2025 جىلعا دەيٸن بەسەكەلەستٸكتٸ دامىتۋ جٶنٸندەگٸ ۇلتتىق جوبادا مەملەكەتتٸڭ قاتىسى بار بارلىق اۆتوبۋس پاركتەرٸ جەكەشەلەندٸرٸلەدٸ. بۇل تۋرالى بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين ايتتى, دەپ حابارلايدى قازاقپارات.
«مۇندا قولجەتٸمدٸ بولۋ جاعدايى ٶتە ماڭىزدى. كونكۋرس ٶتكٸزۋ كەزٸندە جولاۋشىلار مەن جٷكتٸ اۆتوموبيل كٶلٸگٸمەن تاسىمالداۋ ەرەجەلەرٸ تۋرالى بالدىق باعالاۋ شكالاسى بار – بۇل مەملەكەتتٸك اۆتوپاركتەرگە ارتىقشىلىق بەرەتٸن كونكۋرستىق ۇسىنىس. مەرزٸمٸ نەعۇرلىم تٶمەن بولسا, سوعۇرلىم كٶپ ۇپاي بەرٸلەدٸ. ەرينە, جاڭارتۋدى ەسكەرسەك, مەملەكەتتٸك اۆتوپاركتەردٸڭ ارتىقشىلىعى بار», - دەدٸ س. جۇمانعارين «Kazinform» الاڭىندا «قوعامدىق كٶلٸكپەن جولاۋشىلار تاسىمالداۋداعى بەسەكەلەستٸك» اتتى جيىندا.
ٶندٸرٸستٸك, تەحنيكالىق بازانىڭ بولۋى جٶنٸندە سپيكەر جولاۋشىلاردى تاسىمالداۋ جاعدايىن جاقسارتاتىن قوسىمشا جاعدايلاردىڭ ٶتە ماڭىزدى ەكەنٸن جەتكٸزدٸ.
«وتاندىق ٶندٸرٸستەن شىققان ميكرواۆتوبۋستار بولسا – ەربٸر داناسى ٷشٸن 5 بالل, جەكە مەنشٸكتەگٸ ميكرواۆتوبۋستار بولسا – ەرقايسىسىنا 5 بالل. ليزينگ ٷشٸن – ەر داناسىنا 1 بالل. بۇل كەلٸسٸم كەم دەگەندە ٷش جىلعا جاسالادى. پارك جاڭارتىلعان جاعدايدا 10 جىلعا دەيٸن ۇزارتىلادى. جاعدايدىڭ تٷزەلٸپ كەلە جاتقانى تٷسٸنٸكتٸ. مەملەكەتتٸڭ تاسىمالداۋ ەكونوميكاسىنا قاتىسۋى جىلدان-جىلعا ارتىپ كەلەدٸ», - دەدٸ اگەنتتٸك تٶراعاسى.
ونىڭ ايتۋىنشا, بەسەكەلەستٸكتٸ قورعاۋ جەنە دامىتۋ اگەنتتٸگٸ «Open Space» جەنە «كەدەرگٸ بويىنشا كەڭەستەر» اتتى اشىق الاڭدار قۇرعان. كەدەرگٸلەر جٶنٸندەگٸ كەڭەستەردە بۇل مەسەلەلەرگە ەرەكشە نازار اۋدارىلادى.
«تاسىمالداۋ مارشرۋتىنا قىزمەت كٶرسەتۋ قۇقىعىنا كونكۋرس ٶتكٸزۋ مەرزٸمدەرٸ رەگلامەنتتەلمەگەن. ەگەر بٸرەۋ مارشرۋتتان باس تارتسا, كەتٸپ قالسا, ەرينە, كونكۋرس ٶتكٸزۋ مەرزٸمدەرٸن بەلگٸلەۋ قاجەت. كونكۋرس كٶبٸنەسە تيٸمدٸ جەنە تيٸمسٸز مارشرۋتتار قوسىلعان بٸرنەشە مارشرۋتتاردان تۇراتىن بٸر لوتقا ٶتكٸزٸلەدٸ. ەرەجەگە سەيكەس, تيٸمدٸ مارشرۋت تيٸمسٸزبەن بٸرٸكسە دە, ولار ەلەۋمەتتٸك ماڭىزدى بولۋى كەرەك. تاعى بٸر مەسەلە – بٸرقاتار ٶڭٸرلەردە سۋبسيدييالاردىڭ بولماۋى. بۇعان دەيٸن ايتقانىمداي, نە بيۋدجەتتٸك ٶتٸنٸمدەردٸ ساپالى دايىنداۋ كەرەك نەمەسە تاسىمالداۋعا ەدٸلەتتٸ بولاتىن تاريف بەرۋ قاجەت. بەكٸتٸلگەن تاريفكە بايلانىستى بيزنەس شىعىنعا ۇشىراپ وتىر. كٶپتەگەن ادامدار كەيبٸر قاشىقتىقتا جولاۋشىلار اعىنى تٶمەندەگەنٸن, سول ٷشٸن ققس الىپ تاستاۋدى, اۆتوبۋس ساتىپ الۋ كەزٸندەگٸ ۋتيليزاتسييا اقىسىن الىپ تاستاۋ كەرەگٸن ايتىپ جٷر. ينفراقۇرىلىمنىڭ بولماۋى: جانارماي قۇيۋ, گاز, ەلەكترلٸك قۋاتتاۋ, اۆتوبۋس تۇراعى, اۆتوبۋستىڭ كٸرۋٸنە ارنالعان ارنايى ورىنداردىڭ بولماۋى دا – ماڭىزدى مەسەلە. ەڭ باستىسى – مەملەكەت قاتىساتىن اۆتوبۋستاردىڭ ٷلەسٸ جوعارى بولىپ وتىر. بٸز وسى باعىتتا جۇمىس جٷرگٸزەمٸز جەنە 2025 جىلعا دەيٸن بەسەكەلەستٸكتٸ دامىتۋ جٶنٸندەگٸ ۇلتتىق جوبادا مەملەكەت قاتىساتىن بارلىق اۆتوبۋس پاركتەرٸ جەكەشەلەندٸرٸلەدٸ دەپ جوسپارلاپ وتىرمىز. تيٸسٸنشە, مەملەكەتتٸك جەنە كۆازيمەملەكەتتٸك پاركتەرگە ارنالعان قىزمەت تٷرٸ بولمايدى. ەرينە, بۇل بەسەكەلەستٸكتٸ دامىتۋ دەرەجەسٸن ەسكەرە وتىرىپ جاسالادى. بەسەكەلەستٸك ەلٸ دامىماعان اۋداندىق نەمەسە اۋىلدىق دەڭگەيدە ەلٸ جٷرگٸزٸلمەۋٸ مٷمكٸن», - دەيدٸ جۇمانعارين.
