قر ۇلتتىق بانكٸ 2021 جىلعى ماۋسىم ايىنداعى قارجى نارىعىنداعى احۋالعا شولۋ جاسادى, دەپ حابارلايدى "ۇلت اقپارات".
ينفلياتسييا جەنە ينفلياتسييالىق كٷتۋلەر
قازاقستان رەسپۋبليكاسىنىڭ ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسىنىڭ دەرەكتەرٸ بويىنشا, 2021 جىلدىڭ ماۋسىم ايىندا ينفلياتسييا 1,1% (2020 جىلعى ماۋسىمدا – 0,4%) بولدى.
جىلدىق ينفلياتسييا 7,9% (2020 جىلعى جەلتوقساندا – 7,5%) دەڭگەيٸندە قالىپتاستى. ينفلياتسييانىڭ قۇرىلىمىندا جىلدىق كٶرسەتكٸش بويىنشا ازىق-تٷلٸك تاۋارلارىنىڭ باعاسى 10,6%-عا, ازىق-تٷلٸككە جاتپايتىن تاۋارلار – 6,9%-عا, اقىلى قىزمەتتەر – 5,6%-عا ٶستٸ.
2021 جىلدىڭ ماۋسىم ايىندا حالىق اراسىندا جٷرگٸزٸلگەن ساۋالناما نەتيجەسٸ بويىنشا, بٸر جىلدان كەيٸن كٷتٸلەتٸن ينفلياتسييانى ساندىق باعالاۋ 7,3% بولدى.
1-گرافيك. ينفلياتسييا جەنە كٷتٸلەتٸن ينفلياتسييا
دەرەككٶز: قازاقستان رەسپۋبليكاسى ستراتەگييالىق جوسپارلاۋ جەنە رەفورمالار اگەنتتٸگٸنٸڭ ۇلتتىق ستاتيستيكا بيۋروسى, FusionLab
حالىقارالىق رەزەرۆتەر جەنە اقشا اگرەگاتتارى
ۇلتتىق بانكتٸڭ جالپى حالىقارالىق رەزەرۆتەرٸ بيىلعى ماۋسىم ايىندا3,9%-عا (جىلدىڭ باسىنان باستاپ 1,7%-عا) تٶمەندەپ, 35,0 ملرد اقش دوللارىن قۇرادى.
رەزەرۆتەردٸڭ تٶمەندەۋٸ, كٶبٸنە, اقش دوللارىنىڭ نىعايۋىنا بايلانىستى التىن باعاسىنىڭ تٷسۋٸنەن بولدى. التىن پورتفەلٸنٸڭ بٸر بٶلٸگٸن باعانىڭ كٷرت تٶمەندەۋٸنەن حەدجيرلەۋ ٷشٸن ۇلتتىق بانك بۇرىن جاساعان وپتسيونداردى ورىنداۋ اياسىندا التىندى قولايلى باعا – 1,5 ملرد اقش دوللارىنا ساتتى. وپتسيوندىق ستراتەگييالار اياسىندا اللوكيرلەنبەگەن التىندى ساتۋ ەسەبٸنەن ەركٸن كونۆەرتاتسييالاناتىن ۆاليۋتاداعى اكتيۆتەر ٶستٸ.
الدىن الا دەرەكتەر بويىنشا, ۇلتتىق قوردىڭ شەتەل ۆاليۋتاسىنداعى اكتيۆتەرٸن (57,3 ملرد اقش دوللارى) قوسا العاندا, ەلدٸڭ جالپى حالىقارالىق رەزەرۆتەرٸ 2021 جىلى ماۋسىمنىڭ سوڭىندا 92,4 ملرد اقش دوللارىن قۇرادى.
اقشا بازاسى 2021 جىلعى ماۋسىمدا 0,5%-عا تارىلىپ (جىلدىڭ باسىنان باستاپ
5,0%-عا كەڭەيدٸ), 10 270,1 ملرد تەڭگە بولدى. تار اقشا بازاسى, ياعني ەكٸنشٸ دەڭگەيلٸ بانكتەردٸڭ ۇلتتىق بانكتەگٸ مەرزٸمدٸ دەپوزيتتەرٸن ەسەپتەمەگەندەگٸ اقشا بازاسى
6 297,0 ملرد تەڭگەگە دەيٸن 4,3%-عا (جىلدىڭ باسىنان باستاپ 23,8%-عا) كەڭەيدٸ.
