2025 جىلعا دەيٸن ەلٸمٸزدە 11 مىڭ شاقىرىم جول اقىلى بولادى. بۇل تۋرالى بٷگٸن «قازاۆتوجول» ۇك» اق باسقارما تٶراعاسى ۇلان ەلٸپوۆ ايتتى, دەپ حابارلايدى قازاقپارات.
«قازٸرگٸ ۋاقىتتا بٸزدە 680 شاقىرىم اقىلى جولدار بار. ولار نۇر-سۇلتان-ششۋچە, نۇر-سۇلتان-تەمٸرتاۋ, الماتى-قاپشاعاي, الماتى-قورعاس جولدارى. ٶتكەن جىلى بٸز ينۆەستيتسييالىق بايقاۋ ٶتكٸزدٸك. ونى تايۆاندارمەن بٸرگە «Computer vision technologies» كومپانيياسى جەڭٸپ الدى. ولار 2020 جىلدان 2025 جىلعا دەيٸن 11 مىڭ شاقىرىم جولدا اقى الۋ جٷيەسٸن ەنگٸزەدٸ. بۇل جولدار قازٸرگٸدەي گيبريدتٸ ەمەس, اشىق بولادى. كامەرالار قانشا ماشينا ٶتكەنٸن, قانشا شاقىرىم جٷرگەنٸن تٷسٸرٸپ الىپ, حابارلاما جٸبەرەدٸ. جوسپارلى قۇنى جەڭٸل كٶلٸكتەرگە 1 شاقىرىم ٷشٸن 1 تەڭگە, جٷك كٶلٸكتەرٸنە 15 تەڭگە», - دەدٸ ول سىبايلاس جەمقورلىققا قارسى قىزمەت الاڭىندا ٶتكەن سەلەكتورلىق كەڭەستە.
سونىمەن قاتار ول جول سالۋ سالاسىنداعى جەمقورلىقتى جويۋعا باعىتتالعان جۇمىستار تۋرالى دا ايتىپ بەردٸ.
«مەردٸگەر 1 ايدىڭ ٸشٸندە ورىنداۋى تيٸس جۇمىس كٶلەمٸ بار. ەگەر ول بەلگٸلەنگەن مەرزٸمدە جۇمىستى ٸستەمەسە, وندا وعان ايىپپۇل ەسەپتەلٸنەدٸ. وسى ورايدا جەمقورلىق تەۋەكەلٸ تۋىندايدى. ياعني, ول ايىپپۇل تٶلەۋدەن جالتارۋ ٷشٸن ورىندالماعان جۇمىستارعا تولىق كٶلەمدە قول قويدىرۋعا تىرىسادى. سوندىقتان ايىپپۇلدى الىپ تاستاپ وتىرمىز. العاشقى ايىندا كٶلەمنڭ ورىندالماعانى تۋرالى ەسكەرتپە بەرەمٸز. ەكٸنشٸ ايىندا دا ەسكەرتەمٸز. ەگەر ول ٷشٸنشٸ ايدا دا جوسپاردى ورىنداماسا, دەمەك ول ورىنداي المايدى دەگەن سٶز. سەبەبٸ ماۋسىم دا, ۋاقىت تا قىسقا. ودان ارى سوزۋدىڭ ەش مەنٸ جوق. سوندىقتان ٷشٸنشٸ ايدا بٸز وعان ايىپپۇل سالىپ, كەلٸسٸمشارتتى بۇزامىز. بۇل مەرزٸمگە عانا ەمەس, سونىمەن بٸرگە ساپاعا دا قاتىستى», - دەدٸ ۇلان ەلٸپوۆ.
