2025 جىلعا دەيٸن ەلٸمٸزدە 103 ملن شارشى مەتر باسپانا سالىنادى. بۇل تۋرالى بٷگٸن ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«قۇرىلىس ماتەريالدارى ٶندٸرٸسٸندە ناقتى كٶلەم يندەكسٸ 106 پايىز دەڭگەيٸندە جوسپارلانعان. بيىل سالاداعى ٶسٸم تەمٸر-بەتون بۇيىمدارى ٶندٸرٸسٸنٸڭ 16, كٸرپٸشتەر 15, تسەمەنت 11, قۇرىلىس ەرٸتٸندٸلەرٸ 13, جىلۋ وقشاۋلاعىش ماتەريالدار 12,5, گيپسوكارتون 11 پايىز ارتۋى ەسەبٸنەن قامتاماسىز ەتٸلەدٸ», - دەدٸ ٶڭدەۋ ٶنەركەسٸبٸن دامىتۋ جايىندا بايانداعان مينيستر.
وسى رەتتە بەيبٸت اتامقۇلوۆ مەملەكەت باسشىسى وسى جىلدىڭ قاڭتار ايىندا ٷكٸمەتتٸڭ كەڭەيتٸلگەن وتىرىسىندا تۇرعىن ٷي قۇرىلىسىندا جەرگٸلٸكتٸ قامتۋ ٷلەسٸن ارتتىرۋدى تاپسىرعانىن اتاپ ٶتتٸ.
«2025 جىلعا دەيٸن ەلٸمٸزدە 103 ملن شارشى مەتر باسپانا سالىنادى. بۇل بيزنەس ٷشٸن قۇرىلىس ماتەريالدارىنىڭ وتاندىق نارىعىن دامىتۋعا قوسىمشا مٷمكٸندٸك بەرەدٸ. سالاداعى قاجەتتٸلٸكتٸ انىقتاۋ ماقساتىندا نەگٸزگٸ 24 پوزيتسييا بويىنشا قۇرىلىس ماتەريالدارى نارىعىنا تالداۋ جٷرگٸزدٸك. بٷگٸنگٸ تاڭدا وتاندىق ٶندٸرۋشٸلەر 10 تاۋار پوزيتسيياسى بويىنشا ٸشكٸ نارىقتىڭ قاجەتتٸلٸگٸن تولىعىمەن قامتاماسىز ەتەدٸ», - دەدٸ ول.
ونىڭ اتاپ ٶتۋٸنشە, 11 پوزيتسييا بويىنشا جۇمىس ٸستەپ تۇرعان كەسٸپورىندار شامامەن 50 پايىزدى قامتاماسىز ەتٸپ وتىر. ال لينولەۋم, تٷسقاعاز, سانفايانس سيياقتى 3 پوزيتسييا بويىنشا قازٸرگٸ ۋاقىتتا ٸشكٸ نارىقتا ٶندٸرٸس جوق.
«ٸشكٸ نارىقتى وتاندىق قۇرىلىس ماتەريالدارىمەن تولىق قامتۋ ماقساتىندا بٸز قازٸر شەت ەلدەردٸڭ ترانسۇلتتىق كومپانييالارمەن قازاقستان اۋماعىندا يمپورت الماستىراتىن ٶندٸرٸس اشۋ مەسەلەسٸن پىسىقتاپ جاتىرمىز. ۇلتتىق كەسٸپكەرلەر پالاتاسىمەن جەنە «سامۇرىق-قازىنا قورىمەن» بٸرلەسٸپ, قۇرىلىس يندۋستريياسىن دامىتۋدىڭ 2025 جىلعا دەيٸنگٸ جول كارتاسىن ەزٸرلەدٸك. وندا سالانى قولداۋدىڭ بارلىق تەتٸكتەرٸ قاراستىرىلعان», - دەدٸ بەيبٸت اتامقۇلوۆ.