2021 جىلعى ماۋسىمدا اقشا ماسساسى 2,6%-عا ۇلعايىپ, 28 161,7 ملرد تەڭگە بولدى (جىلدىڭ باسىنان باستاپ 13,0%-عا ٶستٸ), اينالىستاعى قولما-قول اقشا 3 027,2 ملرد تەڭگەگە دەيٸن 2,1%-عا (جىلدىڭ باسىنان باستاپ 7,0%-عا) ۇلعايدى.
ۇلتتىق بانكتٸڭ اقشا-كرەديت ساياساتى سالاسىنداعى وپەراتسييالارى
2021 جىلعى 7 ماۋسىمدا ۇلتتىق بانك بازالىق مٶلشەرلەمەنٸ +/- 1,0 پ.ت. پايىزدىق دەلٸزٸمەن جىلدىق 9,0% دەڭگەيٸندە ساقتاۋ تۋرالى شەشٸم قابىلدادى.
اقشا نارىعىندا اقشا-كرەديت ساياساتى وپەراتسييالارىن جٷرگٸزۋ كەزٸندە تارگەتتەلەتٸن (نىسانالى) مٶلشەرلەمە بولىپ تابىلاتىن TONIA ينديكاتورى 2021 جىلعى ماۋسىمدا پايىزدىق دەلٸز ٸشٸندە قالىپتاستى. 2021 جىلعى ماۋسىمدا TONIA ورتاشا الىنعان مەنٸ جىلدىق 8,3%-دى (2021 جىلعى مامىردا – 8,1%) قۇرادى.
2-گرافيك. بازالىق مٶلشەرلەمەنٸڭ جەنە ونىڭ پايىزدىق دەلٸزٸنٸڭ سەرپٸنٸ
اقشا-كرەديت ساياساتىنىڭ قۇرالدارى. 2021 جىلعى ماۋسىمنىڭ سوڭىندا ۇلتتىق بانكتٸڭ اقشا نارىعىنداعى وپەراتسييالارىنىڭ تەرٸس سالدوسى (ۇلتتىق بانكتٸڭ اشىق پوزيتسيياسى) 5,4 ترلن تەڭگە بولدى.
ۇلتتىق بانكتٸڭ تٸكەلەي رەپو وپەراتسييالارى بويىنشا اشىق پوزيتسيياسىنىڭ كٶلەمٸ 85,7 ملرد تەڭگە بولدى.
ۇلتتىق بانكتەگٸ بانكتٸك دەپوزيتتەردٸڭ كٶلەمٸ 197,3 ملرد تەڭگە بولدى. دەپوزيتتٸك اۋكتسيوندار ارقىلى الىناتىن ٶتٸمدٸلٸك كٶلەمٸ 1 688,0 ملرد تەڭگە بولدى.
اينالىمداعى قىسقا مەرزٸمدٸ نوتتاردىڭ كٶلەمٸ بٸر ايدا 9,5%-عا ۇلعايىپ, 3 474,7 ملرد تەڭگە بولدى.
2021 جىلعى ماۋسىمدا جالپى سوماسى 2 164,0 ملرد تەڭگەگە 6 اۋكتسيون, ونىڭ ٸشٸندە 1 532,6 ملرد تەڭگەگە – 1 ايلىق نوتتاردى ورنالاستىرۋ بويىنشا 4 اۋكتسيون (ورتاشا الىنعان كٸرٸستٸلٸك – 9,00%), 531,4 ملرد تەڭگەگە – 3 ايلىق نوتتار بويىنشا
1 اۋكتسيون (كٸرٸستٸلٸك – 9,15%), 100 ملرد تەڭگەگە – جارتىجىلدىق نوتتار بويىنشا
1 اۋكتسيون (كٸرٸستٸلٸك – 9,14%) ٶتكٸزٸلدٸ.
