2021 جىلدىڭ 10 ايىندا مۇناي-گاز-حيمييا ٶنٸمدەرٸنٸڭ ٶندٸرٸس كٶلەمٸ 147 مىڭ توننانى قۇرادى. بۇل تۋرالى ٷكٸمەت وتىرىسىندا قر ەنەرگەتيكا مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«2021 جىلى مۇناي-گاز-حيمييا ٶنٸمدەرٸن ٶندٸرۋ بويىنشا 2 جوبا پايدالانۋعا بەرٸلدٸ. ولار: قۋاتى جىلىنا 57 مىڭ توننا بولاتىن بەنزينگە ارنالعان وكتان كٶتەرەتٸن قوسپا شىعاراتىن زاۋىت; قۋاتى 57 ملن تەكشە مەتر ازوت جەنە 34 ملن تەكشە مەتر قۇرعاق سىعىلعان اۋا ٶندٸرەتٸن تەحنيكالىق گاز شىعارۋ زاۋىتى. 2022 جىلى قۋاتى جىلىنا 500 مىڭ توننا پوليپروپيلەن ٶندٸرەتٸن زاۋىتتى پايدالانۋعا بەرۋ جوسپارلانعان. بٷگٸنگٸ تاڭدا قۇرىلىس-مونتاجداۋ جۇمىستارى جٷرگٸزٸلۋدە. جوبانى ٸسكە اسىرۋدىڭ جالپى پروگرەسٸ 96 پايىزدى قۇرايدى», - دەدٸ ٶڭدەۋ ٶنەركەسٸبٸن دامىتۋ تۋرالى بايانداعان مينيستر.
ونىڭ اتاپ ٶتۋٸنشە, مۇنان بٶلەك, 2025 جىلعا دەيٸن ەكٸ زاۋىتتىڭ قۇرىلىسىن اياقتاۋ جوسپارلانۋدا. اتاپ ايتقاندا اتىراۋ وبلىسىندا قۋاتى جىلىنا 430 مىڭ توننا پوليەتيلەنتەرەفتالات ٶندٸرەتٸن زاۋىت پەن باتىس قازاقستان وبلىسىندا قۋاتى جىلىنا 130 مىڭ توننا مەتانول ٶندٸرۋ زاۋىتى پايدالانۋعا بەرٸلەدٸ.
«جوعارىدا كٶرسەتٸلگەن جوبالاردى ٸسكە اسىرۋ 2025 جىلعا قاراي شىعارىلاتىن مۇناي-گاز-حيمييا ٶنٸمٸنٸڭ كٶلەمٸن 2 ملن تونناعا دەيٸن ۇلعايتۋعا مٷمكٸندٸك بەرەدٸ. ال تارتىلعان ينۆەستيتسييالار سوماسى 1,2 ترلن تەڭگەنٸ قۇرايتىن بولادى», - دەدٸ ماعزۇم مىرزاعاليەۆ.
