پرەمەر-مينيستر اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا ەلەكتروندىق ساۋدانى دامىتۋ مەسەلەلەرٸ تۋرالى ساۋدا جەنە ينتەگراتسييا مينيسترٸ باقىت سۇلتانوۆ, «قازپوشتا» اق باسقارما تٶراعاسى سەكەن سەرسەنوۆ, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ باياندادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قر ساۋدا جەنە ينتەگراتسييا مينيسترٸ ب. سۇلتانوۆ بٷگٸنگٸ تاڭدا بٷكٸل ەلەمدە بٶلشەك ساۋداداعى ەلەكتروندىق كوممەرتسييا نارىعى دەستٷرلٸ ساۋدانى ىعىستىرا وتىرىپ, وزىق قارقىنمەن ٶسٸپ كەلەتٸنٸن اتاپ ٶتتٸ.
«2019 جىلدىڭ قورىتىندىسى بويىنشا بٶلشەك ەلەكتروندىق ساۋدانىڭ ەلەمدٸك كٶلەمٸ اۆياتاسىمالعا بيلەتتەر مەن ٸس-شارالارعا بيلەتتەر ساتۋدى ەسەپكە الماعاندا, $3,5 ترلن-نان استى. سوڭعى بٸرنەشە جىلدا بۇل كٶرسەتكٸشتٸڭ جىلدىق ٶسۋ قارقىنى 20%-دان اسادى. بۇل نارىقتا جالپى ٷلەسٸ ەلەمدٸك نارىقتىڭ 71,3% قۇرايتىن قىتاي جەنە امەريكا قۇراما شتاتتارى كٶشباسشىلار بولىپ تابىلادى.
بٸز ٸرٸ ساۋدا ورتالىقتارى ساۋدانىڭ ەلەكتروندىق فورماتىن بەلسەندٸ تٷردە دامىتىپ وتىرعانىن كٶرٸپ وتىرمىز. سوڭعى 2 جىل ٸشٸندە اقش-تا 10 مىڭنان استام وففلاين دٷكەندەر جابىلدى», — دەدٸ ب. سۇلتانوۆ.
ونىڭ ايتۋىنشا, ەلەكتروندىق كوممەرتسييادا ماركەتپلەيس دەگەن قۇرالدارعا سۇرانىس ارتىپ كەلەدٸ. بۇعان مىسال اlibaba جەنە Amazon ەلەكتروندى پلاتفورمالارى, ولار قىتاي مەن اقش ونلاين نارىقتارىنىڭ جارتىسىنا يە.
ەلەكتروندىق ساۋدانىڭ تاعى دا بٸر ترەندٸ – بۇل كٶبٸنەسە سمارتفوندار ارقىلى ساتىپ الۋ. سمارتفونداردىڭ كٶمەگٸمەن تاپسىرىستاردى رەسٸمدەۋشٸ ساتىپ الۋشىلاردىڭ ٷلەسٸ بٷكٸل ەلەمدە 54%-دى قۇرايدى. قازاقستاندا بۇل كٶرسەتكٸش 65%-عا جاقىندادى.
قازاقستاندا ەلەكتروندىق ساۋدا نارىعىنىڭ كٶلەمٸ 2019 جىلى 1,8 ەسەگە ٶسٸپ, 700 ملرد تەڭگەدەن استى. ەلەكتروندىق ساۋدانىڭ بٶلشەك ساۋداداعى ٷلەسٸ 1%-دىق تارماق قوسىپ, 3,7%-دى قۇرادى. بۇل ايتارلىقتاي ٶسۋ ەلەۋەتٸن كٶرسەتەدٸ.
بۇل رەتتە, ٸشكٸ نارىق قارقىندى دامۋدا. قازاقستاندىق ينتەرنەت-دٷكەندەردەن ساتىپ الۋ كٶلەمٸ 422 ملرد تەڭگەنٸ قۇرادى, حالىقارالىق ينتەرنەت-الاڭدارى بويىنشا — 280 ملرد تەڭگە.