ۇلتتىق بانكتٸڭ قىسقا مەرزٸمدٸ نوتتارىن ٶتەۋ كٶلەمٸ 2021 جىلعى ماۋسىمدا
2 121,4 ملرد تەڭگە بولدى.
قازاقستان رەسپۋبليكاسى قارجى مينيسترلٸگٸنٸڭ مەملەكەتتٸك باعالى قاعازدارى
2021 جىلعى ماۋسىمدا قازاقستان رەسپۋبليكاسىنىڭ قارجى مينيسترلٸگٸ 139,2 ملرد تەڭگەگە ۇزاق مەرزٸمدٸ (مەۋكام) مەملەكەتتٸك باعالى قاعازداردى ورنالاستىردى. 2021 جىلعى ماۋسىمدا بارلىعى 11 وبليگاتسييا شىعارىلىمى ورنالاستىرىلدى, وندا
2 جىلدان 14 جىلعا دەيٸن ٶتەۋ مەرزٸمٸ بار مەملەكەتتٸك باعالى قاعازدار ورنالاستىرىلدى. ولار بويىنشا ورتاشا الىنعان كٸرٸستٸلٸك جىلدىق 9,60%-دان 10,70%-عا دەيٸنگٸ مٶلشەردٸ قۇرادى.
قازاقستان رەسپۋبليكاسى قارجى مينيسترلٸگٸنٸڭ اينالىمداعى باعالى قاعازدارىنىڭ كٶلەمٸ 2021 جىلعى ماۋسىمدا 1,1%-عا ۇلعايىپ, 9 994,9 ملرد تەڭگە بولدى.
ماۋسىمنىڭ سوڭىندا كٸرٸستٸلٸك قيسىعى 4 جىلعا دەيٸنگٸ سەگمەنتتە كٸرٸستٸلٸكتٸڭ تٶمەندەگەنٸن كٶرسەتتٸ, بۇل رەتتە 4 جىلدان اساتىن سەگمەنتتە 2021 جىلعى مامىردىڭ سوڭىنداعى دەڭگەيمەن سالىستىرعاندا كٸرٸستٸلٸكتٸڭ ارتۋى بايقالادى.
3-گرافيك. تەۋەكەلسٸز كٸرٸستٸلٸك قيسىعىنىڭ ٶزگەرۋٸ
ۆاليۋتا نارىعى
2021 جىلعى ماۋسىمدا تەڭگەنٸڭ بيرجالىق ايىرباستاۋ باعامى بٸر اقش دوللارى ٷشٸن 425,64 – 428,30 تەڭگە ارالىعىندا ٶزگەردٸ. 2021 جىلعى ماۋسىمنىڭ سوڭىندا تەڭگەنٸڭ اقش دوللارىنا قاتىستى بيرجالىق باعامى بٸر ايدا 0,3%-عا نىعايىپ, بٸر اقش دوللارى ٷشٸن 427,31 تەڭگە بولدى.
تەڭگە – اقش دوللارى ۆاليۋتا جۇبى بويىنشا وپەراتسييالاردىڭ جالپى كٶلەمٸ بٸر ايدا 14,1 ملرد اقش دوللارى, ونىڭ ٸشٸندە قازاقستان قور بيرجاسىنداعى بيرجالىق ساۋدا-ساتتىق كٶلەمٸ – 3,2 ملرد اقش دوللارى, بيرجادان تىس ۆاليۋتا نارىعىنداعى وپەراتسييالار كٶلەمٸ – 11,0 ملرد اقش دوللارى بولدى. بيرجادان تىس نارىقتاعى وپەراتسييالاردىڭ جالپى كٶلەمٸندە بٸر ەنشٸلەس بانكتٸڭ ٷلەسٸ 69,6% نەمەسە 7,6 ملرد اقش دوللارى (2021 جىلعى مامىردا – 66,3% نەمەسە 5,7 ملرد اقش دوللارى) بولدى, بۇل ونىڭ مەنشٸكتٸ كاپيتالدى ۆاليۋتالىق تەۋەكەلدەردەن حەدجيرلەۋٸنە بايلانىستى ورىن الدى. وسى وپەراتسييالار بانك توبىنىڭ ٸشٸندە جٷرگٸزٸلەدٸ جەنە ٸشكٸ ۆاليۋتا نارىعىنداعى شەتەل ۆاليۋتاسىنا سۇرانىستىڭ نەمەسە ۇسىنىستىڭ اراقاتىناسىنا ەسەر ەتپەيدٸ.
