قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا بيىلعى قاڭتار-تامىزداعى ەلٸمٸزدٸڭ ەلەۋمەتتٸك-ەكونوميكالىق دامۋىنىڭ جەنە رەسپۋبليكالىق بيۋدجەتتٸڭ ورىندالۋ قورىتىندىلارى قارالدى. قر اۋىل شارۋاشىلىعى مينيسترٸ ساپارحان وماروۆ ەلٸمٸزدٸڭ اگروٶنەركەسٸپتٸك كەشەنٸندەگٸ 2020 جىلدىڭ 8 ايىنداعى جۇمىس نەتيجەلەرٸ تۋرالى باياندادى, دەپ حابارلايدى primeminister.kz سايتى.
بيىلعى 8 ايدىڭ قورىتىندىسى بويىنشا جالپى اۋىل شارۋاشىلىعى ٶنٸمٸنٸڭ كٶلەمٸ 4,9%-عا ۇلعايىپ, 2,4 ترلن تەڭگەنٸ قۇرادى. بۇل ٶسٸم نەگٸزٸنەن ٶسٸمدٸك شارۋاشىلىعىنداعى ٶندٸرٸس كٶلەمٸنٸڭ 10,7%-عا ۇلعايۋى ەسەبٸنەن قامتاماسىز ەتٸلدٸ. وبلىستار بٶلٸنٸسٸندە 3 وبلىستا رەسپۋبليكالىق دەڭگەيدەن جوعارى قارقىن بايقالدى (اقمولا وبلىسى – 119,2%, سولتٷستٸك قازاقستان وبلىسى – 110,9% جەنە قوستاناي وبلىسى – 105,8%).
مينيستر اتاپ ٶتكەندەي, بيىلعى ەگٸن جيناۋ قارقىنى ٶتكەن جىلعا قاراعاندا جوعارى. مەسەلەن, بٷگٸنگٸ تاڭدا رەسپۋبليكا بويىنشا دەندٸ جەنە دەندٸ-بۇرشاقتى داقىلداردىڭ شامامەن 11,1 ملن گا القابى نەمەسە جينالۋعا تيٸس القاپتىڭ 70,2%-ى جينالدى, ال ٶتكەن جىلى وسى كەزەڭدە 5,3 ملن گا نەمەسە جينالۋعا تيٸس القاپتىڭ 34,8%-ىندا ەگٸن جينالعان بولاتىن. ورتاشا تٷسٸمدٸلٸگٸ گەكتارىنا 11,7 تسەنتنەردەن 13 ملن توننا استىق باستىرىلدى.
«مال شارۋاشىلىعى ٶنٸمٸنٸڭ جالپى كٶلەمٸ كٶرسەتٸلگەن كەزەڭدە 2,7%-عا ۇلعايىپ, 1,6 ترلن تەڭگەنٸ قۇرادى. بۇل رەتتە تٸرٸدەي سالماقتاعى ەت ٶندٸرۋ كٶلەمٸ 3,7%-عا, سٷت 3%-عا ۇلعايدى», — دەدٸ مينيستر.
كٶرسەتٸلگەن مەرزٸمدە تاماق ٶنٸمدەرٸن ٶندٸرۋ كٶلەمٸ 3,6%-عا ٶسٸپ, 1 229,3 ملرد تەڭگەنٸ قۇرادى.
اتاپ ايتقاندا, ٶڭدەلگەن كٷرٸش ٶندٸرۋ كٶلەمٸنٸڭ 61,1%-عا, شۇجىق ٶنٸمدەرٸنٸڭ 22,8%-عا, سارى مايدىڭ 12,9%-عا, قۇس ەتٸنٸڭ 12,3%-عا, جارمانىڭ 12,2%-عا, ماكاروننىڭ 8,4%-عا, ۇننىڭ 6,4%-عا, قىشقىل سٷت ٶنٸمدەرٸنٸڭ 4,7%-عا, ٶسٸمدٸك مايىنىڭ 1,8%-عا ارتقانى بايقالدى.
«اۋىل شارۋاشىلىعىنىڭ نەگٸزگٸ كاپيتالىنا سالىنعان ينۆەستيتسييالار 9,1%-عا ۇلعايىپ, 292 ملرد تەڭگەنٸ, تاماق ٶنٸمدەرٸ ٶندٸرٸسٸنە سالىنعان ينۆەستيتسييالار 25,4%-عا ارتىپ, 54,7 ملرد تەڭگەنٸ قۇرادى», — دەپ تٷيٸندەدٸ وماروۆ.
