Aqmola oblysynda 77 jylqyny urlady degen kúdikpen ákesi men balasy qamaýǵa alyndy. Mal iesine keltirilgen shyǵyn 25 million teńgeden asty. Qazir urlanǵan jylqylardyń 40-tan astamy iesine qaitaryldy, dep habarlaidy ult.kz.
Politsiiaǵa jylqylardyń joǵalǵany týraly biyl mamyr aiynda aryz túsken. Mal Ereimentaý aýdanyndaǵy aýyldardyń biriniń mańynda erkin jaiylymda júrgen.
Tártip saqshylary buryn osyndai qylmystar úshin sottalǵan adamdardy tekserip, et bazarlary men urlanǵan maldy ótkizýi múmkin oryndardy zerdelegen. Nátijesinde Stepnogorsk qalasynyń turǵyndary — ákesi men balasy kúdikke ilindi.
Tergeý nusqasy boiynsha, kúdiktiler kóktemde jylqylardy Ereimentaý aýdanynan Stepnogorskige aidap ákelip, qala syrtyndaǵy qashalarda ustaǵan. Keiin maldy birtindep satqan.
Qazir eki kúdikti de ustalyp, qamaýǵa alynǵan. Tergeý jalǵasyp jatyr.
