پرەزيدەنتتٸككە كانديداتتاردىڭ باسىم بٶلٸگٸنٸڭ سايلاۋعا العاش رەت قاتىسۋى ساياسي تاپتىڭ جاڭارۋ ترەندٸنە دەلەل بولادى. بۇل تۋرالى قر پرەزيدەنتٸنٸڭ كەڭەسشٸسٸ ەرلان قارين Telegram-داعى پاراقشاسىندا جازدى, دەپ حابارلايدى قازاقپارات تٸلشٸسٸ.
«سونىمەن, بٷگٸن سوڭعى كانديدات تٸركەلدٸ. تٸركەۋ كەزەڭٸ رەسمي ەلٸ دە اياقتالماعانىنا قاراماستان ۇسىنىلعانداردىڭ بارلىعى دا قول قويۋ پاراقتارىن جيناپ, تٸركەلٸپ ٷلگەردٸ. ال بۇل پرەزيدەنتتٸك لاۋازىمعا ٷمٸتكەرلەردٸڭ شورت-پاراقشاسى مەرزٸمٸنەن بۇرىن انىقتالدى دەگەندٸ بٸلدٸرەدٸ», - دەپ جازدى ول.
سونىمەن قاتار ەرلان قارين 2019 جىلعى سايلاۋدىڭ ەرەكشەلٸگٸ بۇل عانا ەمەستٸگٸنە نازار اۋدارتادى.
«كانديداتتاردىڭ ەڭ كٶپ سانى تٸركەلدٸ - 7. بٸر ٷمٸتكەر ەمتيحان تاپسىرا المادى, تاعى بٸرٸ ٶزدٸگٸنەن باس تارتتى. وسىلايشا, تٸركەۋ كەزەڭٸنەن كانديداتتىق ٶتٸنٸمدەردٸڭ 80 پايىزعا جۋىعى ٶتتٸ. ٸس جٷزٸندە بارلىق كانديداتتار (بٸرەۋٸنەن باسقاسى) پرەزيدەنتتٸك سايلاۋعا العاش رەت قاتىسىپ وتىر. بۇل ساياسي تاپتىڭ جاڭارۋ ترەندٸنە دەلەل بولا الادى. سايلاۋ ناۋقانىنىڭ بەلسەندٸ كەزەڭٸندە ساياسي كٷشتەردٸڭ بارلىق نەگٸزگٸ پاليتراسى - سولشىل, وڭشىلدار, ورتالىقشىل, سونىمەن قاتار العاش رەت ۇلتتىق-پاتريوتتىق بلوك كانديداتى سايلاۋعا قاتىسادى», - دەدٸ ساياساتتانۋشى.
ونىڭ پايىمىنشا, وسىلايشا اشىق ەرٸ بەسەكەگە تولى سايلاۋ ٶتەتٸندٸگٸ ناقتىلانىپ وتىر. كانديداتتار سانىنىڭ كٶپ بولۋى سايلاۋ پروتسەسٸنٸڭ بەلسەندٸ كەزەڭٸنە ەلٸمٸزدەگٸ نەگٸزگٸ ساياسي كٷشتەردٸڭ, ونىڭ ٸشٸندە وپپوزيتسييانىڭ دا قاتىساتىنىن بٸلدٸرەدٸ.
«كانديداتتاردىڭ باسىم بٶلٸگٸ سايلاۋ ناۋقانىنا العاش رەت قاتىسىپ وتىر, جاڭا تۇلعالار پايدا بولدى. سوعان وراي سايلاۋشىلاردا سايلاۋ ٷشٸن ەرتٷرٸ بالاما بولادى», - دەدٸ ە.قارين.