ساتىپ الۋلار سانى 40,5 ملن-عا دەيٸن ٶستٸ. ٸشكٸ نارىقتىڭ نەگٸزگٸ ٶسٸمٸ 2,5 ەسەگە اسىپ, 22 ملن دانانى قۇرادى.
2019 جىلى بەلسەندٸ ساتىپ الۋشىلاردىڭ سانى 72%-عا ارتىپ, 3,2 ملن ادامدى قۇرادى.
قازاقستاندا 2 مىڭنان استام ينتەرنەت-دٷكەن بار. الايدا, تابىس سالىعىن تٶلەۋدەن بوساتۋ تٷرٸندە سالىق جەڭٸلدٸكتەرٸن الۋ ٷشٸن 579 ينتەرنەت-دٷكەن تٸركەلگەن.
سوندىقتان, ب. سۇلتانوۆتىڭ ايتۋىنشا, نارىقتىڭ رەتتەۋ رەسٸمدەرٸن قاتاڭداتپاي, وسى سالانىڭ زاڭدى قىزمەتٸن ىنتالاندىرۋ بويىنشا شارالار قابىلداۋ ماڭىزدى.
تاۋارلار مەن قىزمەتتەردٸڭ اينالىمىنىڭ «اعارۋىن» دەلەلدەۋ مىسالى رەتٸندە ايتاتىن جايت, 2019 جىلعى قولما-قول اقشاسىز تٶلەمدەر كٶلەمٸ 2,3 ەسەگە ارتىپ, شامامەن 14,4 ترلن تەڭگەنٸ قۇرادى. بۇل ٶسٸم POS-تەرمينالداردىڭ ينفراقۇرىلىمىنىڭ دامۋىنا, قازاقستان نارىعىنا Apple Pay جەنە Samsung Pay ەنۋٸنە, بانكتەردٸڭ كليەنتتەردٸ بونۋستار مەن كەشبەكتەر ارقىلى ىنتالاندىرۋىنا, سونداي-اق قوعامدىق كٶلٸكتٸڭ بارلىق تٷرلەرٸندە قولما-قول اقشاسىز تٶلەمدەردٸ بەلسەندٸ قولدانۋعا بايلانىستى.
2019 جىلى ەلەكتروندىق ساۋدادا 36,8 مىڭ جاڭا جۇمىس ورنى اشىلدى.
2019 جىلى ەلەكتروندىق كوممەرتسييانى دامىتۋدىڭ 2019-2025 جىلدارعا ارنالعان جول كارتاسى ەزٸرلەنٸپ, قابىلداندى. بۇل قۇجاتتاعى شارالار 3 باعىت بويىنشا قۇرىلىمدالعان, اتاپ ايتساق: ەلەكتروندىق ساۋدادا ەكسپورتتى ارتتىرۋ, وتاندىق كەسٸپكەرلەردٸ ەلەكتروندىق ساۋداعا تارتۋ جەنە ينفراقۇرىلىمدى دامىتۋ, تۇتىنۋشىلاردىڭ قۇقىقتارىن قورعاۋ جەنە ەلەكتروندىق ساۋدانى ٸلگەرٸلەتۋ.
«ٶتكەن جىلعى جازدا قويىلعان مٸندەت ەلەكتروندىق ساۋدا ٷلەسٸن 5%-عا دەيٸن جەتكٸزۋ بولدى. الايدا ساۋدا جەنە ينتەگراتسييا مينيسترلٸگٸ قۇرىلعالى بٸز تالداۋ جٷرگٸزدٸك. سونىڭ نەتيجەسٸندە ەلەكتروندىق كوممەرتسييا ٷلەسٸن 10%-عا دەيٸن ارتتىرۋ دەگەن امبيتسييالىق ماقسات قويىلدى. وسىعان بايلانىستى قوسىمشا شارالار قابىلدادىق.
بٸرٸنشٸدەن, قازاقستاندىق كومپانييالاردى حالىقارالىق ەلەكتروندىق پلاتفورمالاردا ٸلگەرٸلەتۋ جٶنٸندەگٸ شارالار.
