قازاقستان ۆەلوسيپەد سپورت فەدەراتسيياسى ماۋسىم قورىتىندىسىن جاساپ, جىلدىڭ باستى جەتٸستٸكتەرٸن, جٷزەگە اسقان جوبالاردى جەنە 2026 جىلعا جوسپارلانعان دامۋ باعىتتارىن تانىستىردى. سالتاناتتى ٸس-شارا سپورتشىلاردى, جاتتىقتىرۋشىلاردى, مەملەكەتتٸك ورگاندار مەن فەدەراتسييا سەرٸكتەستەرٸن بٸرٸكتٸردٸ.
2025 جىلى فەدەراتسييا ايتارلىقتاي اۋقىمدى جۇمىس اتقارىپ, ەل ٸشٸندە دە, حالىقارالىق ارەنادا دا جوعارى نەتيجەلەر كٶرسەتتٸ. قازاقستاندىق ۆەلوسپورتشىلار ٸرٸ حالىقارالىق جارىستاردا بارلىعى 36 مەدال جەڭٸپ الدى: 14 التىن, 12 كٷمٸس جەنە 10 قولا. مالايزييا مەن تايلاندتا ٶتكەن ازييا چەمپيوناتتارىندا ترەك, شوسسە جەنە پارا-ۆەلوسپورت باعىتىنداعى ۇلتتىق قۇرامالار بٸرنەشە مەرتە جٷلدەگەرلەر قاتارىنان كٶرٸنٸپ, قازاقستاننىڭ ايماقتاعى پوزيتسيياسىن نىعايتتى.
جارقىن جەتٸستٸكتەردٸڭ بٸرٸ – باحرەيندە ٶتكەن جاسٶسپٸرٸمدەر اراسىنداعى III ازييا ويىندارى. قازاقستاننىڭ جاس سپورتشىلارى بۇل جارىستا 2 التىن جەنە 1 كٷمٸس مەدال ەنشٸلەدٸ.
قازاقستان ۆەلوسيپەد سپورتى فەدەراتسيياسىنىڭ پرەزيدەنتٸ, «اتامەكەن» قر ۇكپ تٶرالقا تٶراعاسى رايىمبەك باتالوۆ 2025 جىلدى سوڭعى ۋاقىتتارداعى ەڭ تابىستى ماۋسىمداردىڭ بٸرٸ بولعانىن اتاپ ٶتتٸ.
«بۇل جەتٸستٸكتەر قازاقستاندا بولاشاق چەمپيونداردىڭ مىقتى بۋىنى قالىپتاسىپ كەلە جاتقانىن دەلەلدەيدٸ.
ماۋنتينبايك, ترەك جەنە شوسسە باعىتتارىندا جىل بويى ەلٸمٸزدٸڭ ەر ٶڭٸرٸندە 20 ۇلتتىق چەمپيونات پەن كۋبوك جارىستارى ٶتتٸ. شىمكەنت, قوستاناي, تاراز, سەمەي, استانا جەنە قوناەۆ قالالارىندا ٶتكەن جارىستار ٸشكٸ كٷنتٸزبەنٸڭ گەوگرافيياسىن كەڭەيتٸپ, قاتىسۋشىلار سانىن ەدەۋٸر ارتتىردى. بۇل — قازاقستاندىق ۆەلوسپورت تاريحىنداعى ەڭ قارقىندى جەنە مازمۇندى ماۋسىمداردىڭ بٸرٸ. سپورتشىلارىمىز حالىقارالىق ارەنادا دا جارقىن ەرٸ سەنٸمدٸ نەتيجەلەر كٶرسەتتٸ», - دەدٸ رايتبەك باتالوۆ.
فەدەراتسييا بيىل دا اۋىلدىق جەرلەردەگٸ سپورت مەكتەپتەرٸن قولداۋ باعدارلاماسىن جالعاستىردى. وعان سەيكەس ونداعان بالالار مەن جاسٶسپٸرٸمدەر سپورت مەكەمەلەرٸ جاڭا ۆەلوسيپەد بٶلشەكتەرٸمەن, سپورتتىق فورمامەن جەنە وقۋ-جاتتىعۋ پروتسەسٸنە قاجەتتٸ تەحنيكالىق جابدىقتارمەن تولىقتى. بۇل باستاما اۋىل بالالارىنا ۆەلوسپورتقا تەڭ قولجەتٸمدٸلٸك بەرٸپ, جاڭا تالانتتاردى انىقتاۋعا جەنە ەلدٸڭ سپورتتىق ينفراقۇرىلىمىن نىعايتۋعا سەرپٸن بەردٸ.
اتقارىلعان جۇمىسقا تۋريزم جەنە سپورت ۆيتسە-مينيسترٸ سەرٸك جاراسباەۆ تا جوعارى باعاسىن بەردٸ.
«قازٸرگٸ تاڭدا قازاقستاندىق ۆەلوسپورت سەرپٸندٸ دامۋدىڭ جاڭا كەزەڭٸندە تۇر. پرەزيدەنت ٷكٸمەتكە بارلىق جاعداي جاساپ, سالانى قولداۋدى كٷشەيتۋدٸ تاپسىردى. ونىڭ ناقتى نەتيجەسٸن بٷگٸندە كٶرٸپ وتىرمىز. الدىمىزدا ٷلكەن مٸندەتتەر بار: كەلەسٸ جىلى ازييا ويىندارى, ودان كەيٸن وليمپياداعا دايىندىق. ەگەر كٷش-جٸگەرٸمٸزدٸ بٸرٸكتٸرٸپ, جٷيەلٸ دايىندىقتى جالعاستىرساق, جوعارى نەتيجەلەرگە قول جەتكٸزە الاتىنىمىزعا سەنٸمدٸمٸن. مينيسترلٸك تاراپىنان جان-جاقتى قولداۋ كٶرسەتۋگە دايىنبىز», - دەدٸ ول.
