الماتى ەكٸمدٸگٸ تۇرعىنداردى 19 ناۋرىزدا Birge – taza Qazaqstan رەسپۋبليكالىق اكتسيياسى اياسىندا جالپى قالالىق سەنبٸلٸككە قاتىسۋعا شاقىردى, دەپ حابارلايدى قازاقپارات.
سەنبٸلٸك ۋاقىتى: ساعات 9-دان 12-گە دەيٸن بولادى. سونىمەن قاتار, سەنبٸلٸككە 2 000-نان استام كوممۋنالدىق قىزمەت جۇمىسشى مەن 400-دەن استام ارنايى تەحنيكا شىعادى دەپ كٷتٸلۋدە.
«قىسقى كەزەڭنەن كەيٸن قالا اۋماعىن, رەكرەاتسييالىق ايماقتاردى, ساياباقتاردى, سكۆەرلەردٸ, اۋلالاردى, سونداي-اق, ساۋدا وبەكتٸلەرٸنە, قوعامدىق تاماقتانۋ ورىندارىنا جەنە باسقا دا ۇيىمدارعا ٸرگەلەس اۋماقتاردى تازارتۋ ەرٸ جيناۋ جوسپارلانۋدا. جاپپاي اعاش وتىرعىزۋ دا جوسپارلانعان.
بارلىق مەنشٸك نىسانىنداعى ۇيىمداردىڭ باسشىلارىن, ونىڭ ٸشٸندە پيك, جكب باسشىلارىن قاجەت بولعان جاعدايدا سەنبٸلٸككە قاتىسۋشىلاردى ٸرگەلەس اۋماقتار مەن اۋلالاردا قوقىس جيناۋعا ارنالعان قۇرالدارمەن, قولعاپتارمەن, قاپتارمەن قامتاماسىز ەتۋدٸ سۇرايمىز.
قوقىس سالىنعان قاپتاردى جول جيەگٸنە قويۋ ۇسىنىلادى. ولاردى قالانىڭ كوممۋنالدىق قىزمەتتەرٸ الىپ كەتەدٸ»,- دەلٸنەدٸ ەكٸمدٸك حابارلاماسىندا.
سەنبٸلٸك قالا اۋداندارى بويىنشا مىنا ورىنداردا ٶتەدٸ:
1) الاتاۋ اۋدانىندا «سوسنوۆىي بور» ەكوپاركٸندە جاپپاي اعاش وتىرعىزۋ جەنە ٸرگەلەس جاسىل ايماقتار اۋماعىن جيناۋ جوسپارلانعان.
2) المالى اۋدانىندا سەنبٸلٸكتٸ سايران كٶلٸنٸڭ شىعىس جاعالاۋىندا جاپپاي ٶتكٸزۋ جوسپارلانعان.
3) ەۋەزوۆ اۋدانىندا – سايران كٶلٸنٸڭ باتىس جاعالاۋىندا.
4) بوستاندىق اۋدانىندا – اباي داڭعىلىنىڭ بٶلۋ جولاعىندا.
5) جەتٸسۋ اۋدانىندا – گٷلدەر ساياباعىندا.
6) مەدەۋ اۋدانىندا – رەچكا كازاچكا كٶشەسٸ «ۆوستوچكا» تك ارتىندا.
7) ناۋرىزباي اۋدانىندا – №7 قكا-نىڭ ٸرگەلەس اۋماعىندا جەنە اباي داڭعىلىنىڭ بويىمەن الاتاۋ داڭعىلىنىڭ شىعىسىنا قاراي.
8) تٷركسٸب اۋدانىندا – پەتروزاۆودسكايا جەنە مايلين كٶشەلەرٸندەگٸ جىرالاردا.