«اتامەكەن» ۇلتتىق كەسٸپكەرلەر پالاتاسىمەن بٸرلەسٸپ «ينتەرنەت-ەكسپورتتاۋشى مەكتەبٸ» باعدارلاماسى ٸسكە قوسىلدى. ەلەكتروندىق ساۋدا الاڭدارىندا بيزنەستٸ جٷرگٸزۋدٸڭ پراكتيكالىق ەدٸسٸنە 200 قاتىسۋشى وقىتىلدى.
باستاۋشى جەنە تەجٸريبەلٸ كەسٸپكەرلەرگە ينتەرنەت-پلاتفورمالاردا ٸلگەرٸلەتۋ بويىنشا تٸكەلەي قولداۋ كٶرسەتٸلدٸ. مەسەلەن, Alibaba حالىقارالىق پلاتفورماسىنا «التىن جەتكٸزۋشٸ» رەتٸندە تٸركەۋ ٷشٸن 50 كومپانييا ٸرٸكتەلدٸ. بۇل پرەميالدى مەرتەبە جاھاندىق اۋديتوريياعا قولجەتٸمدٸلٸكتٸ, ماركەتپلەيس ٸشٸندە كەشەندٸ ٸلگەرٸلەتۋ مٷمكٸندٸگٸن قامتاماسىز ەتەدٸ. جىلدىڭ اياعىنا دەيٸن بٸز تاعى 50 كومپانيياعا وسىنداي جەردەم كٶرسەتۋدٸ جوسپارلاپ وتىرمىز.
ەكٸنشٸدەن, قازاقستانعا حالىقارالىق پلاتفورمالار تارتۋ جٶنٸندە شارالار قابىلداندى.
ٶتكەن جىلى مينيسترلٸك «Wildberries» حالىقارالىق كومپانيياسىمەن ينۆەستيتسييالىق جوبانى جٷزەگە اسىرۋ تۋرالى مەموراندۋمعا قول قويدى. ونىڭ نەگٸزگٸ ماقساتى – اتالعان پلاتفورما ارقىلى قازاقستاندىق تاۋارلاردىڭ ەكسپورتىن ارتتىرۋعا مٷمكٸندٸك بەرەتٸن ينفراقۇرىلىمدى قۇرۋ جەنە دامىتۋ. Wildberries كومپانيياسى استانا حالىقارالىق قارجى ورتالىعىنىڭ قاتىسۋشىسى بولىپ تٸركەلدٸ. بٷگٸنگٸ تاڭدا 21 قازاقستاندىق كومپانييا رەسەي, بەلارۋس, قىرعىزستان جەنە ارمەنييا سيياقتى باعىتتار بويىنشا وسى پلاتفورماداعى تاۋاردىڭ 594 تٷرٸن ساتادى.
ٷشٸنشٸدەن, ەلەكتروندىق ساۋدا نارىعى ەكوجٷيەسٸنٸڭ ينفراقۇرىلىمىن دامىتۋ جٶنٸندەگٸ شارالار.
بٷگٸنگٸ تاڭدا نۇر-سۇلتان, الماتى جەنە اقتٶبە قالالارىندا كٷن سايىن 350 مىڭنان استام پوشتا جٶنەلتٸمدەرٸن ٶڭدەيتٸن 3 فۋلفيلمەنت-ورتالىق جۇمىس جاساۋدا. 2025 جىلعا قاراي ولاردىڭ سانى 19-عا دەيٸن ٶسەدٸ. بۇل پوشتا جٶنەلتٸمدەرٸ كٶلەمٸن 82,8 ملن داناعا دەيٸن ۇلعايتۋعا جەنە مىڭنان استام ينتەرنەت-دٷكەندەردٸڭ قىزمەتتەرٸمەن قامتاماسىز ەتۋگە مٷمكٸندٸك بەرەدٸ.
