2025 جىلعا قاراي 418 يندۋسترييالىق جوبا ٸسكە اسىرىلادى. بۇل تۋرالى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا قر ۇلتتىق ەكونوميكا مينيسترٸ ەسەت ەرعاليەۆ ايتتى, دەپ حابارلايدى قازاقپارات تٸلشٸسٸ.
ونىڭ اتاپ ٶتۋٸنشە, «قازاقستاندىقتاردىڭ ەل-اۋقاتىن ارتتىرۋعا باعىتتالعان ورنىقتى ەكونوميكالىق ٶسۋ» ۇلتتىق جوباسى 5 باعىتتى قامتيدى. بۇل - يندۋسترييالىق-يننوۆاتسييالىق دامۋ, مۇناي-گاز-حيمييا جەنە ەنەرگەتيكا كەشەندەرٸن, گەولوگييا سالاسىن دامىتۋ, سونداي-اق شيكٸزاتتىق ەمەس ەكسپورتتى ٸلگەرٸلەتۋ. وسى باعىتتاردى ٸسكە اسىرۋ اياسىندا 6 مٸندەت, 13 كٶرسەتكٸش جەنە 56 ٸس-شارا كٶزدەلگەن. ۇلتتىق جوبانى قارجىلاندىرۋدىڭ جالپى كٶلەمٸ 15,9 ترلن, ونىڭ ٸشٸندە رەسپۋبليكالىق بيۋدجەتتەن 402 ملرد تەڭگە قاراستىرىلعان. 15,5 ترلن تەڭگە جەكە ينۆەستيتسييالار تارتۋ كٶزدەلٸپ وتىر. ۇلتتىق جوبانىڭ «يندۋسترييالىق-يننوۆاتسييالىق دامۋ» باعىتى اياسىندا ەكٸ نەگٸزگٸ مٸندەت ايقىندالدى: ٶڭدەۋشٸ ٶنەركەسٸپ كەسٸپورىندارىن تەحنولوگييالىق جاڭعىرتۋ, سونداي-اق ٶندٸرٸس كٶلەمٸن ۇلعايتۋ, سونداي-اق ٶڭدەۋ ٶنەركەسٸبٸ تاۋارلارىنىڭ نومەنكلاتۋراسىن كەڭەيتۋ.
«بٸرٸنشٸ مٸندەتتٸ شەشۋ ٷشٸن كەسٸپورىنداردىڭ جاڭا تەحنولوگييالاردى ساتىپ الۋعا جەنە ەنگٸزۋگە, جابدىقتاردى مونتاجداۋعا جەنە ٸسكە قوسۋ-جٶندەۋ جۇمىستارىنا, سونداي-اق بٸلٸكتٸلٸكتٸ ارتتىرۋعا, تەحنولوگييالىق جابدىقتاردى ساتىپ الۋعا جەنە كرەديت بەرۋ, ونىڭ ٸشٸندە ليزينگ شارتتارىن جاقسارتۋعا جۇمسالعان شىعىندارىن ٶتەۋگە باعىتتالعان كەشەندٸ ٸس-شارالاردى ٸسكە اسىرۋ كٶزدەلەدٸ», - دەدٸ ول.
ونىڭ اتاپ ٶتۋٸنشە, 2025 جىلعا دەيٸن ٶڭدەۋشٸ ٶنەركەسٸپتەگٸ تسيفرلىق تەحنولوگييالاردى پايدالاناتىن كەسٸپورىنداردىڭ ٷلەسٸن 7-دەن 23 پايىزعا دەيٸن ارتتىرۋ جوسپارلانعان.
«2025 جىلعا قاراي 418 يندۋسترييالىق جوبا ٸسكە اسىرىلىپ, نەگٸزگٸ كاپيتالعا 11 ترلن تەڭگەدەن اسا ينۆەستيتسييا تارتىلادى. نەتيجەسٸندە ٶڭدەۋ ٶنەركەسٸبٸ ٶندٸرٸسٸنٸڭ كٶلەمٸ 2020 جىلدىڭ دەڭگەيٸنە 1,5 ەسەگە ارتادى», - دەدٸ ەسەت ەرعاليەۆ.
