فوتو: gov.kz
جوسپارلى جاتتىعۋلار ٶتكٸزگەن بٸرنەشە جىل ٸشٸندە ارمييادا 5 ەسكەري قىزمەتشٸ قازا تاپتى. سەناتور گەنناديي شيپوۆسكيح ٶزٸنٸڭ دەپۋتاتتىق ساۋالىندا ساربازداردىڭ قاۋٸپسٸزدٸگٸن قامتاماسىز ەتۋ مەسەلەلەرٸن كٶتەردٸ, دەپ حابارلايدى قازاقپارات.
دەپۋتات ەسكەري قىزمەتشٸلەر بەيبٸت ۋاقىتتا قازا تاپقانىنا توقتالا كەلە, جوسپارلى وقۋ-جاتتىعۋ كەزٸندە مٷگەدەك بولۋ وقياعالارى دا كەزدەسەتٸنٸن ايتتى.
سەناتوردىڭ پٸكٸرٸنشە, مۇنىڭ سەبەپتەرٸنٸڭ بٸرٸ – جاتتىعۋ كەزٸندە قاۋٸپسٸزدٸك ەرەجەلەرٸن قامتاماسىز ەتۋ دەڭگەيٸنٸڭ تٶمەندٸگٸ.
«2017 جىلدان بەرٸ پاراشيۋتپەن جوسپارلى سەكٸرۋ وقۋ-جاتتىعۋى كەزٸندە وتان قورعاۋشىمىزدىڭ بەسەۋٸنەن ايىرىلىپ وتىرمىز. بۇدان ٶزگە, 2019 جىلى ماڭعىستاۋ وبلىسىندا ەسكەريلەردٸڭ وقۋ-جاتتىعۋى كەزٸندە گراناتا جارىلىپ, سارباز قولىنان ايىرىلدى. وسى سەكٸلدٸ, ەسكەردە وقۋ-جاتتىعۋ كەزٸندە تەحنيكالىق قاۋٸپسٸزدٸك ەرەجەلەرٸن ساقتاماۋ سەبەبٸنەن گراناتا جارىلىپ, قارۋ اتىلىپ كەتۋ نەمەسە باسقا دا سالدار بويىنشا قانشاما فاكتٸلەر تٸركەلدٸ. ولاردىڭ بٸرٸ دەنساۋلىقتان ايىرسا, بٸرٸ جانىنان ايىرىپ جاتىر. بۇنداي وقىس وقيعالار بٸرنەشە مەرتە بولسا دا, ودان ەلٸ ساباق المادىق. اتالعان وقيعالار ەسكەردەگٸ تەحنيكالىق قاۋٸپسٸزدٸك شارالارىنا تيٸستٸ دەڭگەيدە نازار اۋدارىلمايتىنىن بايقاتتى», - دەدٸ گەنناديي شيپوۆسكيح باس پروكۋراتۋراعا جولداعان ساۋالىندا.
ەسكە سالساق, بيىل 18 قاڭتار كٷنٸ استانا قالاسىنىڭ ماڭايىندا پاراشيۋتپەن جوسپارلى سەكٸرۋ بويىنشا وقۋ-جاۋىنگەرلٸك تاپسىرمالارىن ورىنداۋ بارىسىندا مەرزٸمدٸ قىزمەتتەگٸ سارباز قازا تاپتى.