سونىمەن قاتار تاۋار ٶتكٸزۋ ينفراقۇرىلىمدى قۇرۋ شەڭبەرٸندە اگرو-لوگيستيكالىق جەنە كٶتەرمە-تاراتۋ ورتالىقتارى جەلٸسٸن تسيفرلاندىرۋ جوسپارلانىپ وتىر. مەسەلەن, ولاردىڭ نەگٸزٸندە فەرمەرلەر مەن كٶتەرمە ساتىپ الۋشىلار ٷشٸن ەلەكتروندىق ساۋدا الاڭدارى قۇرىلادى. اقپاراتتىق جٷيە بٸزگە تاۋار اعىندارىن قاداعالاۋعا مٷمكٸندٸك بەرەدٸ جەنە تەڭدەستٸرٸلگەن ٶڭٸرارالىق اعىنداردى قامتاماسىز ەتەدٸ.
تٶرتٸنشٸدەن, قازاقستاندىق تسيفرلىق ساۋدا الاڭدارىن قۇرۋدى قولداۋعا باعىتتالعان شارالار.
بٷگٸندە نارىقتا شامامەن 13 دامۋشى قازاقستاندىق ساۋدا الاڭى جۇمىس ٸستەيدٸ. Kaspi.kz, flip.kz, chocofamily, mechta.kz باسقا دا ماركەتپلەيستەر تاۋارلار مەن قىزمەتتەردٸڭ شامامەن 20 ساناتى بار.
ازىق-تٷلٸك ساۋداسىن دامىتۋ ماقساتىندا «Onay Bazar» جەنە «HappyFood.kz» ەلەكتروندىق پلاتفورمالارىن دامىتۋعا قولداۋ كٶرسەتٸلدٸ. ولار تۇتىنۋشىعا ٷيدەن شىقپاي-اق تاۋار ساتىپ الۋعا مٷمكٸندٸك بەرەدٸ. مەسەلەن, بازارداعى سەبٸز 100 تەڭگەدەن ساتىلسا, Onay Bazarدا 85 تەڭگە عانا تۇرادى.
فەرمەرلەردٸڭ وتاندىق ٶنٸمدٸ بەسەكەگە قابٸلەتتٸ باعامەن ساتۋى ٷشٸن «Agro Labs» پلاتفورماسى ەزٸرلەنٸپ جاتىر.
جالپى, ساۋدانى تسيفرلاندىرۋ ازىق-تٷلٸك باعاسىن تٶمەندەتۋگە, سونداي-اق باعا بەلگٸلەۋدٸ اشىق ەتۋگە مٷمكٸندٸك بەرەدٸ دەپ ويلايمىز.
بەسٸنشٸدەن, قوعامدى ەلەكتروندىق ساۋداعا بەلسەندٸ قاتىسۋعا تارتۋ.
قوعامدىق ساۋدانى ەلەكتروندىق فورماتقا اۋىستىرۋ, ازىق-تٷلٸك تاۋارلارىنىڭ باعاسىن باقىلاۋ ماقساتىندا مينيسترلٸكتٸڭ قولداۋىمەن «BTS Digital» كومپانيياسى «PRICE SCANNER» قوسىمشاسىن ەزٸرلەۋدە. بۇل ەلەۋمەتتٸك ماڭىزدى ەرٸ ازىق-تٷلٸك تاۋارلارىنا باعانى مونيتورينگتەۋگە مٷمكٸندٸك بەرەدٸ. », — دەدٸ ب. سۇلتانوۆ.
بۇدان باسقا, مينيسترلٸك تۇتىنۋشىلاردىڭ قۇقىقتارىن قورعاۋ تۋرالى جاڭا زاڭ جوباسى شەڭبەرٸندە «بٸر تەرەزە» قاعيداتى بويىنشا شاعىمداردى قابىلداۋدىڭ بٸرىڭعاي اقپاراتتىق جٷيەسٸن قۇرۋ كٶزدەپ وتىر. بۇل جٷيە تۇتىنۋشىعا ينتەرنەت ارقىلى شاعىم بەرۋگە جەنە ٶزٸنٸڭ بۇزىلعان قۇقىقتارىن قالپىنا كەلتٸرۋگە مٷمكٸندٸك بەرەدٸ.