2021 جىلعى ماۋسىمدا حالىق نەتتو-نەگٸزدە 237,0 ملرد تەڭگەگە بالاما سوماعا قولما-قول شەتەل ۆاليۋتاسىن ساتىپ الدى. ٶتكەن ايمەن سالىستىرعاندا بۇل شىعىستار
50,6%-عا (2021 جىلعى مامىردا – 157,3 ملرد تەڭگە) ۇلعايدى, 2020 جىلعى ۇقساس كەزەڭمەن سالىستىرعاندا (193,4 ملرد تەڭگە) نەتتو-ساتىپ الۋ كٶلەمٸ 22,5%-عا ارتتى. شىعىستاردىڭ نەگٸزگٸ كٶلەمٸ اقش دوللارىن – 65,1%-عا نەمەسە 154,3 ملرد تەڭگە, رەسەي رۋبلٸن – 22,4%-عا نەمەسە 53,1 ملرد تەڭگە, ەۋرونى – 12,3%-عا نەمەسە 29,2 ملرد تەڭگە ساتىپ الۋعا باعىتتالدى. ۆاليۋتالاردىڭ تٷرلەرٸ بويىنشا بٶلگەندە اقش دوللارىن ساتىپ الۋعا جۇمسالاتىن شىعىستار بٸر ايدا 49,5%-عا (9,0%-عا ج/ج), ەۋرونى ساتىپ الۋعا – 3,4 ەسە
(2,3 ەسە ج/ج), رۋبلدٸ ساتىپ الۋعا جۇمسالاتىن شىعىستار 17,0%-عا (37,5%-عا ج/ج) ٶستٸ.
4-گرافيك. ايىرباستاۋ پۋنكتتەرٸنٸڭ قولما-قول شەتەل ۆاليۋتاسىن نەتتو-ساتۋ سەرپٸنٸ, ملرد تەڭگە
دەپوزيت نارىعى
رەزيدەنتتەردٸڭ دەپوزيتتٸك ۇيىمدارداعى دەپوزيتتەرٸنٸڭ كٶلەمٸ بٸر ايدا 2,1%-عا ۇلعايىپ, 2021 جىلعى ماۋسىمنىڭ سوڭىندا 25 134,6 ملرد تەڭگە بولدى. زاڭدى تۇلعالاردىڭ دەپوزيتتەرٸ بٸر ايدا 12 936,8 ملرد تەڭگەگە دەيٸن 2,0%-عا, جەكە تۇلعالاردىڭ دەپوزيتتەرٸ
12 197,8 ملرد تەڭگەگە دەيٸن 3,3%-عا ٶستٸ.
ۇلتتىق ۆاليۋتاداعى دەپوزيتتەر كٶلەمٸ بٸر ايدا 15 843,3 ملرد تەڭگەگە دەيٸن 2,5%-عا, شەتەل ۆاليۋتاسىنداعى دەپوزيتتەر 9 291,3 ملرد تەڭگەگە دەيٸن 3,0%-عا ۇلعايدى. دوللارلاندىرۋ دەڭگەيٸ 2021 جىلعى ماۋسىمنىڭ سوڭىندا 37,0% (2020 جىلعى جەلتوقساندا – 37,3%) بولدى.
زاڭدى تۇلعالاردىڭ ۇلتتىق ۆاليۋتاداعى دەپوزيتتەرٸ 2021 جىلعى ماۋسىمدا
7 874,9 ملرد تەڭگەگە دەيٸن 1,4%-عا, شەتەل ۆاليۋتاسىنداعى دەپوزيتتەر 5 061,9 ملرد تەڭگەگە دەيٸن 3,1%-عا (زاڭدى تۇلعالار دەپوزيتتەرٸنەن 39,1%) ۇلعايدى.
