جالعىزباستى انا ەكٸ بالاسىن شىمكەنت قالاسى اباي اۋدانى ەكٸمدٸگٸنە تاستاپ كەتتٸ. تٸلشٸمٸزگە سۇحبات بەرگەن ەكٸم ورىنباسارى نۇرلان تٸلەش وقيعانىڭ مەن-جايىن تٷسٸندٸرٸپ بەردٸ, دەپ حابارلايدى Sputnik اگەنتتٸگٸ.
"بۇل وقيعا ٶتكەن اپتادا جۇما كٷنٸ بولعان. تٷسكٸ اسقا شىعىپ بارا جاتقانىمدا ول كەلٸنشەك تٶمەندە قابىلداۋدا وتىردى. قولىندا ەمٸزۋلٸ نەرەستەسٸ, قاسىندا تاعى ەكٸ كٸشكەنتاي بالاسى بولدى. 5-6 جاسار بالالار-اۋ دەيمٸن. جالپى, تٶرت بالا-شاعاسى بار ەكەن. مەن ودان نەعىپ تۇرسىز دەپ سۇراعانمىن. ول پەتەر جالداپ تۇراتىنىن جەنە وعان قارىز ەكەنٸن جەتكٸزدٸ", - دەيدٸ تٸلەش.
اباي اۋدانى ەكٸمٸ ورىنباسارىنىڭ ايتۋىنشا, كەلٸنشەك ەلەۋمەتتٸك كٶمەككە بالالاردىڭ قۇجاتتارىن ٶتكٸزگەنٸن ايتىپ, سونىڭ ەكٸنشٸ توقسانىن تەزٸرەك ٶتكٸزٸپ بەرۋٸن ٶتٸنگەن.
نۇرلان تٸلەشتٸڭ ٶزٸ كوممۋنالدىق مەسەلەلەرگە جاۋاپ بەرەدٸ. بٸراق ەلەۋمەتتٸك بٶلٸمگە ٶتكٸزٸپ, سول جەردەگٸ مامانداردان جالعىزباستى انانىڭ قۇجاتتارىن قاراپ شىعۋىن سۇراعان.
"ول كٸسٸدەن اتاۋلى ەلەۋمەتتٸك كٶمەك اياسىندا بالالاردىڭ 21 مىڭ تەڭگەسٸن الدىڭىز با دەپ سۇراپ ەدٸم, الدىم دەدٸ. بٸرٸنشٸ توقساندا بٸر رەت 150 مىڭ الدىم, بٸر رەت 170 مىڭ الدىم دەدٸ. دۇرىس, بوپتى دەدٸم. سودان كەلەسٸ توقساننىڭ اقشاسىن تەزٸرەك تٷسٸرٸپ بەرسەڭٸز دەپ سۇرادى. مەن قىزدارعا تاپسىردىم دا, تٷسكٸ اسقا كەتٸپ قالدىم", - دەپ اتاپ كٶرسەتتٸ تٸلەش.
ەكٸمنٸڭ ورىنباسارى ٷيدە وتىرعاندا ەلەۋمەتتٸك بٶلٸمنٸڭ قىزدارى قوڭىراۋ شالىپ, جالعىزباستى انانىڭ ەكٸ بالاسىن تاستاپ كەتٸپ قالعانىن جەتكٸزەدٸ. ماماندار "102-گە" حابار بەرگەن. ال نۇرلان تٸلەش جۇمىسقا بارعانشا پروكۋراتۋرا مەن ٸشكٸ ٸستەر ورگاندارىنىڭ قىزمەتكەرلەرٸ كەلٸپ, مەسەلەنٸڭ مەن-جايىن انىقتاۋعا كٸرٸسكەن.
"ساعات ەكٸ جارىمنىڭ كەزٸندە اناسى ٶزٸ كەلگەنٸن ايتتى. استىنا تٷسسەم, شىنىمەن دە, ول كٸسٸ كەلٸپتٸ. جاعدايىن سۇراسام, 30 مىڭ تەڭگەگە پەتەر جالدايمىن, جارتىسىن تٶلەپ, جارتىسىن تٶلەي الماي جاتىرمىن دەدٸ. بٸز ول مەسەلەنٸ شەشٸپ بەرەتٸنٸمٸزدٸ ايتتىم. باسقا مەسەلە بار ما دەسەم, ازىق-تٷلٸك جاعىنان جەردەم سۇرادى. وعان دا كەلٸستٸك. سٶيتٸپ تۇرعاندا ول ەيەل ٶزٸنەن-ٶزٸ كٶتەرٸلٸپ, ماعان اقشا دا, ازىق-تٷلٸك تە كەرەك ەمەس. ماعان ٷي كەرەك دەپ ايقايلاي باستادى", - دەدٸ تٸلەش.
وسى كەزدە ەكٸمدٸك قىزمەتكەرلەرٸ تۇرعىن-ٷي باسقارماسىنا بارىپ, كەزەككە تۇرۋعا كەڭەس بەرەدٸ. ال تەرگەۋشٸلەر تٷسٸنٸكتەمە جازىپ بەرۋدٸ تالاپ ەتكەن. وسى كەزدە جالعىزباستى انا ەكٸ بالاسىن الىپ, كەتٸپ قالعان.
