قر ۇلتتىق ەكونوميكا مينيسترٸ ەسەت ەرعاليەۆ قازاقستاننىڭ 2025 جىلعا دەيٸنگٸ دامۋدىڭ ۇلتتىق جوسپارىنداعى جالپىۇلتتىق باسىمدىقتار مٸندەتتەرٸن ايتىپ بەردٸ, دەپ حابارلايدى قازاقپارات.
ۇلتتىق دامۋ جوسپارى ٷش باعىت: ازاماتتاردىڭ ەل-اۋقاتى, ينستيتۋتتاردىڭ ساپاسى جەنە قۋاتتى ەكونوميكا بويىنشا 10 جالپىۇلتتىق باسىمدىقتان تۇرادى.
«ساپالى بٸلٸم بەرۋ» جالپىۇلتتىق باسىمدىعى جاڭا ەكونوميكالىق باعىتتى ٸسكە اسىرۋ ٷشٸن بەسەكەگە قابٸلەتتٸ ادامي كاپيتالدى دامىتۋدى كٶزدەيدٸ. بٸلٸم بەرۋ جٷيەسٸن جاڭعىرتۋ ونىڭ ساپاسى مەن قولجەتٸمدٸلٸگٸن ارتتىرۋعا باعىتتالادى. 2023 جىلعا قاراي پەداگوگتاردىڭ جالاقىسى 2 ەسەگە ٶسەدٸ. 2025 جىلعا قاراي – مەكتەپكە دەيٸنگٸ مەكەمەلەردەگٸ ورىنداردىڭ قولجەتٸمدٸگٸ قامتاماسىز ەتٸلەدٸ. بارلىق بٸلٸم بەرۋ ۇيىمدارىندا ينكليۋزيۆتٸ بٸلٸم بەرۋ ٷشٸن جاعداي جاسالادى», - دەدٸ سپيكەر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, 2025 جىلعا دەيٸن بٸلٸم بەرۋگە قولايلى جاعداي تۋعىزۋ ٷشٸن 800 جاڭا مەكتەپ سالىنادى. بۇل اپاتتى جەنە ٷشاۋىسىمدىق مەكتەپ, ورىن تاپشىلىعى پروبلەمالارىن شەشۋگە مٷمكٸندٸك بەرەدٸ.
سونىمەن بٸرگە, مينيستر «قولجەتٸمدٸ جەنە تيٸمدٸ دەنساۋلىق ساقتاۋ جٷيەسٸ» جالپىۇلتتىق باسىمدىعى جٶنٸندە ايتىپ بەردٸ.
«مەديتسينالىق كٶرسەتٸلەتٸن قىزمەتتەردٸڭ قولجەتٸمدٸلٸگٸ مەن ساپاسىن ارتتىرۋعا, كادر ەلەۋەتٸن جەنە عىلىمي مەديتسينانى دامىتۋعا, دەنساۋلىق ساقتاۋدىڭ بٸرىڭعاي تسيفرلىق كەڭٸستٸگٸن قۇرۋعا, سونداي-اق سالاماتتى ٶمٸر سالتىن قالىپتاستىرۋعا باعىتتالعان باتىل شارالار ٸسكە اسىرىلاتىن بولادى. نەتيجەسٸندە دەرٸگەرلەردٸڭ جالاقىسى 2023 جىلعا قاراي 2,5 ەسە ٶسەدٸ. 2025 جىلعا قاراي ازاماتتاردىڭ دەنساۋلىق كٶرسەتكٸشتەرٸن جاقسارتۋعا باعدارلانىپ, ادامعا باعدارلانعان مەديتسيناسىنا كٶشۋ جٷزەگە اسىرىلادى, سونداي-اق اۋىلداردا جەنە قالالاردا ساپالى مەديتسينالىق قىزمەت كٶرسەتۋگە كەپٸلدٸك بەرٸلەدٸ», - دەيدٸ ەكونوميكا مينيسترٸ.