ساۋدانى دامىتۋدىڭ 2021-2025 جىلدارعا ارنالعان مەملەكەتتٸك باعدارلاماسى تۇجىرىمداماسىنىڭ جوباسى ەزٸرلەندٸ, ول جول كارتاسىنىڭ شارالارىن جەنە ساۋدا جەنە ينتەگراتسييا مينيسترلٸگٸ ۇسىنعان شارالاردى كٶزدەيدٸ.
بۇل قازاقستانعا ەكونوميكالىق ٶسۋدٸڭ جوعارى ەلەۋەتٸن ۇسىنا وتىرىپ جەنە قازاقستاندىق تاۋارلاردى ٶتكٸزۋ گەوگرافيياسىن كەڭەيتە وتىرىپ, ەلدەگٸ ەلەكتروندىق كوممەرتسييانى دامىتۋعا قوسىمشا سەرپٸن بەرەدٸ.
«قازپوشتا» اق باسقارما تٶراعاسى سەكەن سەرسەنوۆ ٶز بايانداماسىندا قازاقستان رەسپۋبليكاسىندا ەلەكتروندىق ساۋدانى دامىتۋدىڭ 2019-2025 جىلدارعا ارنالعان جول كارتاسى شەڭبەرٸندە قوعام ەكٸ تارماق بويىنشا, ياعني: 11-تارماق «ەكسپورت مەكتەبٸ» بازاسىندا «كەسٸپكەرلٸك سۋبەكتٸلەرٸنە شەتەل ينتەرنەت-الاڭدارىندا قازاقستاندىق تاۋارلاردى ەكسپورتتاۋدىڭ نەگٸزگٸ داعدىلارىن وقىتۋ» جەنە 24-تارماعى بويىنشا «قاجەتتٸلٸكتەردٸ ەسكەرە وتىرىپ, قوسىمشا E-commerce ورتالىقتارىن اشۋ» نەگٸزگٸ ورىنداۋشى, سونداي-اق 9-تارماقتى بٸرلەسٸپ ورىنداۋشى ەكەنٸن جەتكٸزدٸ.
جول كارتاسىنىڭ بارلىق ٸس-شارالارى بەلگٸلەنگەن مەرزٸمدەردە ورىندالۋدا.
ەلەكتروندىق ساۋدانى دامىتۋ جەنە جول كارتاسىن ٸسكە اسىرۋ بويىنشا قابىلدانىپ جاتقان شارالار تۋرالى بايانداعان س. سەرسەنوۆ قازٸرگٸ تاڭدا قازپوشتا 3 857 بٶلٸمشەدەن تۇراتىنىن, سونىڭ ٸشٸندە 520-سى فرانچايزينگ مودەلٸ شەڭبەرٸندە ەكەنٸن ايتتى. جەلٸ تۇرعىنداردىڭ 100%-ىن قامتيدى.
قوعام پوشتا ينفراقۇرىلىمىن بەلسەندٸ دامىتۋدا.
ٶتكەن جىلى اۆتوماتتاندىرىلعان ٸرٸكتەۋ جەلٸسٸ 18 ميلليوننان استام پوشتا جٶنەلتٸمٸن ٶڭدەدٸ. الىس ەلدٸ مەكەندەرگە گازەتتەر مەن جۋرنالداردى دروندارمەن جەتكٸزۋ جالعاسۋدا.
قولجەتٸمدٸلٸكتٸ دامىتۋ ماقساتىندا كومپانييا سەلەمدەمەلەر سۋپەرماركەتٸ جەلٸسٸن دامىتۋدا. قازپوشتانىڭ قازٸر ەلٸمٸز بويىنشا 248 سەلەمدەمەلەر سۋپەرماركەتٸ مەن 351 پوشتاماتى جۇمىس ٸستەيدٸ.
