپ, جالعان كوممەرتسييالىق ۇسىنىستاردى پايدالانۋ ارقىلى بيۋدجەت قاراجاتىن جىمقىرۋ سحەماسىن ۇيىمداستىرعان.
سوت ٷكٸمٸمەن ساتىبالديەۆ ر.ك., يسكەندەروۆا د.ب. جەنە شينتەميروۆا ا.ا. كٸنەلٸ دەپ تانىلىپ, ولاردىڭ مٷلكٸ تەركٸلەندٸ. سونداي-اق ەرقايسىسىنا 3 جىلدان 8 جىلعا دەيٸن باس بوستاندىعىنان ايىرۋ جازاسى تاعايىندالعان.
ٸستٸ ۇيىمداستىردى دەگەن كٷدٸكتٸ 2025 جىلعى ناۋرىزدا حالىقارالىق ٸزدەۋگە جارييالانىپ, سوتتىڭ سانكتسيياسىمەن سىرتتاي قاماۋعا الۋ تٷرٸندەگٸ بۇلتارتپاۋ شاراسى قولدانىلعان. بيىل ول ۆەتنام اۋماعىندا ۇستالدى.
قارجىلىق مونيتورينگ اگەنتتٸگٸ, ينتەرپولدىڭ ۇلتتىق ورتالىق بيۋروسى جەنە قازاقستاننىڭ سىرتقى ٸستەر مينيسترلٸگٸ جٷرگٸزگەن بٸرلەسكەن جۇمىستاردىڭ نەتيجەسٸندە كٷدٸكتٸ قازاقستانعا ەكستراديتسييالاندى.
قازٸرگٸ ۋاقىتتا قىلمىستىق ٸس سوتقا جولدانعان. قر قىلمىستىق-پروتسەستٸك كودەكسٸنٸڭ 201-بابىنا سەيكەس تەرگەۋگە قاتىستى ٶزگە مەلٸمەتتەر جارييا ەتٸلمەيدٸ.
ەسكە سالايىق, بۇعان دەيٸن قازاقستانعا World Business Consulting قارجى پيراميداسى ٸسٸ بويىنشا كٷدٸكتٸ دە ەكستراديتسييالانعان بولاتىن.
