اقمولا وبلىسىندا 77 جىلقىنى ۇرلادى دەگەن كٷدٸكپەن ەكەسٸ مەن بالاسى قاماۋعا الىندى. مال يەسٸنە كەلتٸرٸلگەن شىعىن 25 ميلليون تەڭگەدەن استى. قازٸر ۇرلانعان جىلقىلاردىڭ 40-تان استامى يەسٸنە قايتارىلدى, دەپ حابارلايدى ult.kz.
پوليتسيياعا جىلقىلاردىڭ جوعالعانى تۋرالى بيىل مامىر ايىندا ارىز تٷسكەن. مال ەرەيمەنتاۋ اۋدانىنداعى اۋىلداردىڭ بٸرٸنٸڭ ماڭىندا ەركٸن جايىلىمدا جٷرگەن.
تەرتٸپ ساقشىلارى بۇرىن وسىنداي قىلمىستار ٷشٸن سوتتالعان ادامداردى تەكسەرٸپ, ەت بازارلارى مەن ۇرلانعان مالدى ٶتكٸزۋٸ مٷمكٸن ورىنداردى زەردەلەگەن. نەتيجەسٸندە ستەپنوگورسك قالاسىنىڭ تۇرعىندارى — ەكەسٸ مەن بالاسى كٷدٸككە ٸلٸندٸ.
تەرگەۋ نۇسقاسى بويىنشا, كٷدٸكتٸلەر كٶكتەمدە جىلقىلاردى ەرەيمەنتاۋ اۋدانىنان ستەپنوگورسكٸگە ايداپ ەكەلٸپ, قالا سىرتىنداعى قاشالاردا ۇستاعان. كەيٸن مالدى بٸرتٸندەپ ساتقان.
قازٸر ەكٸ كٷدٸكتٸ دە ۇستالىپ, قاماۋعا الىنعان. تەرگەۋ جالعاسىپ جاتىر.
