تٷركٸستان وبلىسىندا اۋا رايىنىڭ كٷرت ٶزگەرٸپ, تولاسسىز جاۋعان جاۋىن-شاشىننىڭ ارتى بۇرقاسىن داۋىل مەن قارعا ۇلاسىپ, سالدارىنان بەيدٸبەك, وتىرار, ورداباسى اۋدانى مەن كەنتاۋ جەنە ارىس قالاسىنىڭ كەيبٸر ەلدٸ مەكەندەرٸ ٸشٸنارا جارىقسىز قالعان ەدٸ. زارداپ شەككەن ارىس پەن كەنتاۋ قالاسىندا جاعداي تۇراقتالدى. كەنتاۋ قالالىق جىلۋ ەلەكتر ستانساسى ٸسكە قوسىلىپ, ەلەكتر جەلٸلەرٸ جٶندەلدٸ. بۇل تۋرالى قازاپارات ەكٸمدٸكتٸڭ باسپاسٶز قىزمەتٸنە سٸلتەمە جاساپ حابارلايدى.
ال, قالعان ٷش اۋداندا ەلەكتر جەلٸلەرٸن قالپىنا كەلتٸرۋ جۇمىستارى ەلٸ دە جالعاسۋدا. اۋا رايىنىڭ قولايسىزدىعىنان ەلەكتر سىمدارى ٷزٸلٸپ, 2 مىڭنان استام ەلەكتر باعان قۇلاعان. 20 مىڭنان استام ابونەنت جارىقسىز قالعان.
«سيرەك كەزدەسەتٸن قۇبىلىس. ٶتە قاتتى جاڭبىر, جەل, مۇز, اياز. سالدارىنان وبلىستا 2 مىڭنان استام ەلەكتر باعانالارى قۇلادى. سوعان بايلانىستى ٸس-شارا جاساۋىمىز كەرەك»,-دەدٸ وبلىس ەكٸمٸ ٶمٸرزاق شٶكەەۆ اپپارات وتىرىسىندا.
تابيعاتتىڭ توسىن مٸنەز تانىتۋىنان ورىن العان اپاتتى جاعدايعا بايلانىستى شتاب قۇرىلىپ, مەسەلەنٸ وبلىس ەكٸمٸ ٶمٸرزاق شٶكەەۆ ٶز باقىلاۋىنا العان بولاتىن. وبلىس باسشىسى زارداپ شەككەن اۋدان ەكٸمدەرٸنە قالپىنا كەلتٸرۋ جۇمىستارىنا اتسالىسۋدى تاپسىردى.
جيىندا سٶز العان «وڭتٷستٸك جارىق ترانزيت» كومپانيياسىنىڭ باسشىلىعى ورداباسى اۋدانىنداعى جاعداي جاقىن ارادا تۇراقتالاتىنىن جەتكٸزدٸ. ال, وتىرار مەن بەيدٸبەك اۋداندارىندا قايتا قالپىنا كەلتٸرۋ جۇمىستارى بٸر ايعا سوزىلماق.
«بٸر اي دەگەندٸ ەستٸمەيتٸن بولايىن. بٸر اپتانىڭ ٸشٸندە بەرٸن ورنىنا كەلتٸرۋ كەرەك»,-دەپ كەسٸپ ايتتى ٶمٸرزاق ەستايۇلى.
سوڭعى ەكٸ تەۋلٸكتەن كەبٸر تابيعات اپاتىنان بولعان جاعداي بويىنشا قالىپقا كەلتٸرۋ جۇمىستارى كٷنٸ-تٷنٸ جٷرگٸزٸلٸپ جاتىر. وقيعا ورىندارىندا جارىق بەرۋشٸ كومپانييانىڭ 20-دان استام بريگاداسى مەن 100-دەن استام ادامى, 30 تەحنيكاسى جۇمىلدىرىلعان.