بيىل ەلٸمٸز بويىنشا 2 كٷن ٸشٸندە 85% پوشتا جٶنەلتٸمٸن جەتكٸزۋ مٷمكٸن بولدى. بۇل پوشتا ينفراقۇرىلىمىن دامىتۋ بويىنشا قابىلدانىپ جاتقان شارالاردىڭ نەتيجەسٸ.
ەلەكتروندىق كوممەرتسييا ورتالىقتارى جۇمىستارىن جالعاستىرۋدا. وسى ورتالىقتاردا شاعىن جەنە ورتا بيزنەس ٶكٸلدەرٸن ينتەرنەت-دٷكەندەردٸ جاساۋعا, تاۋارلاردى ساتۋعا ٷيرەتەدٸ. بٷگٸنگٸ تاڭدا ە-كوم ورتالىقتارى نۇر-سۇلتان, الماتى, قاراعاندى جەنە شىمكەنت قالالارىندا اشىلعان. 2019 جىلى وسى ورتالىقتاردا 2 400-دەن استام بيزنەس ٶكٸلدەرٸ وقۋدان ٶتتٸ. ەكسپورت مەكتەبٸ شەڭبەرٸندە 2 مىڭنان استام شاعىن جەنە ورتا بيزنەس ٶكٸلدەرٸ وقىتتىلدى.
2019 جىلى نۇر-سۇلتان, الماتى جەنە اقتٶبە قالالارىندا فۋلفيلمەنت ورتالىقتارى اشىلدى. مۇندا ينتەرنەت-دٷكەندەردٸڭ يەلەرٸنە تاۋارلاردى قابىلداۋ, ٶڭدەۋ, ساقتاۋ, قاداعالاۋ جەنە تٷپكٸ تۇتىنۋشىعا دەيٸن جەتكٸزۋ سيياقتى قىزمەتتەر كٶرسەتٸلەدٸ. سونىمەن بٸرگە, ينتەرنەت-دٷكەندەر لوگيستيكا, قويمانى جالعا الۋ, پەرسونالعا جۇمسالاتىن شىعىندار جەنە باسقا دا شىعىندارىن ٷنەمدەيدٸ. سونداي-اق سەلەمدەمەلەردٸ جەتكٸزۋ مەرزٸمٸ ايتارلىقتاي قىسقارادى. 2019 جىلدىڭ قورىتىندىسى بويىنشا اينالىمداعى تاۋارلار كٶلەمٸ 8 ميليوننان استى, سالىستىرمالى تٷردە 2018 جىلى 1,2 ملن بولدى.
«جالپى, بٸز 2025 جىلعا قاراي قازاقستاننىڭ بارلىق وبلىس ورتالىقتارىن فۋلفيلمەنتپەن قامتاماسىز ەتۋدٸ جوسپارلايمىز. وسىلايشا, 2020 جىلى نۇر-سۇلتان, الماتى, شىمكەنت, سارىاعاش قالالارىندا 4 ورتالىق اشۋ كٶزدەلۋدە», — دەدٸ س. سەرسەنوۆ.
2025 جىلعا قاراي پوشتالىق سەلەمدەمەلەر كٶلەمٸن 10 ەسەگە ارتتىرۋ كٶزدەلۋدە.
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ سونىمەن قاتار بٷگٸنگٸ كٷنٸ ەلەكتروندى ساۋدا قارقىندى دامىپ جاتقانىن اتاپ ٶتتٸ. ول ٷشٸن كەلەسٸ جۇمىستار جاسالۋدا: ساپالى ينتەرنەتپەن قامتۋ, تسيفرلىق ساۋاتتىلىقتى كٶتەرۋ, قولما-قولسىز اقشا تٶلەمدەردٸ ارتتىرۋ.
قازٸرگٸ ۋاقىتتا 117 قالا جەنە 250 ادامنان استام تۇرعىنى بار 3100-دەن استام اۋىل كەڭ جولاقتى موبيلدٸ ينتەرنەتكە قوسىلعان. جىل سوڭىنا دەيٸن تۇرعىندار سانى 250-دەن اساتىن 1000-نان استام اۋىلدى جىلدامدىعى جوعارى موبيلدٸ ينتەرنەتپەن قامتۋ جوسپارلانعان. وسى ورايدا, اۋىلدارعا جوعارى جىلدامدىقتى موبيلدٸ ينتەرنەتتٸ جٷرگٸزۋدٸڭ جوسپار-كەستەسٸ قۇرىلىپ, بارلىق ەكٸمدٸكتەرمەن كەلٸسٸلدٸ.