جەكە تۇلعالاردىڭ تەڭگەدەگٸ دەپوزيتتەرٸ 7 968,3 ملرد تەڭگەگە دەيٸن 3,6%-عا, شەتەل ۆاليۋتاسىنداعى دەپوزيتتەرٸ 4 229,4 ملرد تەڭگەگە دەيٸن 2,9%-عا (جەكە تۇلعالار دەپوزيتتەرٸنەن 34,7%) ٶستٸ.
مەرزٸمدٸ دەپوزيتتەردٸڭ كٶلەمٸ بٸر ايدا 1,1%-عا ۇلعايىپ, 17 040,1 ملرد تەڭگە بولدى. ولاردىڭ قۇرىلىمىندا ۇلتتىق ۆاليۋتاداعى سالىمدار 10 884,2 ملرد تەڭگە, شەتەل ۆاليۋتاسىنداعى سالىمدار 6 155,9 ملرد تەڭگە بولدى.
بانكتٸك ەمەس زاڭدى تۇلعالاردىڭ ۇلتتىق ۆاليۋتاداعى مەرزٸمدٸ دەپوزيتتەرٸ بويىنشا ورتاشا الىنعان سىياقى مٶلشەرلەمەسٸ 2021 جىلعى ماۋسىمدا 7,3%-دى (2020 جىلعى ماۋسىمدا – 7,6%), جەكە تۇلعالاردىڭ دەپوزيتتەرٸ بويىنشا – 8,6%-دى (9,9%) قۇرادى.
كرەديت نارىعى
بانكتەردٸڭ ەكونوميكانى كرەديتتەۋ كٶلەمٸ بٸر ايدا 0,5%-عا ۇلعايىپ, 2021 جىلعى ماۋسىمنىڭ سوڭىندا 15 721,5 ملرد تەڭگە بولدى. زاڭدى تۇلعالارعا كرەديتتەر كٶلەمٸ
7 169,1 ملرد تەڭگەگە دەيٸن 3,5%-عا تٶمەندەدٸ, جەكە تۇلعالارعا كرەديتتەر كٶلەمٸ
8 552,4 ملرد تەڭگەگە دەيٸن 4,2%-عا ۇلعايدى.
ۇلتتىق ۆاليۋتاداعى كرەديتتەر كٶلەمٸ بٸر ايدا 13 792,7 ملرد تەڭگەگە دەيٸن 1,2%-عا ۇلعايدى. ولاردىڭ قۇرىلىمىندا زاڭدى تۇلعالارعا – 3,3%-عا تٶمەندەپ, جەكە تۇلعالارعا كرەديتتەر – 4,2%-عا ٶستٸ. شەتەل ۆاليۋتاسىنداعى كرەديتتەر كٶلەمٸ 1 928,8 ملرد تەڭگەگە دەيٸن 4,2%-عا ازايدى. ولاردىڭ قۇرىلىمىندا زاڭدى تۇلعالارعا كرەديتتەر 4,1%-عا, جەكە تۇلعالارعا كرەديتتەر – 10,7%-عا تٶمەندەدٸ. كرەديتتەردٸڭ تەڭگەمەن ٷلەس سالماعى 2021 جىلعى ماۋسىمنىڭ سوڭىندا 87,7% (2020 جىلعى جەلتوقساندا – 87,0%) بولدى.
ۇزاق مەرزٸمدٸ كرەديتتەر كٶلەمٸ بٸر ايدا 13 457,9 ملرد تەڭگەگە دەيٸن 0,3%-عا, قىسقا مەرزٸمدٸ كرەديتتەر كٶلەمٸ 2 263,7 ملرد تەڭگەگە دەيٸن 1,6%-عا ۇلعايدى.
شاعىن كەسٸپكەرلٸك سۋبەكتٸلەرٸن كرەديتتەۋ 2021 جىلعى ماۋسىمدا 2 724,7 ملرد تەڭگەگە دەيٸن 3,6%-عا (ەكونوميكاعا بەرٸلگەن كرەديتتەردٸڭ جالپى كٶلەمٸنەن 17,3%) ازايدى.
