ۇلتتىق جوبالار اياسىندا حالىققا IT داعدىلارىن تەگٸن ٷيرەتەتٸن 20 يننوۆاتسييالىق مەكتەپ اشىلادى. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ايتىپ بەردٸ, دەپ حابارلايدى قازاقپارات.
«باعدارلامالاۋ بويىنشا 20 يننوۆاتسييالىق مەكتەپ قۇرامىز. بۇل جوو ەمەس, كوللەدج دە ەمەس, 2 جىلدا جوعارى بٸلٸكتٸ ماماندار دايارلاي الاتىن يننوۆاتسييالىق باعدارلامالاۋ مەكتەپتەرٸ دەپ اتالادى. بٷگٸندە ەلٸمٸزدە دەل وسىنداي 2 مەكتەپ بار, ونىڭ تٷلەكتەرٸ قازاقستاندا وتىرىپ-اق, جاھاندىق Big Tech كموپانييالارعا جۇمىس ٸستەپ جٷر», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
مينيستردٸڭ ايتۋىنشا, يننوۆاتسييالىق مەكتەپتەردٸڭ دامۋىن ىنتالاندىرۋ ٷشٸن Tech Orda باعدارلاماسى بويىنشا 20 مىڭ ۆاۋچەر بٶلٸنەدٸ, ولار كەز كەلگەن ادامعا يننوۆاتسييالىق باعدارلامالاۋ مەكتەبٸندە تەگٸن وقۋعا مٷمكٸندٸك بەرەدٸ.
«بۇل يننوۆاتسييالىق مەكتەپتەرگە تەك قانا مەكتەپ تٷلەكتەرٸ نەمەسە ستۋدەنتتەر تٷسەدٸ دەگەن تالاپ جوق, وعان ٶز ماماندىعىن ٶزگەرتٸپ, IT داعدىلارىن ٷيرەنگٸسٸ كەلگەن كەز كەلگەن ادام تٷسە الادى», - دەپ تٷسٸندٸردٸ ب. مۋسين.
ايتا كەتەيٸك, مەملەكەت باسشىسىنىڭ جولداۋى اياسىندا «تسيفرلاندىرۋ, عالىم جەنە يننوۆاتسييالار ەسەبٸنەن تەحنولوگييالىق سەرپٸلٸس» ۇلتتىق جوباسى ەزٸرلەنٸپ, بەكٸتٸلدٸ. ۇلتتىق جوبا 10 باعىتتان, 226 تاپسىرمادان, 44 كٶرسەتكٸشتەن جەنە 211 ٸس-شارادان تۇرادى, ولاردى ٸسكە اسىرۋ 2025 جىلعا دەيٸن جوسپارلانعان. ۇلتتىق جوبا اياسىندا حالىققا قىزمەت كٶرسەتۋ ورتالىقتارى دا تسيفرلىق جەنە ۆيدەوقىزمەتتەرٸن ٸسكە قوسادى.
سونىمەن بٸرگە, قازاقستاننىڭ بارلىق بالالارى ينفورماتيكا جەنە باعدارلامالاۋ بويىنشا ساپالى بٸلٸم الۋى ٷشٸن «ۆيرتۋالدى ينفورماتيكا مۇعالٸمٸ» جوباسى ٸسكە اسىرىلماق.
