قر پرەمەر-مينيسترٸ اسقار مامين ٷكٸمەت وتىرىسىندا مٷمكٸندٸگٸ شەكتەۋلٸ جانداردى ەلەۋمەتتٸك قورعاۋ جٶنٸندە تاپسىرمالار بەردٸ, دەپ حابارلايدى قازاقپارات.
«تۇڭعىش پرەزيدەنت قورىنىڭ باستاماسىمەن سالىنىپ جاتقان 8 بالالاردى وڭالتۋ ورتالىعىن بيىلعى جىل سوڭىنا دەيٸن اشۋ جوسپارلانعان. 3 ورتالىقتى مەملەكەتتٸك-جەكەشەلٸك ەرٸپتەستٸك اياسىندا اشۋ بويىنشا جۇمىس جٷرگٸزٸلٸپ جاتىر. بۇل مٷگەدەكتەردٸ مەديتسينالىق وڭالتۋمەن قامتۋ ٷلەسٸن بيىل 60% دەيٸن, كەلەسٸ جىلى 75% دەيٸن ارتتىرۋعا مٷمكٸندٸك بەرەدٸ. جالپى, مٷمكٸندٸكتەرٸ شەكتەۋلٸ ادامداردى قولداۋ بويىنشا شارالار كەشەنٸن ٸسكە اسىرۋدى جالعاستىرۋىمىز كەرەك», - دەدٸ پرەمەر-مينيستر.
ا. مامين ەڭبەك جەنە ەلەۋمەتتٸك قورعاۋ مينيسترلٸگٸنە كەلەسٸ جىلى مۇقتاج ادامداردى تەحنيكالىق وڭالتۋ قۇرالدارىمەن قامتۋدى 80 پايىزعا جەنە 2025 جىلى 100 پايىزعا دەيٸن ۇلعايتۋدى تاپسىردى.
«ەكٸنشٸ, 2021 جىلدان باستاپ ەلەۋمەتتٸك قىزمەتتەر پورتالى تولىق ٸسكە قوسىلاتىن بولادى. وسى رەتتە, ەكٸمدٸكتەر مٷگەدەكتٸگٸ بار ادامداردى پورتال ارقىلى وڭالتۋ قۇرالدارىن الۋ داعدىلارىنا بەلسەندٸ تٷردە وقىتۋى قاجەت.
تسيفرلىق دامۋ مينيسترلٸگٸمەن بٸرلەسٸپ, جۇمىسپەن قامتۋ ورتالىقتارى مەن حالىققا قىزمەت كٶرسەتۋ ورتالىقتارىندا مٷگەدەكتٸگٸ بار ادامدار ٷشٸن ٶزٸنە-ٶزٸ قىزمەت كٶرسەتۋ الاڭدارىن كٶبەيتسٸن. ٷشٸنشٸ, دەنساۋلىق ساقتاۋ مينيسترلٸگٸ ەكٸمدٸكتەرمەن بٸرلەسٸپ, مٷگەدەكتٸكتٸڭ الدىن الۋ ٷشٸن سىرقاتتارعا دياگنوستيكانى ەرتە جٷرگٸزۋگە كٶڭٸل بٶلٸپ, مٷگەدەكتٸگٸ بار ادامدارعا وڭالتۋ كٶمەگٸن كٷشەيتسٸن, سالىنىپ جاتقان بارلىق وڭالتۋ ورتالىقتارىن ۋاقىتىلى پايدالانۋعا بەرۋدٸ قامتاماسىز ەتسٸن», - دەيدٸ ا. مامين.
تٶرتٸنشٸدەن, بٸلٸم مينيسترلٸگٸ ەكٸمدٸكتەرمەن بٸرلەسٸپ, كەلەسٸ جىلى بالالاردى ينكليۋزيۆتٸ بٸلٸم بەرۋمەن قامتۋدى 50 پايىزعا دەيٸن كەڭەيتۋٸ كەرەك. بٸلٸم بەرۋ باعدارلامالارىنىڭ مازمۇنىن جەنە پەداگوگتاردى دايارلاۋدى ينكليۋزيۆتٸ بٸلٸم بەرۋدٸڭ ەنگٸزٸلۋٸن ەسكەرٸپ جاڭارتۋ قاجەت.
تٷزەۋ كابينەتتەرٸ جەلٸسٸ مەن پسيحولوگييالىق-مەديتسينالىق جەنە پەداگوگيكالىق كوميسسييالاردىڭ قىزمەتٸن كەڭەيتۋ شارالارى قابىلدانۋى قاجەت.
«بەسٸنشٸ, يندۋسترييا مينيسترلٸگٸ مەملەكەتتٸك ورگاندارمەن جەنە ەكٸمدٸكتەرمەن بٸرلەسٸپ, مٷگەدەكتٸگٸ بار ادامدار ٷشٸن كەدەرگٸسٸز ورتا جاساۋ جۇمىسىن جالعاستىرسىن جەنە وبەكتٸلەردٸڭ ەسٸرەسە, كٶلٸكتە قولجەتٸمدٸلٸگٸن باقىلاۋدى كٷشەيتسٸن. مٷمكٸندٸگٸ شەكتەۋلٸ ادامدارعا قىزمەت كٶرسەتۋ تالاپتارىنا سەيكەس ۆوكزالداردى جاڭارتۋدى اياقتاۋ قاجەت. قوعامدىق اۆتوبۋس پاركتەرٸن بەلگٸلەنگەن تالاپتارعا سەيكەس كەلتٸرۋ بويىنشا تٷبەگەيلٸ شارالار قابىلداۋ قاجەت, بۇل ەسٸرەسە جۇمىس قارقىنى باياۋ ٶڭٸرلەرگە قاتىستى. جىل اياعىنا دەيٸن مٷمكٸندٸگٸ شەكتەۋلٸ ادامدارعا كەدەرگٸسٸز ورتانى 100 پايىز قامتاماسىز ەتۋ بويىنشا جول كارتاسىن ەزٸرلەسٸن», - دەپ تاپسىرما بەردٸ اسقار مامين.
