فوتو: Polisia.kz
تالدىقورعاندا جولاۋشى تاكسي جٷرگٸزۋشٸسٸنٸڭ كٶلٸگٸن زاڭسىز يەمدەنگەن, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
پوليتسەيلەر جولاۋشى رەتٸندە قالانىڭ شاعىن اۋداندارىنىڭ بٸرٸنە بارعان جاس قىز ۇرلاپ ەكەتكەن شەتەلدٸك كٶلٸكتٸ يەسٸنە قايتارعان.
"دەمالىس كٷندەرٸ تالدىقورعان پوليتسەيلەرٸ ۇرلانعان Hyundai Accent كٶلٸگٸن ٸزدەۋگە كٶمەك سۇراعان جەرگٸلٸكتٸ تۇرعىننىڭ ٶتٸنٸشٸن تٸركەدٸ. ٶتٸنٸش بەرۋشٸ كٶلٸكتٸ بەلگٸسٸز قىز ۇرلاپ كەتكەنٸن, ونى وبلىس ورتالىعىنىڭ شاعىن اۋداندارىنىڭ بٸرٸنە اپارعانىن تٷسٸندٸردٸ" - دەلٸنگەن حابارلامادا.
بەلگٸلٸ بولعانداي, جولدا كەلە جاتقاندا كليەنت جٷرگٸزۋشٸدەن مينەرالدى سۋ ساتىپ الۋدى ٶتٸنگەن, كەيٸن جٷرگٸزۋشٸنٸڭ جوقتىعىن پايدالانىپ, كٶلٸكتٸ ايداپ ەكەتكەن. جەدەل-ٸزدەستٸرۋ ٸس-شارالارى بارىسىندا پوليتسەيلەر جەبٸرلەنۋشٸنٸڭ شەتەلدٸك كٶلٸگٸن الماتىداعى ويىن-ساۋىق ورىندارىنىڭ بٸرٸنەن تاپقان.
"اۆتوكٶلٸك زاڭدى يەسٸنە قايتارىلدى. كٷدٸكتٸ تۇلعا رەتٸندە 19 جاستاعى قىزدى ۇستادىق. قازٸر ٸس جٷزٸندە قر قك-نٸڭ 200-بابىندا (ۇرلاۋ ماقساتىنسىز اۆتوكٶلٸكتٸ نەمەسە ٶزگە دە كٶلٸك قۇرالىن زاڭسىز يەمدەنۋ) كٶزدەلگەن قىلمىستىق ٸس قوزعالدى. ۇستالعان ادامنىڭ جەكە باسىن راستايتىن قۇجاتتارى بولماعانىن ەسكەرە وتىرىپ, ول ۋاقىتشا قابىلداۋ-تاراتۋ ورنىنا جەتكٸزٸلدٸ", – دەدٸ تالدىقورعان قپب باستىعىنىڭ ورىنباسارى قايرات بايمۇحانوۆ.
جىل باسىنان بەرٸ ايماقتا 37 اۆتوكٶلٸك ۇرلاۋ فاكتٸسٸ تٸركەلگەن. بارلىق كٶلٸك تابىلىپ, يەلەرٸنە قايتارىلعان.