سالتاناتتى ٸس-شارانىڭ ماڭىزدى سەتتەرٸنٸڭ بٸرٸ - «التىن دٶڭگەلەك» اتتى جىل سايىنعى سيمۆوليكالىق ماراپاتتى «جاسٶسپٸرٸمدەر» ساناتىنداعى جىلدىڭ ٷزدٸك سپورتشىسىنا تابىستاۋ بولدى. بيىلعى جٷلدەنٸڭ يەگەرٸ – 2009 جىلى تۋعان, الماتى قالاسىنىڭ ٶكٸلٸ, قازاقستاننىڭ بٸرنەشە دٷركٸن چەمپيونى گلەب نوۆيكوۆ.
«مەن ۆەلوسپورتقا كەزدەيسوق كەلدٸم. اۋلادا ۆەلوسيپەد تەۋٸپ جٷرگەندە, بولاشاق باپكەرٸمنٸڭ جۇبايى بايقاپ قالىپ, سەكتسيياعا بارىپ كٶرۋدٸ ۇسىندى. سودان بەرٸ وسى سپورتپەن اينالىسىپ كەلەمٸن. قازٸر مەن — شوسسە جارىسى بويىنشا قازاقستاننىڭ ٷش دٷركٸن چەمپيونىمىن, ماۋنتينبايك بويىنشا ەلدٸڭ ەكٸ دٷركٸن چەمپيونىمىن. ۆەلوسپورتسىز ٶمٸرٸمدٸ ەلەستەتە المايمىن. بولاشاقتا وليمپيادا چەمپيونى بولۋدى ارماندايمىن», — دەدٸ گلەب نوۆيكوۆ.
باسقوسۋ بارىسىندا ەيەلدەر كومانداسى UAE Team ADQ-مەن ىنتىماقتاستىق تۋرالى كەلٸسٸمگە قول قويىلۋى ەرەكشە نازارعا يە بولدى. بۇل باستاما قازاقستانداعى ەيەلدەر ۆەلوسپورتىنىڭ جاڭا كەزەڭٸن اشىپ, سپورتشىلارعا حالىقارالىق دەڭگەيدە دايىندالۋعا, بٸرلەسكەن جاتتىعۋ باعدارلامالارىنا قاتىسۋعا جەنە ەلەمنٸڭ ٷزدٸك ۆەلوشاباندوزدارىمەن تەجٸريبە الماسۋعا مٷمكٸندٸك بەرەدٸ. سونداي-اق, بۇل سەرٸكتەستٸك 2026 جىلى جاپونييادا ٶتەتٸن ازييا ويىندارىنا دايىندىقتى كٷشەيتەدٸ.
«قازاقستاندا ەيەلدەر ۆەلوسپورتىنىڭ دامۋىنا ٷلەس قوسۋ – مەن ٷشٸن ٷلكەن قۋانىش. بٷگٸن بٸز بولاشاقتاعى جەڭٸستەرگە جول اشىپ جاتىرمىز: بۇل جٷيەلٸ جۇمىس, جاڭا حالىقارالىق مٷمكٸندٸكتەر جەنە تالانتتى سپورتشىلاردى قولداۋ. الدا جاقسى نەتيجە مەن ٷلكەن جەتٸستٸكتەر كٷتەدٸ دەپ سەنەمٸن», — باە ADQ UCI WT ەيەلدەر ۆەلوكومانداسىنىڭ باس ديرەكتورى يانا زەل.
ٸس-شارانىڭ ەڭ ەرەكشە كەزەڭٸ — ۆەلوسپورتقا العاش قادام جاساپ جٷرگەن ەڭ كٸشكەنتاي سپورتشىلاردى ماراپاتتاۋ رەسٸمٸ بولدى. بۇل دەستٷر بالالاردى ەرتە جاستان سپورتقا باۋلۋدىڭ, بەلسەندٸ ٶمٸر سالتىنا قىزىعۋشىلىق قالىپتاستىرۋدىڭ ماڭىزىن كٶرسەتەدٸ.
سونىمەن قاتار جاسٶسپٸرٸمدەر اراسىنداعى III ازييا ويىندارىنىڭ چەمپيوندارى دا ماراپاتتالىپ, ولاردىڭ جەڭٸستەرٸ ەلٸمٸزدٸڭ دايىندىق جٷيەسٸنٸڭ تيٸمدٸلٸگٸن جەنە قازاقستاننىڭ حالىقارالىق سپورتتىق بەدەلٸن كٷشەيتە تٷستٸ.
سالتاناتتى كەشتٸڭ قورىتىندى بٶلٸمٸندە ELITE ساناتىنداعى ٷزدٸك سپورتشىلار — شوسسە, ترەك, MTB, BMX جەنە پاراۆەلوسپورت باعىتتارى بويىنشا ماراپاتتالدى. ولاردىڭ حالىقارالىق ارەناداعى جەتٸستٸكتەرٸ قازاقستاندى قۋاتتى جەنە بولاشاعى زور ۆەلوسپورت ەلٸ رەتٸندە تانىتۋعا زور ٷلەس قوستى.