كورپوراتيۆتٸك سەكتوردىڭ سالالارى بويىنشا بٶلۋدە بانكتەردٸڭ ەكونوميكاعا بەرٸلگەن كرەديتتەرٸنٸڭ ەڭ كٶپ سوماسى ٶنەركەسٸپ (كورپوراتيۆتٸك سەكتوردىڭ جالپى كٶلەمٸندەگٸ ٷلەسٸ – 30,1%), ساۋدا (21,4%), قۇرىلىس (7,1%) پەن كٶلٸك (6,0%) سيياقتى سالالارعا تيەسٸلٸ.
2021 جىلعى ماۋسىمدا بانكتٸك ەمەس زاڭدى تۇلعالارعا ۇلتتىق ۆاليۋتامەن بەرٸلگەن كرەديتتەر بويىنشا ورتاشا الىنعان سىياقى مٶلشەرلەمەسٸ 11,6% (2020 جىلعى ماۋسىمدا – 11,0%), جەكە تۇلعالارعا ۇلتتىق ۆاليۋتامەن بەرٸلگەن كرەديتتەر بويىنشا 16,6% (16,9%) بولدى.
تٶلەم جٷيەلەرٸ
2021 جىلعى 1 شٸلدەدەگٸ جاعداي بويىنشا قازاقستان رەسپۋبليكاسىنىڭ اۋماعىندا 19 تٶلەم جٷيەسٸ, ونىڭ ٸشٸندە ۇلتتىق بانكتٸڭ تٶلەم جٷيەلەرٸ, اقشا اۋدارىمدار جٷيەلەرٸ, تٶلەم كارتوچكالارى جٷيەلەرٸ جۇمىس ٸستەپ تۇر.
2021 جىلعى ماۋسىمدا ۇلتتىق بانكتٸڭ تٶلەم جٷيەلەرٸ (بانكارالىق اقشا اۋدارۋ جٷيەسٸ جەنە بانكارالىق كليرينگ جٷيەسٸ) ارقىلى 68,2 ترلن تەڭگەگە 4,7 ملن ترانزاكتسييا جٷرگٸزٸلدٸ (2021 جىلعى مامىرمەن سالىستىرعاندا, سانى بويىنشا 4,6%-عا, سوماسى بويىنشا – 0,4%-عا ۇلعايدى). ورتا ەسەپپەن بٸر كٷندە كٶرسەتٸلگەن تٶلەم جٷيەلەرٸ ارقىلى 3,8 ترلن تەڭگەگە 214,2 مىڭ ترانزاكتسييا جٷرگٸزٸلدٸ.
2021 جىلعى 1 شٸلدەدە 21 بانك پەن «قازپوشتا» اق قازاقستان رەسپۋبليكاسىندا تٶلەم كارتوچكالارىن شىعاردى. ەميسسييالانعان جەنە تاراتىلعان تٶلەم كارتوچكالارىنىڭ جالپى سانى 54,0 ملن بٸرلٸك بولدى. ونىڭ ٸشٸندە 2021 جىلعى مامىردا تٶلەم كارتوچكالارىنىڭ 48,2%-ى (26,1 ملن) قولما-قول اقشاسىز وپەراتسييالاردى جەنە (نەمەسە) قولما-قول اقشانى الۋ وپەراتسييالارىن جٷرگٸزۋ ٷشٸن پايدالانىلدى.
قازاقستان ەميتەنتتەرٸنٸڭ تٶلەم كارتوچكالارىن پايدالانا وتىرىپ 2021 جىلعى ماۋسىمدا 8,4 ترلن تەڭگەگە 533,3 ملن ترانزاكتسييا جٷرگٸزٸلدٸ (2021 جىلعى مامىرمەن سالىستىرعاندا, ترانزاكتسييالار سانى 0,2%-عا, سوماسى 13,2%-عا ۇلعايدى). قازاقستان ەميتەنتتەرٸنٸڭ تٶلەم كارتوچكالارىن پايدالانا وتىرىپ جٷرگٸزٸلگەن وپەراتسييالاردىڭ سانى بويىنشا قولما-قول اقشاسىز تٶلەم وپەراتسييالارىنىڭ ٷلەسٸ 95,4% (508,7 ملن تەڭگە) بولدى. وسى كەزەڭدەگٸ قولما-قول اقشاسىز وپەراتسييالار كٶلەمٸنٸڭ ٷلەسٸ 74,4% (6,2 ترلن تەڭگە) بولدى.