ا. جۇماعاليەۆ ٶتكەن اپتادا بايلانىس وپەراتورلارى موبيلدٸ بايلانىس جەلٸسٸن بٸرلەسٸپ قۇرۋ تۋرالى مەموراندۋمعا قول قويعانىن حابارلادى. ەلٸمٸز ٷشٸن ماڭىزى زور جوبانى وپەراتورلار ٶز قاراجاتى ەسەبٸنەن ٸسكە اسىرادى.
2021-22 جىلدارى 250 ادامنان از تۇرعىنى بار 877 اۋىلدى كەڭ جولاقتى ينتەرنەتكە 3G/4G تەxنولوگيياسىمەن جەنە قالعان 930 اۋىلدى سپۋتنيكتٸك ينتەرنەتكە قوسۋ جوسپاردا بار.
«بۇل جۇمىس xالىقتىڭ تسيفرلىق ساۋاتتىلىعىن ارتتىرۋعا كٶمەكتەسەدٸ. بۇل باعىتتا حالىقتى وقىتۋ باعدارلامالارى قايتا قارالدى جەنە بەكٸتٸلدٸ. سونىمەن قاتار, بازالىق تسيفرلىق داعدىلار, EGOV, OPENGOV, E-COMMERCE, جەنە اقپاراتتىق قاۋٸپسٸزدٸك داعدىلارى كۋرستارى ٶتكٸزٸلۋدە», — دەدٸ ا. جۇماعاليەۆ.
2019 جىلى ەكٸمدٸكتەر تسيفرلىق قۇزىرەتتٸلٸكتەرگە 532 مىڭ ادامدى وقىتتى. بۇل بيزنەستٸ دامىتۋعا جەنە تۇرعىنداردىڭ ٶمٸر سٷرۋٸنٸڭ جالپى دەڭگەيٸن كٶتەرۋگە مٷمكٸندٸك جاسادى.
ينتەرنەت جەلٸسٸنٸڭ ۇلعايۋى جەنە تسيفرلىق ساۋاتتىلىقتىڭ ارتۋى قولما-قولسىز اقشا تٶلەمدەرٸنٸڭ دامۋىنا جول اشتى.
نەتيجەسٸندە, قولما-قول اقشاسىز وپەراتسييالار كٶلەمٸ 2,3 ەسە ٶسٸپ, 14,5 ترلن تەڭگەنٸ قۇرادى.
سونىمەن قاتار ا. جۇماعاليەۆ تسيفرلىق تەحنولوگييالاردى رەتتەۋ جٶنٸندەگٸ زاڭ جوباسىندا جەدەل تٶلەمدەر جٷيەسٸن ەنگٸزۋ كٶزدەلگەنٸن ايتتى. ونىڭ ايتۋىنشا, سونىڭ ارقاسىندا قولما-قول اقشاسىز تٶلەمدەر دەڭگەيٸ ودان ەرٸ جوعارى قارقىنمەن ارتادى. كٶلەڭكەلٸ ەكونوميكا دەڭگەيٸ تٶمەندەيدٸ. بۇل وتاندىق ٶندٸرٸستٸ دامىتۋعا, «قاراپايىم زاتتار ەكونوميكاسىن» قۇرۋعا وڭ ەسەرٸن تيگٸزەدٸ. اتالعان جۇمىس وتاندىق تاۋار ٶندٸرۋشٸلەرگە حالىقارالىق ساۋدا الاڭدارىنا شىعۋعا مٷمكٸندٸك بەرەدٸ. ەرينە, بۇل ەلٸمٸزدٸڭ ەكونوميكالىق ٶسٸمٸنە جاڭا سەرپٸن بەرەدٸ.
