2030 جىلعا قاراي سۋ تاپشىلىعى 23,2 تەكشە شاقىرىمدى قۇراۋى مٷمكٸن. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ ايتتى, دەپ حابارلايدى قازاقپارات.
«2000 جىلدارى ورتاشا كٶپجىلدىق ٶزەن اعىنى 120 تەكشە شاقىرىم بولسا, قازٸرگٸ ۋاقىتتا ول شامامەن 102 تەكشە شاقىرىمدى قۇرايدى. 2030 جىلعا قاراي ٶزەن اعىنىنىڭ ودان ەرٸ 99,4 تەكشە شاقىرىمعا دەيٸن قىسقارۋى بولجانۋدا. سۋ رەسۋرستارىنىڭ قىسقارۋى جەنە حالىقتىڭ, ەكونوميكانىڭ جەنە ەكولوگييانىڭ قاجەتتٸلٸكتەرٸنە سۋ تارتۋ ٶسكەن جاعدايدا قازاقستاندا سۋ رەسۋرستارىنىڭ تاپشىلىعى 2030 جىلعا قاراي 23,2 تەكشە شاقىرىمدى قۇراۋى مٷمكٸن», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, بۇعان بٸرقاتار فاكتور ەسەر ەتەدٸ.
بەرٸنەن بۇرىن كليماتتىڭ ٶزگەرۋٸ, سۋ رەسۋرستارىنىڭ رەسپۋبليكانىڭ اۋماعى بويىنشا بٸركەلكٸ بٶلٸنبەۋٸ جەنە سوعان بايلانىستى سۋ رەسۋرستارىنا جٷكتەمە بولىپ تۇر.
«سۋ رەسۋرستارىنا قاتىستى جاعداي ايماقتاردا ايتارلىقتاي ٶزگەرۋٸمەن كٷردەلەنە تٷسەدٸ. ەلدٸڭ شىعىس ايماعى سۋ رەسۋرستارىمەن بارىنشا قامتاماسىز ەتٸلگەن. ورتالىق قازاقستان ەڭ از قامتاماسىز ەتٸلگەن. كٶرشٸلەس ەلدەرگە ەڭ تەۋەلدٸ وڭتٷستٸك جەنە باتىس ايماقتار. بولجامدالعان سۋ تاپشىلىعى وڭتٷستٸك جەنە باتىس ايماقتارعا دا كٶبٸرەك ەسەر ەتەدٸ. بۇدان باسقا, سۋ سالاسىنىڭ اعىمداعى جاي-كٷيٸنٸڭ ەڭ ٶزەكتٸ پروبلەمالارى ەسكٸرگەن ينفراقۇرىلىم جەنە سونىمەن بايلانىستى ٷلكەن شىعىندار, ساپالى سۋدىڭ تاپشىلىعى, تاريف بەلگٸلەۋدٸڭ ەلسٸز تەتٸگٸ, ٸرگەلەس مەملەكەتتەرمەن سۋ بٶلۋ مەسەلەلەرٸ, سۋ رەسۋرستارىن باسقارۋ كەزٸندە قابىلداناتىن شەشٸمدەردٸ ەلسٸز عىلىمي سٷيەمەلدەۋ جەنە بٸلٸكتٸ كادرلاردىڭ جەتٸسپەۋشٸلٸگٸ بولىپ قالۋدا», - دەدٸ سەرٸكقالي برەكەشەۆ.