2021 جىلعى ماۋسىمدا حالىقارالىق اقشا اۋدارۋ جٷيەلەرٸ ارقىلى جٸبەرٸلگەن اقشانىڭ جالپى كٶلەمٸ 109,0 ملرد تەڭگەگە 0,3 ملن اۋدارىم بولدى.
2021 جىلعى مامىرمەن سالىستىرعاندا, اقشا اۋدارىمدارى كٶلەمٸنٸڭ ۇلعايۋى 39,6% بولدى. جٶنەلتٸلگەن اۋدارىمداردىڭ جالپى كٶلەمٸنەن قازاقستاننان تىس جەرلەرگە ترانزاكتسييالاردىڭ جالپى سانىنان 81,3% (0,2 ملن ترانزاكتسييا) جەنە ترانزاكتسييالاردىڭ جالپى سوماسىنان 94,4% (102,9 ملرد تەڭگە) باعىتتالدى. قازاقستان بويىنشا اقشا اۋدارىمدارى جٷيەلەرٸ ارقىلى ترانزاكتسييالاردىڭ جالپى سانىنان 18,7% (0,1 ملن ترانزاكتسييا) جەنە جالپى سوماسىنان 5,6% (6,1 ملرد تەڭگە) جٷرگٸزٸلدٸ. شەتەلدەن حالىقارالىق اقشا اۋدارۋ جٷيەلەرٸ ارقىلى 24,9 ملرد تەڭگەگە 0,1 ملن ترانزاكتسييا الىندى.
زەينەتاقى جٷيەسٸ
2021 جىلعى 1 شٸلدەدەگٸ جاعداي بويىنشا, سالىمشىلاردىڭ (الۋشىلاردىڭ) زەينەتاقى جيناقتارى 2021 جىلعى قاڭتار-ماۋسىمدا 145,6 ملرد تەڭگەگە نەمەسە 1,1%-عا ازايىپ, 12 767,8 ملرد تەڭگە بولدى.
2021 جىلعى قاڭتار-ماۋسىمدا زەينەتاقى اكتيۆتەرٸن ينۆەستيتسييالاۋدان تٷسكەن «تازا» كٸرٸس 2021 جىلعى 1 شٸلدەدە 6 304,6 ملرد تەڭگەگە دەيٸن 751,0 ملرد تەڭگەگە ۇلعايدى.
مٸندەتتٸ زەينەتاقى جارنالارى بويىنشا سالىمشىلاردىڭ جەكە زەينەتاقى شوتتارىنىڭ سانى (زەينەتاقى جيناقتارى جوق جزش-نى ەسكەرە وتىرىپ) 2021 جىلعى
1 شٸلدەدە 10,9 ملن شوت بولدى.
2021 جىلعى قاڭتار-ماۋسىمدا زەينەتاقى تٶلەمدەرٸنٸڭ سوماسى 1,7 ترلن تەڭگە بولدى.
2021 جىلعى 1 شٸلدەدە بجزق جيىنتىق ينۆەستيتسييالىق پورتفەلٸندە نەگٸزگٸ ٷلەس قازاقستان رەسپۋبليكاسىنىڭ مەملەكەتتٸك باعالى قاعازدارىنا جەنە قازاقستان رەسپۋبليكاسى ەميتەنتتەرٸنٸڭ مەملەكەتتٸك ەمەس باعالى قاعازدارىنا (زەينەتاقى اكتيۆتەرٸنٸڭ جالپى كٶلەمٸنەن تيٸسٸنشە 39,6% جەنە 25,9%) تيەسٸلٸ.
