كەزدەسۋ بارىسىندا قازاقستاننىڭ قۇرىلىس جەنە تۇرعىن ٷي سالاسىن دامىتۋ پەرسپەكتيۆالارى قاراستىرىلدى. يندۋسترييا جەنە ينفراقۇرىلىمدىق دامۋ مينيسترلٸگٸنٸڭ الدىن الا بولجامى بويىنشا, 2022-2025 جىلدار ارالىعىندا قازاقستاندا 62 ميلليون شارشى مەتر تۇرعىن ٷي سالىنادى دەپ كٷتٸلەدٸ.
سونىمەن قاتار, 5 201 مەملەكەتتٸك نىساننىڭ قۇرىلىسى جٷرگٸزٸلٸپ جاتىر, ونىڭ 2 137-سٸ مەملەكەت قاراجاتى ەسەبٸنەن سالىنادى. قازٸرگٸ كەزدە 286 نىساننىڭ قۇرىلىسى توقتاتىلدى. 84 نىساندا جۇمىستاردىڭ توقتاۋىنا باعانىڭ قىمباتتاۋى سەبەپ بولسا, 202 قۇرىلىس باسقا دا سەبەپتەر بويىنشا (اۋا رايىنا, ماۋسىمدىق شەكتەۋلەر جەنە ت.ب. بايلانىستى) توقتاتىلدى.
قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆتىڭ ايتۋىنشا, ەربٸر نىسان بويىنشا جاعداي ساراپتالىپ, جۇمىستاردى قايتا باستاۋ مٷمكٸندٸگٸ قاراستىرىلىپ جاتىر.
قر پرەمەر-مينيسترٸ نىسانداردى سالۋعا ٶتكٸزٸلەتٸن مەملەكەتتٸك كونكۋرستاردىڭ جوسىقسىز ۇيىمداستىرۋشىلارىن جاۋاپقا تارتۋ بويىنشا شارالار قابىلداۋدى تاپسىردى.
"بيۋدجەتتٸك قارجىلاندىرۋسىز قۇرىلىستارعا كونكۋرستار جارييالانادى. بۇل - زاڭ تەرتٸبٸن بۇزۋ. كٸنەلٸ تۇلعالاردى تيٸستٸ جاۋاپقا تارتۋدى قاراستىرۋ قاجەت", - دەدٸ ەليحان سمايىلوۆ.
سونداي-اق مەملەكەتتٸك قۇرىلىسقا جۇمسالاتىن شىعىنداردى ازايتۋ ماقساتىندا پرەمەر-مينيستر يندۋسترييا جەنە ينفراقۇرىلىمدىق دامۋ مينيسترلٸگٸنە مٷددەلٸ مەملەكەتتٸك ورگاندارمەن جەنە ۇيىمدارمەن بٸرلەسٸپ, جوبالاۋ-سمەتالىق قۇجاتتاما قۇنىنا باعا بەلگٸلەنۋٸنە تالداۋ جٷرگٸزۋدٸ تاپسىردى.
